حجزنا ولله الحمد لاوروبا وكما وعدتكم بعض المعلومات في الداخل .

مرحبا بنات كما وعدت بعض البنات اني راح اكتب كل شيء عن الحجوزات بعد ما نحجز وانخلص خصوصا اني تلعوزت شوي في البدايه بس الله يسرها…والحين يايبه لكم الحجوزات من الف الى الياء …حجزنا من مكتب الشرقيه للسفريات في العين …15 يوم 3 كبار ب28 الف درهم شامل التذاكر والفنادق …ومن عند نفس المكتب خذنا سيارة مرسيدس ضمان شامل..اللهم ما فيه القارمن ..بس احتمال ناخذه من هني..والتوتل مع السيارة 35 الف درهم…

مخطط الرحله :15 الى 16 يوم.
دبي–(سويسرا) زيورخ–انترلاكن–(النسما) زيلامسي–(المانيا) ميونخ–دبي

الاماكن والفنادق المقرر الذهاب اليها:
1- سويسرا -بننزل يوم واحد لزيورخ وعلى طول نتجه من المطار ماخذين سيارة ولانترلاكن 5 ليالي فندق دولاخ 4 نجوم :

فندق وايد حلو مجابله النهر..

2- النمسا– زيلامسي: 5 ليالي في فندق لاتيني 4 نجوم:

3- المانيا–ميونخ: فندق ريجنت 4 ليالي 4 نجوم:

وطبعا العوده من مطار ميونخ لارض الديار على 182017م بعون الله…
اتمنى كفيت في الموضوع والي عندها اي استفسار تراني جاهزة..وان شاء الله عقب بكتب تقرير مفصل للاماكن المقترح الذهاب اليها مع الصور في كل دولة وفي كل منطقه…وعقب ما ارجع بعون الله طبعا التقرير بيكون بتصويري وبالتفصيل لانه هالصور منقوله من الماقع الرسميه وبعضها من تصوير المسافرين..

بس ريلي يخبرني البارحه حصل على طيران الامارات دايركت لزيورخ بس مش اكيد يعني مخططنا ان شاء الله

زيورخ 4 ايام وبنروح يوروبا بارك في المانيا تبعد بس ساعتين واشوي
وبعدين ميونخ 4 ايام لانها تبعد من زيورخ بس 3 ساعات واشوي وطبعا من ميونخ بنمر على زلامسي وتبعد من ميونخ تقريبا ساعتين واشوي وبنمر على سالزبورخ تبعد عن زلامسي بس ساعه تقريبا يعني بنروح نفس اليوم وبنرجع
وبعدين نرجع زيورخ نتم فيها بعد يومين ونطلع انترلاكن ونتم 3 ايام وكل يوم نمر على مكان مثل لوسيرن وزرمات ولوقانو …..
وبعدين على جنيف انتم فيها 5 ايام ومنها نقدر نسير ليون وايفيان الفرنسيه بالباخره تبعد ساعه او ساعتين تقريبا يعني كل شي قريب والرجعه من هناك اذا الله راد

و انا بعد احتمال ارجع نفس اليوم من مطار ميونخ او يمكن 31 / 7 لول