السفرة ان شاء الله من 22/8 مطار فينا الى 31/8 ميونيخ
العدد 5كبار 3 صغار( 2،5،8)
واللحين بدا الجد والجد هالله هالله عليه
المناطق كاقتراح فينا 3ليالي
سالزبورخ 3ليالي
زيلامسي3ليالي
ميونخ 1 ليلة
شو رايكم بالمناطق هل اخليهن او انقصهن وليش 
وبعد لو سمحتوا الفنادق النظيفة الحلوه يعني مش شرط 5 نجوم واذا 5 نجوم واسعار حلوه وموقع حلو ليش لا وشكرا فديتكم 
ان شاءالله تستانسين
النمسااا حلووه واايد
وجوهااا بارد ,,,
فينااا نفس ماقلتي
تكفي ثلاث ليال,,,لانهاا اصلا صغيره
مافيهااا اامااكن وااايد يعني ثلاث ايام
بتلفيهااا كاامل اكثر الاشيااء فيهااا عن
هتلر ,,عندج فندق ماااريووووت فخم
وراااقي وعندج الهليتون بارك موقعه
ممتاز راح يكون قريب منكم السوق
متاحف وسوبر ماركت ومميز وحلوو
هذا في فيناااا,,,,,,,,,,,,,,
وسفره مووووفقه ان شاءالله
و تروحين ساحة ماريا هلفر طبعا كلها محلات سوق وفيها كنيستهم المعروفة و فيها قصر الأوبرا و في عروض تتحصلون هناك ناس يبيعون تذاكر حق العروض و عندك حديقة ترفيهيه نسيت اسماها والله بس والله مرره عجيبه بالذات لو كنتي تحبي الألعاب الي تخوف و جو المغامرة ياريت لو وحده من البنات تكتب اسمها
الفنادق افضل شي تحجزين في ساحة ماريا هلفر ويكون قريب القطار اقصد المحطة
وصح اعتقد في محطه اسمها الدانوب هي مطلع علا بحر مدري نهر فيها هناك بعد منطقة العاب منطقه ترفيهيه
خلصنا من فيينا
نجي لزلامسي و سالزبورغ
ترا هاا منطقتين نفس الشي بحيرات و طبيعه فا مدري احس لو تروحون وحده والي هي زيلامسي وتجلسون فيها 4 ايام بحيث تقدرون يوم تقضونه في سالزبورغ
لا زيلامسي قريبه من كامبرون و الشلال و متحف الطبيعة و اذا بتاخذ ون فندق لا تاخذون الجراند لان القطار تحته و مزعج انواع الإزعاج
وصح عندكم الزحليقه الصيفيه
ميونخ اسمحيلي ما اعرف عنها شي لاني ما قط سرتلها
نحن سكنا في خمس نجوم والله لا يوريكي لو كانت عندنا حتا نجمة كثير عليها
انا اقول سالزبورغ مالها داعي تسكنون فيها
ممكن تروحونها يوم واحد من زيلامسي لانها وايد قريبه
عشان جيه احسن يكون البرنامج كالتالي :
3 ليالي فيينا
5 ليالي زيلامسي
ليلتين ميونخ
بخصوص السكن انا افضّل الشقق الفندقية لان عددكم كبير ما شاء الله
والفنادق عندهم مستواها ما يتقارن بفنادقنا و الغرف وايد صغيرة و الفنادق الراقية بتطلع وايد غالية عليكم لان اقل شي بتاخذون 3 غرف
عشان جيه بشوفلج شقق احسن في السنتر احسن ^.^
في فيينا حصلت لج هالشقق Appartement-Hotel an der Riemergasse
مستواها 4 نجوم و مكانها وايد حلو 5 دقايق مشي عن ساحة ستيفن بلاتز
شقة فخمة فيها غرفتين نوم كل غرفة بسريرين و الصالة فيها سريرين بعد وحمامين ومطبخ + سرير اضافي يعني المجموع حق 7 اشخاص مادري اذا بتسدكم ؟ و سعرها 3 ليالي ويا السرير الاضافي = 4785 درهم
و هذا الرابط للحجز :
https://www.booking.com/hotel/at/apar…d26a1bea42bfX1
في زيلامسي هالشقق Appartementhaus Zell City
اخترتها على اساس موقعها في سنتر زيلامسي و قريبه من كل شي والسعر مناسب ومستواها حلو
شقة بغرفتين نوم كل غرفة فيها سريرين و الصالة فيها كنبة تتحول سرير حق شخصين و ممكن تطلبون 2 سرير اضافي .. يعني المجموع 8 اشخاص بتسدكم ان شاء الله والسعر 5 ليالي = 2940 درهم (بدون الأسرّة الاضافية اطلبيها عند الحجز) .
و هذا الرابط للحجز :
https://www.booking.com/hotel/at/appa…05e61134ec2bX8
في ميونخ شقق فندقية Adagio Muenchen City
مستواها 3 نجوم و عند شقق اطلس اللي ننزل فيها .. قريبه من المارين مشي والمطاعم العربية وبقالات الاتراك يعني كل شي حذالكم
لازم تاخذون شقتين كل شقة حق 4 اشخاص فيها غرفة نوم وصالة ومطبخ وحمام وسعر الشقتين ويا بعض ليلتين = 3014 درهم
و هذا الرابط للحجز :
https://www.booking.com/hotel/de/adag…506ab1826c09X1
يعني المجموع للشقق كلها تقريباً = 10740 درهم
بس لازم تحجزين بسرعة عشان تحصلين هالاسعار لان اغلبهم باقي آخر شقة !