اول مرة اكتب مشكلة وخاطري انكم تساعدونى برايكم
ضغطي مرتفع ومقهورة
السالفه ومافيها ياطويلات العمر
0
0
انا عندي ربيعتى من ايام المدرسه طيبه وحبوبه ولها وقفات ويايه واعرف انها تعزني
لكن فيها عيوب حالها حال كل البشر
اهم عيبين هم
اولا عينها حارة وهي تدري بس طبعا شي مب بأيدها مع انى الاحظ انها ما تقول ماشاء الله الا احيانا
وانا ياما استوت لي مواقف وانضريت بسبت هالشي بس ما زعلت منها ابدا ولا فكرت اتركها
اما العيب الثانى وهو الأخطر
انها تحب تدخل في حياة الناس وتباهم يعيشون حسب اللي هي تجوفه صح
يعنى عن خواتها دومها تشكيلي منهم بحكم انى انا القريبه منها ان حياتهم مب عايبتنها وان رياييلهم قاصين عليهم الخ…
وانا احاول افهمها ان هم احرار طالما كل وحده مستانسه ويا ريلها وراضيه ليش هي تحاول تدخل حتى انا يوم عرست تمت تقولي ريلج فيه وفيه ومرة جافته في دوامها ايام ما كنت مالجه وقالتله البنت (اللي هي انا) ما تباك وما تعرف كيف تقولك
يوم واجهتها قالتلي انها سوت جي لمصلحتى وانها تخاف عليه وبعد طنشت السالفه
مابا اخسرها لان هالزمن الواحد ما يحصل ربع بسهوله.
آخر شي سوته وما كنت ابدا متخيله انها اتسوي جذي
انها تخون الأمانه
هى اداوم في بنك وماشاء الله وظيفتها زينه ودخلها فوق ال10,000
من فتره طلبت منى مبلغ وانا اعتذرتلها بأدب ان عندى التزامات وحاليا ما عندى وانا اساسا ما اشتغل, تمت تعق عليه رمسه وكأنها متأكده ان عندى وانا اصلا راس مالي 3000 بس
عقب كنت وياها فالسوق, ودفعت بالبطاقه جان اقولها اخاف وقعت غلط يت وتمت اطالع التوقيع وقالتلي لا صح نفس التوقيع انا دوم اجيك على حسابج؟؟!!!!
.gif "12 (78)")
انا ويهي استوى شرات هذا اللي فوق
انا عندى حساب في البنك اللي هى اداوم فيه بس ولا مرة طلبت منها اجيك لي شي
ودايما ريلي يسير فرع في اماره ثانيه ولا عطيتها رقم حسابي ولاشي
ويوم بديت اتذكر انها دوم تعق عليه نغزات ان شي ناس ما يشتغلون بس يصرفون اكثر عن اللي عندهم وظايف وان ريلج مب مقصر عليج ومالت على حظى (هى ملجت وانفصلت وما اعرف السبب لانى ما ادخلت)
وانا ما اقول تفاصيل حياتى ويا ريلي حق اى حد حد لو امى فكيف عرفت انه يعطينى؟؟
الحين انا ناويه اخلي الحساب فالبنك المعفن اللى هى اداوم فيه لان اصلا هالبنك خدماتهم صارت رديئه وافتح في بنك ثانى بس بخلي هالحساب وخلها تراقب عكيفها
بس
هل تنصحونى افتح لها السالفه مع العلم انها لو كانت غلطانه مستحيل تعترف..
لو اى وحده فيكم مكانى شو بتسوي وهل السالفه تقهر ولا انا مكبره الموضوع لانى حساسه؟
للعلم هي دوم تقولي يت فلانه بنت فلان وعندها في حسابها مبلغ كذا مع العلم ان هالمبلغ ما يتعدا كمن ألف وتقولي من وين يابت هالفلوس انا راتبي عشرة وما ايمع
بس اصخ عنها شو بقولها يعنى.. بس جد هالاشياء تنرفز هاي اسرار ناس مفروض هى ما اطلعها ولا تقولها مب هاي خيانة للأمانه..
اسمحولي طولت بس ما اعرف لمنو افضفض وامى ان خبرتها بتقولي سيري اشتكى عليها هاي اطلع اسرار الناس لان امى تحب المثاليه ولو انا غلطت اظن عادي اتسير اتخبر عليه
الله يعين والله شي ينرفز …
شووو الفااااااااايدة دام مابتسمع….شكلها صدق تشوف الناس مثل ما اهي تبا ..ومقتنعة برايها بروحها حتى لوشي اراء صح ورايها غلط بتقوول رايها اهي الصح….
اهههههههههههههه ضحكت على ويهج الي فالصوورة الله يسامحج على هالصبح..أخاف هيا تضاربني على الضحكة
من زمان ماضحكت فالقسم ..بس هيا لا تعاتبيني شوفي الصورة مال ويها اتضحكـ
بارك الله فيج
اشوف انج مثل ما قلتي أول شي تفتحين لج حساب في بنك ثاني بعييد عنها وأي عملية تحويل أو إنزال فلوس ..خل تنزلج على حسابج اليديد … والثاني الجديم خليه جذه بالمبلغ اللي فيه ما يتحرك ..وخلها تجيك على كيف كيفها فيه ما بتحصل عقب شي ..
ثاني شي اختي رايي انج ترمسينها بهدوء وتخبرينها انه هالطبع ما يعيبج ومب زين عليها هاي اسرار ( هذا من حق الصداقة عليج انج تنصحينها حتى لو ما بتسمع ..المهم تبرين ذمتج جدام ربج) ..وخلي علاقتج وياه مب قوية مثل قبل ..يعني ابتعدي بالتدريج لحد ما تخلينها سطحية خاصة انج الحين بتعرسين وبتنشغلين بحياتج اليديدة …ما أقول تقطعينها تماما ..لكن تقللين من العلاقة شوي ولا تخلينها تتدخل في حياتج ولا تخبرينها اي سر من اسرارج او اي شي تسوينه سواء في علاقتج مع اهلج او ريلج …يمكن تنصلح وتحس بغلطها وتراجع نفسها في تصرفاتها ..وادعيلها الله يصلح حالها
الله يهديها يا رب
الغاليه الصديقة الاصليه هي الي تخاف على صديقتها و تحب الخير لها و تضحي علشانها مب تحسدها و تجسس عليها. انتي لانج في البيت اكيد صعب تحصلين صديقه ثانيه يعني اذا كنتي مثلا تدرسين في جامعه او اداومين اكييد راح تحصلين ناس طيوبات ..
لا تناقشينها بلي سوت،لانها مثل ما قلتي ما بتعترف بالغلطها، عامليها بشكل عادي، و انصحيها اذا شفتي عاليها شي يعني قوليلها خلها تذكر اسم الله و عن عقاب الشخص الي يحسد و يتجسس على الناس و يرمس عنهم.
موفقه الغاليه، ربي يحفظج و يوفقج
هاي وايد حسوده والمفروض ان علاقتج فيها تكون سطحيه جدا من اول ما حاولت تخرب بينج وبين ريلج
هاي بتجرج لمشاكل انتي في غنى عنها
وبالنسبه لحسابج هالموضوع ما ينسكت عليه هالامور مافيها حيا لانها هي بروحها ما تستحي عيل تقولج بالويه اجيك ع رصيدج ؟؟
الله يعينج عليها