خايفه من الولادة "ابرة الظهر"

خواتي انا حامل في البجر اول مره و خوافه موت من كل شي
اخاف من المستشفيات والعمليات وخصوصا الولادة عندي فوبيا منها! لدرجة قلبي يدق واتنافض وارتجف ويرتفع ضغطي..الحين شاله هم الولادة من اللي اسمعه وما استحمل اسمع صياح الحريم وصراخهن عادي يغمى عليه من الخوف ههههه
افكر في ابرة الظهر منو جربتها؟
و حد جربها وتمت الأعراض الجانبية لين فترة مثل الم الظهر والصداع؟
الحريم وايد يبالغون في النت وياحبهم للتهويل
احس شلل نصفي وهالسوالف اول ما اكتشفوها قبل ما يتطور الطب
و وين احسن مستشفى يضربها؟ سمعت يمدحون مستشفى الوصل

موفقه حبيبتي ما عندي فكره لان ولاداتي كانت بدون ابر وحسيت بكل الاوجاع
بس تاكدي رب العالمين بيكون وياج
واول ما بتربي بتنسين الوجع سبحان الله

الله وياج فكل ولاده لاتحاتين وتاخذين أشياء للحين ما نعرف ضررها شو
توكلي ع الله ولاتحسين الملائكة حولج وقت الولاده وهذا معجزه من رب العالمين

ماعندي فكره عنها وما أفكر آخذها الله بي سهل وقتها إن شاء الله
نتعب ساعات وفي وقت واحد ولا نتعب على فترات وتعاني

الصراحه الم الولاده لايطاق وايد يعور بس فيه حريم يتحملن والله يسهلها عليهن
انا هذا رابع حمل لي وافكر اخذها لاني ماقدر ع الم الولاده خلاص

يا اختي آلالام الولاده مأجورين عليها نحن ربنا يكتب لنا اجر وفي كل طلقه نحس فيها الدعاء في لحظتها مستجاب صح تعب لكن تعب ساعات ويهون تشوفين ضناج وتنسين التعب
عمري ماجربت إبرة الظهر لكن عادي تطلبيها في مواعيدج عشان تنكتب في ملفج
الله يسهل عليج وعلينا كلنا

اختي انا جربت ابرة الظهر لاني سويت قيصرية