خواتي شو نصايحكم ففترة النفاس؟

خواتي بغيت استفسر عن بعض الامور تخص الولاده

1- بعد ما تربي الحرمه طبيعي وينزل البيبي الدم اللي ينزل يكون واايد لدرجة انه قد يخرج ويوسخ ملابسنا الداخليه والخارجيه في هالحاله كيف تتصرفين وشو تسوين علشان يخف الدم وما تتفضحين جدام ضيوفج ^^؟؟؟؟؟

حبوبه انتي مربيه قبل وتعرفين الحال

اشتريلج من الحين ملابس قطنيه داخليه ونص شلحه اللي تلبس تحت الجلابيه

وعندج فوط صحيه ماركه لوتس مكتوب عليها لمابعد الولاده يكونون كبار وايد
حطي 2 منهم بس لازم تلبسين هاف عسب مايطلع الدم لبرع ومابيظهر شي ولا بيبن شي
ولازم كل ساعه تروحين الحمام عسب ماتوصخين عمرج جدام ضيوفج ..

2- اللي عندهن خبره بغيت اسألكن بخصوص المطاره تشوفن منها فايده بعد الولاده ؟؟؟؟؟

المطاره مامنها فايده خص في الايام الاولى

انا رايي حطي حصاة ناعمه وحاره على بطنج بتفيدج اكثر

انا جي اسوي

3- شو تسون بالالم اللي تيج بعد الولاده ؟؟؟؟؟

خذي بروفين كل 5 ساعات في الايام الاولى

واذا زاد الالم وايد
روحي الطواري وبيعطونج ابره تسكين الالام عادي قوليلهم توني مربيه من كم يوم وبعده بطني يعورني

يعني انا يوم ربيت كنت احس بالالم فظيعه فالرحم وادق عالسستر عسب تيبلي بروفين يخفف الالم والاوجاع بس بعدني احس بالم حتى لو اخذت الحبوب فهالحاله شو تنصحوني اخذ او شو اسوي….

حبوبه لازم مسيحه تمسحج عقب الولاده ب 3 ايام عسب ها الالم يخوز عنج وتشله وهم خبرة بهالسوالف

انا ماخاز عني الالم الا بعد مامسحتني حرمه 3ايام
4- مالي رغبة فالاكل بعد الولاده ليش انتن يصير معاكن شذي مثلي ولا لا ؟؟؟؟؟

كلنا مثلج
بس لازم تجبرين عمرج علشان الحليب
وخلي اكلج كله ملينات وصالونه وجي وعصاير عسب مايصيرلج امساك بعد الولاده

بس لازم تاكلين
ولاتنسين الخضار والفواكه مهمه بعد
5- بخصوص المشد الاندونيسي متى اربطه بعد الولاده بكم يوم ؟؟؟؟؟

انا بديت بعد ولادتي ب 3 ايام ولين الحين لابستنه وكملت 15 يوم

لان الحرمه اللي شريت عنها المشد قالت لي استخدميه عقب ولادتج ب 3ايام لو كنتي طبيعي

اما لو قيصريه قالت لي بعدها ب3اسابيع

والله اعلم

6- شو الاشياء اللي تساعد على انزال الوساخه من الرحم بسرعه وتخليه نظيفه ويرد مثل قبل ؟؟؟؟

قلت لج المسيحه اولا

وبعض المشروبات الساخنه اللي يسسونها امهاتنا عقب الربى

7- شو نوع الفوطه الصحيه اللي تستخدميها بعد الولاده خاصه لو كنتي من النوع اللي ينزل عندها الدم غزير ؟؟؟؟؟

انا استخدمت لوتس اول الايام مكتوب عليه لمابعد الولاده لونه ازرق وابيض حتى في المستشفى عطوني نفسه

بس الحين استخدم اولويز البنفسجي 8- تنصحن فالرياضه بعد الولاده ولا لا ومتى وفي اي يوم او اسبوع وشو نوع الرياضه ؟؟؟؟

الرياضه عقب الاربعين فديتج احسن

قبل الاربعين محد ينصح فيه

انا ماجربت الرياضه عسب افيدج اكثر !

انا مارست الرياضه عقب ولادتي الاولى ب4 شهور ومشيت ورحت النادي

هذه هي الاسئله اللي براسي الحييين ولو تذكرت سؤال برد بسأله لكن لانه صج فيه بنات جاهلة بامور ما بعد الولاده خاصه اللي توهن فالدرب قصدي البجر ^^

والاكيد ذواات الخبره ما بقصرن معااانا

حياج في اي وقت حبوبة

والسمووووووووووووووحه ^^