خواتي المدرسات محتاجة رايكم

السلام عليكم ..

أنا في بداية مشواري المهني درست أولاد ( خامس ابتدائي )

بداية ً ما عرفت كيف أتعامل وياهم وأنا توني خريجة يديدة ..

بس عقب حاولت أتقرب من كل واحد فيهم فهمتهم وفهمت نفساياتهم

على فكرة عقب لقيت انه فهم النفسيات مهم جدا

في تعاملج مع الصغير والكبير ..

عموما أنا ما طولت في تدريسهم

هيه كانت أربع شهور بس سبحان الله تعلقت فيهم وعقبها قدمت نقل

لمدرسة إناث .. طبعا مب بإرادتي لأنه مديرة مدرسة ثانوية كانت

تباني أكون عندها وأنا قلت في خاطري يالله بعد عسب انها مدرسة أقرب

بالنسبة لي والحمدلله ع كل حال ..

شوفي عزيزتي طولت عليج بس ما عليه ..

في كل مكان بتحصلين صعوبات بس انتي حاولي تواجهينها بصبر

وحكمة ولا تتأففين بسرعة ولا تتذمرين .. احتسبي الأجر عند

رب العالمين وتذكري .. شي أنا دوم يوم أحس بتعب أذكّر نفسي

فيه .. وأحس عقبه براحة ..

( إن الله وملائكته وأهل السموات والأرضين

حتى النملة في جحرها وحتى الحوت في البحر ..

ليصلون على معلم الناس الخير ..)

اللهم إنا نحمدك حمدا كثيرا ونستغفرك ونتوب إليك ..

ربي يوفقج يارب وجميع بنات المسلمين ..^ـــــ^