والله يا أخواتي احس هالايام أسمع واكتشف ان العين انتشرت …بين الناس
من جريب أعرف أن واحد من اهلي مصاب بالعين برؤيا جافها فيه حد من الاهل …واليوم ربيعتي تخبرني مأساتها من العين …وانها كانت تعاني من مرض عضوي ولفت المستشفيات وما شي سبب طبي واخرتها بسبب العين جني فيها وبسب القرآن طلع منها بعد معاناه وألم وغيرها من ربعي مسحوره …..يا خواتي ما تلاحظون هالشيء.زاد في زمنا بسبب هجرنا للذكر والقرآن ؟؟…
الرسول صلى الله عليه وسلم متعوذ من العين…فالعين حق فاحذروها …وكان يعوذ الحسن والحسين من شياطين الانس والجن
وعلى فكره العين تصيب حتى من الاهل ويمكن من نفسج لان كل انسان فيه عين يمكن تصيب وتخيب بان الانسان يبارك يعني يقول اللهم بارك وما شاء الله ) عسب ما تصيب العين
يا خواتي طلبت منكم طلبه اللي عندها موقف أو قصه تعرفها لقريب أو بعيد تحطها للعبره ……
عسب الكل يستشعر بأهمية الوقايه من العين والسحر والمس وأنه يحصن نفسه بالذكر والقرآن والرقيه …
خواتي كل وحده تكتب اللي تعرفه من المواقف في هذا الموضوع وتحتسب هالكتابه عند الله لأنها لها هدف وهو الدعوه للتمسك بالقرآن والاذكار …
وانا عن نفسي في شي اسأل الله يثبتني عليه وهو قرآءة آية الكرسي بعد كل صلاه أحس لها أثر كبير في الحفظ والتحصين غير أنها إذا قريتيها ما يمنعج من دخول الجنه إلا الموت كما ورد عن الحبيب المصطفى صلى الله عليه وسلم
المهم هذي دعوه لكل اخت تريد أنها تنقل العبره والعظه لخواتها
والله أسأل ان يبعد عنا شر شياطين الانس والجن
نصيحه لكل اخت غالـــــــــــيه ,, بفضل الله إن لا تهجرو (( القرآن الكريم )) و (( تحصين نبوي ))
ما بتعرفون القيمه ربانيه في الأنسان كيف يحب للبشريه
ان تحي بسعاده وعباده فالقليل لي يشكرون ,,
لأن هذيلا لي شفوني شفاء سعاده وهو تقرب إلى الله بزياده
ولو كشفتو سعاده لي فيني لي قاتلتوني عليه
بس علشان تشعروبها وتحسوبها
من خالص دعوتكم الله يثبتني ويثبتكم ع دينه
حتى نلـــــقاه
في ملجتي كنت وايد متغيره لان قبل الملجه لا كنت اشل شواربي ولا اشقر ولا حتى ايدي وريلي والكل كان مستغبر ان امي عندها بنت حلوة الحمدلله
المهم وهم يلبسوني العقد والله انه سمك السلسه شرات الواير مال التلفون وثقيل ما كملت ثواني إلا العقد ينقص ويطيح
طبعا ما حطينا في بالنا شي…
اليوم الثاني الظهر ريلي قال لي وعيني الساعه 2 إلا ربع لان طول الليل كان سهران يرمسني … وانا اتريا اشوف شي يدخل من الدريشه اللي في حجرتي …اطالع انهن حرمتين عياييييز والله انهن ظاهرات من القبر مغبرات ولابسات ثوب بيج ومغبر والشعر كشه ولونه شرات لون القشه ما اعرف اوصف (اكتب وانا مقشعره) وفي ايديهن مقص شرات مال الزراعة ويتنططن حول السرير.. ويلعبن بالمقص .. وعيونهن كبيره مسحبه على فوق واذنيهن شرات الحمار (كرمكم الله).. اصارخ ماشي صوت صديت صوب الباب اشوف اختي وحرمة اخويه في الصاله ووياهن حرمه واصارخ لكن ماشي فايده… وحده منهن جلبت الدوشك الطبي عليه (الطبي ما ينعوي ولا ينجسف ولا يستويبه شي يابس ) والثانيه شلت شيلة البيت وزغدتني بها.. ومن كثر ما انا اقاوم اشوف عقب البجامه تتطاير والله العظيم… اشوي واسمع حرمة اخويه تقول بسير لــ…. قالت اسمي لان تلفونها مافيه رصيد وتبى تتصل بريلها.. ومن تشوفني قامت تصارخ لان انا كنت ارتجف وعرقانه وقميص البجامه مفتوح والشيله على رقبتي… من دخلت شفت الحرمتين صارن شرات الليت الاحمر وطلعن من الدريشه.. ماعرفوا يتصرفون ونادوا اخويه العود وقرا عليه لكن والله وهو يقرا شرات المطرقه على عظامي…
كملت سنه في المكلجه وعرست شهر 5 2024 ولي يومج هذا ما حملت كل ما اسير مكان يقولون انه ما فيه شي وإلا يقولون انه هرمون وعلاج الهرمون وايد بسيط لكن ما صار حمل …
الله كريم
ادعوا لي بالذرية الصالحه
المشاركة الأصلية كتبت بواسطة زوجة المرشدي 
في ملجتي كنت وايد متغيره لان قبل الملجه لا كنت اشل شواربي ولا اشقر ولا حتى ايدي وريلي والكل كان مستغبر ان امي عندها بنت حلوة الحمدلله
المهم وهم يلبسوني العقد والله انه سمك السلسه شرات الواير مال التلفون وثقيل ما كملت ثواني إلا العقد ينقص ويطيح
طبعا ما حطينا في بالنا شي…
اليوم الثاني الظهر ريلي قال لي وعيني الساعه 2 إلا ربع لان طول الليل كان سهران يرمسني … وانا اتريا اشوف شي يدخل من الدريشه اللي في حجرتي …اطالع انهن حرمتين عياييييز والله انهن ظاهرات من القبر مغبرات ولابسات ثوب بيج ومغبر والشعر كشه ولونه شرات لون القشه ما اعرف اوصف (اكتب وانا مقشعره) وفي ايديهن مقص شرات مال الزراعة ويتنططن حول السرير.. ويلعبن بالمقص .. وعيونهن كبيره مسحبه على فوق واذنيهن شرات الحمار (كرمكم الله).. اصارخ ماشي صوت صديت صوب الباب اشوف اختي وحرمة اخويه في الصاله ووياهن حرمه واصارخ لكن ماشي فايده… وحده منهن جلبت الدوشك الطبي عليه (الطبي ما ينعوي ولا ينجسف ولا يستويبه شي يابس ) والثانيه شلت شيلة البيت وزغدتني بها.. ومن كثر ما انا اقاوم اشوف عقب البجامه تتطاير والله العظيم… اشوي واسمع حرمة اخويه تقول بسير لــ…. قالت اسمي لان تلفونها مافيه رصيد وتبى تتصل بريلها.. ومن تشوفني قامت تصارخ لان انا كنت ارتجف وعرقانه وقميص البجامه مفتوح والشيله على رقبتي… من دخلت شفت الحرمتين صارن شرات الليت الاحمر وطلعن من الدريشه.. ماعرفوا يتصرفون ونادوا اخويه العود وقرا عليه لكن والله وهو يقرا شرات المطرقه على عظامي…
كملت سنه في المكلجه وعرست شهر 5 2024 ولي يومج هذا ما حملت كل ما اسير مكان يقولون انه ما فيه شي وإلا يقولون انه هرمون وعلاج الهرمون وايد بسيط لكن ما صار حمل …
الله كريم
ادعوا لي بالذرية الصالحه
الغاليه يمكن تكون عين صايبتنج
عليج بالرقيه الشرعيه ….
لان واحد من اهلي من اربع سنوات ما حملت حرمته ….
وشافت اخته رؤيا فيه وكانت في الرؤيا حرمه وفسرها المفسر
بان هالحرمه صايبتنه بعين وقال انه لازم يتغسل بأثرها ..
والله ياالغاليه مالج الا الله …بالدعاء والرقيه …
لان الرازق والمانع هو الله سبحانه
الله يرزقج الذرية الصالحه
عاجلا غير آجل وكل محروم منها
اللهم
المشاركة الأصلية كتبت بواسطة شعلة أمل عليج بالرقيه الشرعيه ….
لان واحد من اهلي من اربع سنوات ما حملت حرمته ….
وشافت اخته رؤيا فيه وكانت في الرؤيا حرمه وفسرها المفسر
بان هالحرمه صايبتنه بعين وقال انه لازم يتغسل بأثرها ..
والله ياالغاليه مالج الا الله …بالدعاء والرقيه …
لان الرازق والمانع هو الله سبحانه
الله يرزقج الذرية الصالحه
عاجلا غير آجل وكل محروم منها
اللهم
مشكورة حبيبتي
اسمع الرقيه من اسبوعين
اول بادي كنت اتعب واترتجف لكن الحينه الحمد لله عادي ما احس بشي
يزاج الله ير على الدعوة