ختي حامل بالشهر الأول ساعدوها .

الله يسلمكم ختي ولله الحمد حامل بالشهر الأول وهي ما تعرف كيف تتصرف

في الحمل لأنه أول حمل لها تبي منكم تساعدوها وتقولون لها كيف تتعامل ويا

الحمل وشو الأشياء اللي راح تواجهها وكيف تتصرف

وشو الأشياء المفيدة لها وشو الأشياء اللي تبتعد عنها

وعلى فكره هي وايد تشرب بيبسي مضر لها وإلا لا؟

وبعد هي متزوجه بالعين وتشتغل بالفجيرة فتتظر إنها اتيي ويانا البيت

بالفجيرة كل أسبوع هل سواقة السيارة زينه لها وإلا لا؟

ولو كان عادي تسوق كيف تتصرف بحكم إنها حامل

ساعدوها دخيلكم تراها ما تعرف شي موليه

والسموحه منكم ع الإزعاج

المشاركة الأصلية كتبت بواسطة حرم زوجي

الغاليه خل توقف عن البيبسي مب زين وتكثر من الالبان ومشتقاته..
وبالنسبه لسواقة السياره خل توقفها فهالفتره لين ربي يثبت الجنين..من الافضل حد ايوديها واييبها وحتى الطريج مب زين عليها اذا هي فاماره وانتوو فاماره اسبوع هي واسبوع لاا اتييكم..مب زين كل اسبووع..
وبالنسبه لي انا وصفتلي الدكتوره نظام غذائي امشي عليه..
يعني بيضتين بس اسبوعيا ولاتكثر..
150قرام لحوم ع الغدى..
كوب حليب يوميا وان كثرت افود لهاا مايضر..
ع العشى لاتكثر من الاكل سلطه وشوربه بس..عسب تهيء نفسها للوحاام..
وربي يسهل عليها..ويثبت حملها ويجعله من الذريه الصالحه^_^
خالتريح نفسها ولاتشل اشياء ثجيله وخالتنسدح وترفع ريلها ولاتيلس وايد مب زين اليلسه وايد..

حبوبه نفس ما قالت الاخت .. و تبتعد عن الاناناس و المشروبات الحاره اللي فيها جرفه او زنجبيل و خلها تبدا تاخذ فيتامين الفوليك اسد 400 ملغم يوميا حبه .. و السواقه تحاسب خصوصا عالمطبات و تبتعد كثر ما تقدر عن هالشي لين ما يثبت البيبي .. ما تنسدح في حوض فيه ماي حار او جكوزي و لا تسوي حمام مغربي و تحاسب و هي تيلس ماتعق عمرها عالكرسي .. احتمال ايها ويع فالمبايض اول فتره و ها شي طبيعي لا تخاف يعني دام انها اتاكدت ان جيس البيبي موجود فا خلاص خلها تطمن و بتزيد عندها الغازات و ها بعد طبيعي و خليها تقلل من الاكلات اللي تسبب هالشي .. امممم شو بعد .. ممكن تيها نغزات في صدرها و تيها دوخه اذا وقفت وايد و هالاشيا عاديه تابعه للحمل قوليلها عادي عشان ماتخاف يعني ها في اول الشهور و عقب من تدخل الرابع بسون تحليل دم و تطمن عموما على كل شي .. تبتععععععععععععععععععععععد موووووووووووووووووووووول عن البيبسي وايد وايد مضر حقها و حق البيبي ياثر على تكوين العظام و هي ممكن يستويلها هشاشه و اصلا هالفتره لازم تشرب عالاقل كوبين حليب فاليوم و اجبان و بيض و سمج خصوصا .. ماتحط الموبايل قريب منها و لاتحط الاب توب في حضنها .. ما تستعمل اي ادويه او كريمات مثل فلامازين او انتي بايوتيك بدون استشاره .. تبتعد عن الاشيا الكيميائيه و نظفات البيت مثل الديتوا و الفليييت .. و تكثر من شرب الماي عالاقل غرسه عوده كل يوم .. و اذا حسب بحمى او حراره او مرضت لا سمح الله سيده تسير المستشفى ماتقول لا عادي روحه بيخوز لانه ياثر عالحمل .. تبتعد عن اي حد مريض و مزجم لانها ماتروم تعالج و تاخذ ادويه .. وايد الادويه محدوده هالفتره .. تبدا تهتم اب بطنها و تدهنه بزيت زيتون و لا زيت اللوز و تاخذ كريم الكوكو عشان التشققات و نفس الشي الصدر .. بس هاللي فكرت فيه و اذا يا شي في بالي برجع اكتب انشاءالله

وهالفتره فترة نمووو الجنين خليها تكثر من اللحوم والخضار والفواكه والحليب ومشتقاته

وتترك البيبسي مب زين لا حقها ولا حق الياهل

الله يثبته لها ان شاء الله ويسهل عليها يارب

المشاركة الأصلية كتبت بواسطة حرم زوجي

الغاليه خل توقف عن البيبسي مب زين وتكثر من الالبان ومشتقاته..
وبالنسبه لسواقة السياره خل توقفها فهالفتره لين ربي يثبت الجنين..من الافضل حد ايوديها واييبها وحتى الطريج مب زين عليها اذا هي فاماره وانتوو فاماره اسبوع هي واسبوع لاا اتييكم..مب زين كل اسبووع..
وبالنسبه لي انا وصفتلي الدكتوره نظام غذائي امشي عليه..
يعني بيضتين بس اسبوعيا ولاتكثر..
150قرام لحوم ع الغدى..
كوب حليب يوميا وان كثرت افود لهاا مايضر..
ع العشى لاتكثر من الاكل سلطه وشوربه بس..عسب تهيء نفسها للوحاام..
وربي يسهل عليها..ويثبت حملها ويجعله من الذريه الصالحه^_^
خالتريح نفسها ولاتشل اشياء ثجيله وخالتنسدح وترفع ريلها ولاتيلس وايد مب زين اليلسه وايد..

يزاج الله خير ختي حرم زوجي ع المرور الطيب

والله يجعله في ميزان حسناتج إن شاء الله

ويرزقج من حيث لا تحتسبين

المشاركة الأصلية كتبت بواسطة Hard2Ctrl

حبوبه نفس ما قالت الاخت .. و تبتعد عن الاناناس و المشروبات الحاره اللي فيها جرفه او زنجبيل و خلها تبدا تاخذ فيتامين الفوليك اسد 400 ملغم يوميا حبه .. و السواقه تحاسب خصوصا عالمطبات و تبتعد كثر ما تقدر عن هالشي لين ما يثبت البيبي .. ما تنسدح في حوض فيه ماي حار او جكوزي و لا تسوي حمام مغربي و تحاسب و هي تيلس ماتعق عمرها عالكرسي .. احتمال ايها ويع فالمبايض اول فتره و ها شي طبيعي لا تخاف يعني دام انها اتاكدت ان جيس البيبي موجود فا خلاص خلها تطمن و بتزيد عندها الغازات و ها بعد طبيعي و خليها تقلل من الاكلات اللي تسبب هالشي .. امممم شو بعد .. ممكن تيها نغزات في صدرها و تيها دوخه اذا وقفت وايد و هالاشيا عاديه تابعه للحمل قوليلها عادي عشان ماتخاف يعني ها في اول الشهور و عقب من تدخل الرابع بسون تحليل دم و تطمن عموما على كل شي .. تبتععععععععععععععععععععععد موووووووووووووووووووووول عن البيبسي وايد وايد مضر حقها و حق البيبي ياثر على تكوين العظام و هي ممكن يستويلها هشاشه و اصلا هالفتره لازم تشرب عالاقل كوبين حليب فاليوم و اجبان و بيض و سمج خصوصا .. ماتحط الموبايل قريب منها و لاتحط الاب توب في حضنها .. ما تستعمل اي ادويه او كريمات مثل فلامازين او انتي بايوتيك بدون استشاره .. تبتعد عن الاشيا الكيميائيه و نظفات البيت مثل الديتوا و الفليييت .. و تكثر من شرب الماي عالاقل غرسه عوده كل يوم .. و اذا حسب بحمى او حراره او مرضت لا سمح الله سيده تسير المستشفى ماتقول لا عادي روحه بيخوز لانه ياثر عالحمل .. تبتعد عن اي حد مريض و مزجم لانها ماتروم تعالج و تاخذ ادويه .. وايد الادويه محدوده هالفتره .. تبدا تهتم اب بطنها و تدهنه بزيت زيتون و لا زيت اللوز و تاخذ كريم الكوكو عشان التشققات و نفس الشي الصدر .. بس هاللي فكرت فيه و اذا يا شي في بالي برجع اكتب انشاءالله

مشكورة ختي ع المرور الطيب

والله يرزقج الجنة ويرزقج الذرية الصالحه يارب

المشاركة الأصلية كتبت بواسطة mazyo0na

اهم شي الراااااااااااحه .. وخليها تمر فترة الحمل الاولى لا تسير كل اسبوع عندكم لان الطريق طويل من العين للفجيره

وهالفتره فترة نمووو الجنين خليها تكثر من اللحوم والخضار والفواكه والحليب ومشتقاته

وتترك البيبسي مب زين لا حقها ولا حق الياهل

الله يثبته لها ان شاء الله ويسهل عليها يارب

يزاج الله خير ختي مزيونه ع المرور الطيب

والله يجعله في ميزان حسناتج يارب

ويرزقج الفردوس الأعلى والذرية الصالحه يارب