خوات ريلي"الله يهدينا ويهدي الجميع"

مساء معطر بالحب والخير…
اولا: خلونا نطلب الهدايه من رب العالمين,,,
بصراحه في الفتره "الماضيه" كان فيه سوء تفاهم بيني وبين خوات ريلي وحاولت ادارك الموضوع واسعى لصلح لكن مافي فايده..وطبعا ريلي درى بالموضوع مع اني ماقتله درى من خلال مسج كنت مطرشتنهااا حق"اخته".. واصر يعرف شو السالفه وقتله بس انا ما توقعت ردت فعله جيه…
وخواتي الحبيبات "ريلي لين الحين مش اوكيه مع خواته وانا حاولت فيه واااااااااااايد بس مش راضي.. بس نظرات خواته لي يحملني المسوليه.. بتصرفات اخوهن.. انا ما اقدر اضلمهن حتى هن سعن لصلح ,,لكن ريلي عنيد وايد وانا واجهتن بالحقيقه.. بالعكس انا اجاملهن في كل شي.. يوم ربن ييتهن في المستشفى.. بس شكلهن وااااايد مركزات عليه-ونسن ايام يوم كنت اوقف معاهن حتى يوم عرسن كنت اروح وياهن وكنت حامل وعادي عندي بس عشان خاطرهن.. وانا اللي افكر فيه انهن عمات عيالي وانا اريد عيالي يحبون عماتهم..
واحس انهن يخافن من المواجه علما ان اخوهن كان واااااااااااايد طيب معاهن.. ةهن يظنن اني انا السبب,, الله يعلم انه طيب وحنون… بس جدامهن يبين انه قاسي.. مع ان حاليا ناسين الموضوع نهائيا ولا حاطينه في بالنا بس شكلهن هن مانسن..

والسموحه ع الاطاله غالياتي….

الله يهديهن ويرقق قلبهن عليج حبيبتي

انتي سويتي اللي عليج وزوود …

بس صدقيني بيي يوم بيعرفن مقدارج وحبج لهن

والله يسعدكم ..

الله يهديهن ويهديج ويهدي ريلج ويهدينا كلنا .

هلا الغاليه..
اختي ممكن سؤال ؟؟؟ليش شو فيه المسج عشان يعصب عليهن ريلج ويبا يعرف الموضوع؟؟؟؟

والمفروض انج ما تقولين حق ريلج الي يصير ابينج وبينهن هذي اسرار صح ولا انا غلطانه .. وحتى لو مثلا اصر ريلج يعرف قوليله اسرار حريم ..

وانتي ذكرتني انج سويتي وسويتي حقهن ليش تمنين،،،" الانسان الي يسوي خير يعقه بحر" ..وانتي الي سويتيه تبينين طيبتج حقهن ..

والله يهديكن ويصلح بالكن ..

وسموحه

يمكن انا ما وضحت وايد انا اختصرت,, لكن يا حبيبتي هذيلا خواته مش حريم ثانيات… وانا الشي اللي سويته ما امن به بس ع الاقل يذكرنه عشان تهدى النفوس…

انا من خلال تجربتي في الحياااااة اكتشفت ان خوااااااااااات الريل مهما يكونن طيباااات لا تاخذين راحتج وياهن لا برمسة ولا بغيره لانج لو قلتي رمسه ما عيبتهن بيجلبن عليج ويا ويلج منهن بعكس الاخت يووووم تقوليلها نفس الرمسة لو زعلت اليوم باجر ولا كن شيء صاير

انصحج لا تحتكين وايد وايد باهل ريلج … زوريهم ووجبيهم في مناسباتهم بس بدووون مبالغة لان الاحتكاك يولد المشاكل

وعلى هالسالفة خلااااص طنشيها واللي يزعل اليوم باجر يرضى

انا اهل ريلي كنت شالتنهم بعيوني وفي يوم عمتي سوتلي مشكلة الا فضيحة بدون سبب

هني بس عرفت ان مهما تسوين ما يبين بعينهم