خلاص مليت من الوزن الزايد انقذوني

بسم الله الرحمن الرحيم

السلام عليكم و رحمة من الله و بركاته
هلا اخووواتي

بدش ع الموضوع ع طول

انا عرسي جريب تقريبا بداية شهر 6لكن ما احاتي غير وزني

وزني 80 و طول 160شوفوا الفرق ع اقل تقدير لازم يكون وزني 60 يعني لازم انقص 20 كيلو

حلو حددنا الكمية اللي لازم انقصها

و احنا مقبلين ع شهر 4 يعني باجي شهرين كاملين فقط

وايد قليل يعني بحدود عشرة كيلو في الشهر

يعني لازم انقص ع اقل تقدير 2 كيلو و نص في كل اسبوع من اللان و اذا خليناهم 3 كيلو بالاسبوع بيصير 12 كيلو بالشهر و بيزيد المعدل

يا ناس بس ابا نقص 2 و نص كيلو بالاسبوع ساعدوني كيف

و اخاف من مشكلة ثانية اني اخاف اشتري زهبتي و بعد ما اضعف ان شاء الله تصير مو قياسي فلازم اضعف اسرع

يا حبيباتي خبروني طرق صحية طرق انتوا سويتها

خلاص تعبت من وزني

ادعوا لي

حبيبتي لا تخافين انا كنت مثلك وماكان عندي فتره طويله غير شهر انزل فيها الوزن بس الحمد لله وحده كانت معي بالدوام وعلمتني طريقة شوربة الملفوف الحارقة والتزمت بكل حذافيرها رغم انها مو طيبة بس كنت مجبورة لان كان لازم انزل وزني وفعلا سويتها ووصلت للوزن الي اريده
سويها وتوكلي على الله لان هيه اسرع شي واضمن شي ومافيها اثار جانبية بس يحتاجلج تتحملين وتصبرين
وعلى قولت المثل ((الي يريد الحلو يصبر على المر))
اتمنى اكون افدتك لان بصراحة حسيت بالي انتي فيه لان انا مريت بالشي نفسه

حبيبتي

الله يعينج

ابدي لا تأخرين الوقت زياده ,, وموفقه يارب

ان شاء الله توصلين للوزن الي تريدين
اهم شيء الاكل صحي و الاكثار من السلطات و الفواكه و اللحوم و الدجاج و الاسماك افضل تكون مشوية
شرب الماء من 8 الى 10 كاس باليومين و بيكون قبل الاكل بنصف ساعة
وجبة العشاء بتكون خفيفة و افضل تكون على ساعة 7 .

هلا اختيه
يستوي تنزلين مافي شي مستحيل وابدي من الحين ماشي وقت ولاتأجلين
ورجيم الشوربه الحارقه حلو وبينزلج
بس اهم شي اي رجيم تسوينه لازم مشي ع الاقل نص ساعه او ساعه لنزول اسرع
اهم شي المشي
خلج مهتمه هالفتره وبتنزلين انشالله بالتوفيق