بغيت أسألكم عن شركات توصيل الأكل ، شو هي الشركات اللي
موجودة و توصل للشارقة وهل في حد جرب و ممكن يفيدنا بتجربته.
في كفتريا بالضيت الجنوبي للرشاقه …بعدني ما جربتها شكلها بعدها ما فتحت
"
"
"
المهم اون لاين لتوصيل وجباتهم متنوعه و بكمية تخليج تشبعين من الخاطر
و تعتمد على ست وجبات باليوم و اكلهم مسحوت من الزيوت مره مافي زيوت و من غير ماجي و هالخرابيط
و للأسف غالين ….
"
"
"
اما شمسه تعطيج يوم واحد بالاسبوع و اكلها يعتمد على سعرات الحراريه بعد بخمس وجبات …
و قيمة الإشتراك عندها اقل من نيوترشن اون لاين بوايد
بس اشجعج هي من الخاطر انج تضعفين … و تفرح و تزعل وياج
و للاسف ما كملت عندها التوصيله توصلج الصبح على الفجر و تم بارده بعكس نيوترشن على الاقل ترومين تحرين الاكل … لانه يوصل بنيوترشن مرتين باليوم و ما يخترب …
"
"
"
و مع ذلك ان لتزمتي من الخاطر و ما خبصتي باكلج بتنقصين على الاأقل كيلو او كيلو نص بالأسبوع
و ان زدتي على الأكل ولو بحبة شوكليت كانج ما سويتي دايت في هالأسبوع
أنا الصراحه افكر ارجع نيوترشن اون لاين خلال هالشهرين من شعبان لرمضان
و اتوقع عندهم فرع بالشارجه بسال لج فيه