خبيرات الكيك اقربوا

أول شي

بلييييييييييييييز ابي اظبط مقادير كيك برتقااااااااااااااال مجربة بلييييييييز لاني خاطري فيه وكل مااجرب المقدير من النت تفشل الكيكة

ابي مقادير سهله ومظبوطة وواضحة للكيكة وبكون شاكرة لكم واااااايد

أنا عندي طريقة سهلة وحلوة بعد

كوبين طحين أبيض

كوب عصير برتقال

6 بيضات

سكر أي كمية تبينها أنا أحط نص أو ربع كوب لأن أهلي ما يحبون الحلى وايد ..

فنجان زيت أو زبدة

ملعقة بيكنج باودر

رشة فانيلا بودرة أو برش ليمون ..

الطريقة

تخفقين البيض مع السكر لحد ما يذوب السكر ويصير لونه أبيض ..

وعقب تضيفين الزبدة أو الزيت مع الفانيلا ..

وبعدين تحطين العصير .. وأتضيفين الطحين بالتدريج وآخر شيء البيكنج باودر ..

وبالنسبة للطحين يمكن ما تستخدمينه بالكامل أنتي شوفي قوام الكيكه لازم ما تكون سائلة وايد

ولا غليضة يعني وسط ..

وبالعافيه على قلبج

هذي كيكة العضوة هند من ملف الحلويات ال3

روووووووووووووووووووووووووووووووووووووووووووووووعة والله عن تجارب مب تجربة وحدة

ألذ كيكة برتقال

المقادير :

3 بيضات + رشة فانيلا
3 أرباع كوب سكر
3 أرباع كوب زيت
كوب عصير برتقال + ملعقة من بشر البرتقال ( القشرة البرتقالية ولا نريد البيضاء )
كوبين طحين + 2 ملعقة صغيرة بيكنج باودر

الطريقة :

في خلاط العصير اخفقي البيض مع الفانيلا ثم أضيفي السكر واخفقي
ثم الزيت واخفقي .. ثم عصير البرتقال مع البشر واخفقي ..

بالنسبة لي ,, أبشر البرتقال باستخدام مقشرة البطاطا .. وانتبهي ألا تبشري القشرة الداخلية البيضاء بالبرتقال ..

الآن صبي الخليط في وعاء للخلط .. وأضيفي الطحين بالتدريج بعد نخله مع البيكنج باودر واخلطي بالخفاق اليدوي على أقل سرعة حتى تتجانس المكونات ,, ولا تطيلي عملية الخفق ..

يصب الخليط في القالب ، ويدخل الفرن بحرارة 160 درجة مئوية لمدة 35 دقيقةفقط

وتحمر من الأعلى

ترش بالسكر البودرة وتقدم بعد أن تبرد .. لذيذة جداً !

هذا تزييني انا للكيكة الحلوة :

انا احط شوكة وملعقة ع شكل اكس وارش السكر البودرة بالمنخل وعقب اشل الشوكة والملعقة

ويطلع شكلها رووووووووووووووعة

ملاحظة

جربت الكيكة بعصير برتقال فرش وبعصير علب جاهزة وفي كل مرة اجرب نوع

وتطلع الكيكة رووووووووعة

جربيها وادعيلي بالتوفيق والنجاح في المقابلة ولأهلي بتفريج الهم

تسلمين الغلا ع ها المقادير

وانا عيييييييييييين الصواب

رحلة سنين تسلمين عالمقادير حبيبتي بس ابيها مضبوطة مافيني اتم اقدر الطحين وتفشل بصيييييح

عالية الغالية مشكووووووووورة شكلي بجربهم ماقصرتي الله يوفقج يارب فحياتج ويكتبلج كل خير ويفرج هم اهلج ياااااااااااااارب