حلمي مرتبط بالفايتكس ابي رايكم

هلا بنات اخباركم

بخبركم الشي امس صار لي واليوم

صراحه ما قلت حق احد غيركم ابي رأيكم احس عمري وايد محتاره

امس كنت سهرانه ع المنتدى ووحده قالت ليش ماتجربون حبوب فايتكس حق الحمل // سرت سويت بحث ف قوقل وشفت وايد بنات جربو خاصه ف منتدانا وايد بنات صار معاهم حمل وحطو تجربتهم وفي بنات ما ناسبهم أبدا ولخبط هرموناتهم بس هالدوا يمكن ايب نتيجه من اول استخدام ويمكن ايب نتيجه عقب ثمانيه شهور او سته ع حسب لانه يعتبر علاج لانه هالدواء ماله الضرر من أعشاب طبيعية هو نفسه مراميه ويقولون أحسن عن كلوميد

المهم تميت ابحث واقرأ وايد اكثر عن ست ساعات تميت لين الفير في موضوع ف قسم الحمل تقريبا قريت كامل لين صفحه 85

المهم عرفت عن هالدوا وايد لأني ابي اتوكل واجربه

طبعا انا موقفه علاج الحمل من فتره من اخر مره أجهضت الي كانت شهر مارس يعني شهر ثلاث المهم امس وانا قاعده قررت أبدا علاج من اول ويديد

طبعا رح تقولون ليش ما تروحين عياده صراحه مابي لأني انا ما أعاني من ولا الشي سويت كل فحوصات كل الشي عندي طبيعي واوك

سرت وايد احس ماشي فايده ابي اتعالج من نفسي ههههههه

المهم قررت اتريا دوره تنزل عسب اقدر أبدا علاج فايتكس كانت باقي ع دورتي يومين قلت بسوي فحص منزلي الصبح

قمت صَلَّيْتَ القيام الليل أنام متعوده يوميا اصلي واقرأ قران
قلت ف نفسي ليش ما استخير ربي أني استخدم فايتكس ولا

حتى سويت حقي جدول حق هالشهر أبدا ف كورس علاج من نفسي وهي
يوميا من تنزل دوره اشرب عصير اناناس واشرب شاي مراميه
ومرقدوش وبعد حليب مع تلبينه وحبوب فايتكس وفولك أسيد

المهم صَلَّيْتَ استخاره والحمدالله وترييت صلاه الفير وصليت من عقبها سرت صيدلية مع ريلي خذت فحص منزلي طلع ماشي الحمل قلت ف قلبي الحمدالله

من حطيت راسي تميت مضايجه اشوي وتميت أصيح كالعاده كل شهر انا ع هاي حاله مفروض اتعود بس مادري ليش بعد اضايج واصيح

المهم رقدت أحلامي كلها عن هالدوا فايتكس وعن كورس الي بسويه حقي هالشهر من تنزل عندي دوره

في احد ف حلمي يقولب قومي روحي اشتري مراميه ومرقدوش روحي اشربي ان شاءالله رح تحملين وانا راقده مرقدوش ومراميه كله ع لساني

أقول حق نفسي يلا قومي روحي ولاتنسين دوا فايتكس

كل هذا ف حلمي اليوم

أول ما نشيت سمعت أذان ظههر نشيت ابي اصلي بس حسيت الشي ينزل لي من تحت عقبها عرفت انه دوره شرفت قلت الحمدالله

المهم تميت كله افكر ف حلمي شو معناه
سرت ع طول اتصلت ع صيدلية gnc قلت لها ابي فايتكس متوفر ولا قالت لي هي الشي تعالي ترددت اروح ولا قلت باجر بروح أحسن والحين محتاره اخذه ولا شوروا علي بليز محتاره

وسرت شربت عصير اناناس عقبها شاي مراميه وبعد حليب مع تلبينه ومرقدوش وحتى فولك أسيد

بس محتاره أخذ فايتكس ولا سعره 100 درهم 400 جرام

احس كل الشي مرتبط بحلمي

أنتو شو رأيكم

أختي ربي يرزقج بالذرية الصالحة , آمين . ما أعرف شو أقول لج , أنا ما لي تجربة مع هذا الدوا بس وحدة من أهلي خذته وصارت عندها الدورة ما منتظمة وطلع لها حبوب في وجهها والحين صار لها كم شهر تعالج مشكلة عدم إنتظام الدورة مع أنها قبل ما تاخذ الفديكس كانت الدورة منتظمة عندها . ما قدر أقول لج لا تاخذي الدواء , هذا قرارج ولكن الأحلام والله أعلم باين أنها حديث نفس لأنج كنتي تفكري في الموضوع . الميرمية سبحان الله كنت بكتب عن تجربة وحدة أعرفها معاها , صار لها مب 10 سنوات تتعالج علشان تحمل والله ما كتب والحمدلله من ثلاث شهور بدأت تاخذ شاي الميرمية وربي رزقها بالحمل في نفس الشهر اللي شربت فيه الميرمية . أكيد أولاً وأخير هذه كتبة رب العالمين . ربي يرزقج أختي بالذرية عاجلاً غير آجل .

لا تشربين اناناس من الحين في رابع يوم للدوره شربيه … لانه حق التبويض مش علشان الدوره …وهو من الحوامض … وانتظمي على المرقدوش والمرمية وفي نظام اليوم شفته اسمه نظام فيافي … وحده قالت انها عقب ماطبقته حملت …

وبالنسبة للحبوب ما أدري والله … وهل يمكن تفيدج او تخرب لج هرموناتج بس جربي عسا تكون خير لج …

والله يرزقنا ويرزقج

حبيبتي من الأفضل انو تستشيري الدكتورة قبل ما تجربي الدوا وان شاءالله خير

هي حتى انا قريت عن فايتكس يمكن يسبب صداع وحبوب وعدم انتظام بس الشي بنات انتظم عندهم دوره

ميريام به ان شاءالله بنتظم فيها
اللهم أمين مشكوره فديتج

اوووك بشربه من رابع يوم دوره اناناس

وان شاءالله انتظم ع مراميه ومرقدوش

ان شاءالله فديتج جي بسوي
اجرب اشيا طبيعية أحسن عن دواء