حلو قهوة بشكل الورود .الصور بالتفصيل ***

السلام عليكم

شكل هالحلو هذا عجبني وحبيت انقله لكم

المقادير:

كاس دقيق
كاس وربع سميد
ملعقه صغيره باكنج باودر
ملعقه صغيره خميره فوريه
علبه قشطه
1 اصبع زبده (100 غرام) مذوبه على النار

الحشوه:
تفاح مطبوخ مع قرفه وسكر
تقريبا 2 تفاحه + 3 ملاعق سكر بني ((انا احبه اكثر من الابيض))+ ملعقه قرفه
تطبخ على النار حتى يتبخر ماؤه..

او تمر معجون مع جوز طلع مره لذيذ..

المهم نجي للطريقه:

اعجني المقادير الجافه واضيفي لها القشطه والزبده واعجني..

اتركيها تقريبا ربع ساعه ترتاح..واقطعي العجينه الى كرتين وافردي كل كره

(1)
قطعيها بكاس
خليجية
قطعي كل دائره بالقطاعه مثل الصوره قصي خطين متوازيين بحيث انك ماتوصلين لمنتصف الدائره
ان شاء الله يكون واضح بالصوره..

ضعي الحشوه في المنتصف

لفي طرفي العجينه اللي في النص اول شي الطرف اليمين
خليجية

وبعدين لفي الطرف الخارجي وسكريه

واخر شي الطرف الخارجي الاخير يطلع شكلها مثل الورده
وحاولي انك تضغطين من تحت وتفتحينها شوي من فوق عشان يطلع شكلها مضبوط
خليجية
رصيها كلها بالصينيه واخبزيها وترا ماتاخذ وقت تقريبا ربع ساعه

اذا طلعت سقيها بشيره بس شوي وحاولي تصفينها من الشيره الزايده
عشان ماتصير رطبه