السلام عليكم ورحمة الله وبركاته
خواتي العزيزات عضوات ومشرفات وتاجرات
مب كل مرة اعرف أسوي مقدمة وأرتب حق أي موضوع
فالحين بدخل في الموضوع على طول
عندنا اخت كانت نصرانية أسلمت ولله الحمد وأصبح اسمها الجديد "ريم"
اتفقنا بنسويلها احتفال صغير في المول بهالمناسبة وعشان الكل يعرف إنها أسلمت
وطبعا في ناس يعرفونها من بعيد او زملاء عمل اعلنو عن رغبتهم في اهداءها هدايا قيمة بهالمناسبة الراااائعة
فهنا انا بطلب أفكاركم في هالمناسبة الرائعة
وأيضا دعوة للاخوات اللي يحبون يحضرون ويانا ويهنونها ويهادونها،،، عشان نحببها أكثر في الإسلام
وأيضا لها صديقات نصرانيات بيحضرن وهي تقول تحاول تعلمهن عن الاسلام وفي وحدة منهن قريب ان شا الله بتأسلم
يعني حلو نشجعهم وناخذ بيدهم
مين تحب تشاركنا وتحضر معانا تخبرني
ومين تحب تشاركنا بأفكار مبدعة لهالمناسبة نحن في انتظاركم
الاحتفال ان شا الله بيكون الاسبوع القادم
بعدنا ما اخترنا يوم محدد
في الجيمي مول في العين
المشاركة الأصلية كتبت بواسطة *ام حمودي* 
ثبتها الله ع الاسلام ، و في ميزان حسانتكم.
سوا مثل التوزيعات عن الاسلام ( سي دي ولا بروشورات ) دام انه بعد فيه ناس نصرانين بيون سبحان الله يمكن يقتنعون.
و للاخت ريم اشترولها عبايه و قران، ماي زمزم او حتا تذكره للعمره؟ احس بتستانس *
المشاركة الأصلية كتبت بواسطة minimouse ثبتها الله ع الاسلام ، و في ميزان حسانتكم.
سوا مثل التوزيعات عن الاسلام ( سي دي ولا بروشورات ) دام انه بعد فيه ناس نصرانين بيون سبحان الله يمكن يقتنعون.
و للاخت ريم اشترولها عبايه و قران، ماي زمزم او حتا تذكره للعمره؟ احس بتستانس *
وعليكم السلام والرحمة
والله افكارك حلوة
بس الحين وين بنحصل شي دعوي باللغة الانجليزية لصديقاتها النصرانيات؟
والعباية في حد من الشباب جزاه الله خير سوالها عبايا….
بس فكرة تذكرة العمرة هاي رهيييبة وما جت فبالي
بس ممكن تحتاج محرم؟
ولو تقدر تسير في حملة
احس موضوع التذكرة بيكلف ونحن مع بعض انا وصديقاتي ممكن ما نقدر
بس بنشوف الفكرة وبنرتب للموضوع لانها صراحة عجبتني واااااااااايد
والله يثبتها ويثبتنا عالاسلام