ماعرفت اشتكي لمنو ولا ارمس منو المهم البارحه سرت مستشفى الكرنيش لأن نزل عليه ماده شفافة بس مخاطيه ونزلت بشكل كبير كمية وأنا بصراحه ماعرف إذا هذا ماي الولادة ولا غيره !!
في حمالي الأولي نزلت عليه نفس الماده بس طشونه يعني قطره ويوم سرت المستشفى قالو هذا الماي..
وحمالي الثاني الماي ماتبطل بس كان الرحم مفتوح 6 سانتي وفي الحمالين ماياني ويع الطلق الا بطلق صناعي..
المهم هالمره يوم سرت المستشفى قالولي هذي افرازات بس الغريبه انها وااااااااااااايد ومخاطيه وشفافه يعني ماحس انها افرازات ولين اليوم بعدها تنزل ..
الحين اللي عندها خبره تفيدني في هالموضوع وتفيدني بعد دام الرحم مفتوح سانتي او اثنين كم يباله ويفتح زياده؟؟ يعني بالساعات ولا الأيام ولا اسبوع؟؟ وشو اسوي عشان اخليه يفتح زياده!
للعلم معطيني 3-10 تاريخ الولادة
وتسلمون عالرد مقدماً ..
ولا اعرف ويع الطلق وأنا فالبيت أو برا لأني جربت الويع بالصناعي.. الله المستعان 
انا بعدني ما اعرف شي عن الولاده وسامحيني
ان شاء الله بجرب قريب لاول مره
انا في ولدي كان ينزل مني شرات الماي ويوم سرت الطواري قالو لا عاادي هذا مب ماي ولاادة ..
لين رحت الموعد وسو لي سونار ويوم شافت الدكتورة زااغت وقالت الماي نشف عندج والبيبي اذا ما ولدناه اليوم بيموت.. وع طوووووول حولوني فوق وعطوني طلق صناعي..حتى ما خلتني اروح البيت اييب اغراضي
فأحسن لج تروحين عند دكتوره ثانيه وخليها تشكف لج
و بخصوص الماي انا مانزلي ماي