الله يسلمكن في وحدة من فرحتها انها حملت وهذا ولدها البجر حلفت ان من اييها الويع تلبس فستان عرس وكانت امخبره ريلها واهلها لكن ما صدقوها .. المهم الحلوة راحت وأجرت الفستان افشهرها التاسع أجرته من شارع الرقة بدبي.. الموهيييم قبل الويع اصرت تلبس الفستان وخواتها وامها يحاولون وياها انها ما تلبسه وهي لا حياة لمن تنادي مصررررررره وأصلا بعد الويع بدايته ع بالها هذا أقوى شي .. زاد الويع والصريخ والفستان عليها والدكاتره منصدمين وما يبون يولدونها ابهاي الطريقه مني مناك وآآآآآآآآآه وأأأأأأأأأأأأه ولدت..طبعا الفستان اتمزع وهي مجرتنه بشي وشويات ..وريلها كان دوام ومن عرف انها بتولد رجع ركض لحق عليها طالعة من غرفة الولادة ابفستان ومعاها ولي العهد 
اتصدقون او لا ؟؟ وشو رايكن؟؟
صج ناقصات عقل ودين
سلااااااااام
اهنيها على اصرارها
,, ومبروك عليها المولود اليديد ,و يتربى فعزهم وكتوضيح اتي الغالية :
ناقصات عقل ودين معناها ,, ناقصات عقل ,, اي أن شهادة الرجل بشهادتين للمرأة ^^
وناقصــات ديـــن ,, بمعنى ان الحريم تييهم الدورة والنفاس ومايصلون أو يصومون ,, بس الريال ,, صلاته وصيامه ماتوقف طول حياته إلا في حالة المرض المزمن
وربي يوفقج ويسر أمورج ^_^
والله شر البلية ما يضحك
يالسة اتخيل الموووقف
بس تبين الصدق هذي بطره ومثل ماقلتي ناقصات عقل
اللي يعيش يا ما يشوووف فزمن هذا كل شي يمكن يصير
انا مادري كيف امها مطاوعتنها في الخبال
اظنيه انها بتلبس فستان في الولاده الثانيه بعد خخخخخخ
من صجهاا ذي ..حزة الولاااده ماتبين شي يضيق عليـج شلووون فستاان وجيبووون وكرستاال وشك ..
لالا هاااذي متخلفه عقلين او مينووونه ..مسكيــــنه ..احسهاا كانت فرجه ..
بس معقوووله في وحده جي تفكييرهااا <<احس بس جي ساالفه ..
كلتوها حرام عليكم
موب شرط كل الحريمات نفس الشيء
الله يوفقها