دايما أسأل عمري ليش العمة شريره ويا حرمة ولدها وهي اللي اختارتها من بد البنات والعكس

طبعا عنواني طويل بس اتمنى ان الكل يشارك ويفيدنا ؟؟هذا أول موضوع لي لان جد محيرني وايد ؟؟
أحيانا انشوف العمة طيبة ويا كل الناس والكل يحبها ويحترمها بس مافي أشر منها ويا حرمة ولدها ليييش والله ياا ناس استغرب ترى هالبنية اللي انتي مب حابتنها تطبخ لولدج وبتربي عياله وادير بيته وانتي بنفسج اخترتيها له من بين مليون بنيه ؟؟؟؟ فكرت وقلت يمكن الأم اتغار لان ولدها اتعلق فيها اكثر وبين حبه لها مادري والله ؟؟؟؟؟بس طبيعي الريال يحب حرمته ويحترمها لانه حرمته وأم عياله وهي اللي اداريه ولو ماتفيده بشي مابيحبها …..وعرفت من بعض البنات ان عماتهن يسوولهن مشاكل ويا رياييلهم ويحلفوون مييت يميين انهن مب مسويات شي .. والله شي يحير
وفي موقف مب رايمه انساه صار جدامي العمه اترمس بناتها واتقولهم اول ما ايي اخووكم بصييح بحرق قلبه وانتوا كلكم اوقفوا معاي ضد حرمته والحرمه مسكيينه مب مسويه شي بس جذه ماتحبها ؟؟؟؟
شوو رايكم ؟؟

وبعض الأحيان انشووف العكس ؟؟]
الأم طيبة ومسالمه ومايخصها مول والحرمه هي الشرية وفي هالحالة وااايد اتغمضني الأم ((وهالموضوع بنزله مرة ثانية لان يحتاج للنقاش ومهم ))
اتمنى الكل يرد عالسؤال الاول ليش العمه اتكوون شريره ويا حرمة ولدها مع ان حرمة الولد واايد زينه اتسويلها كل شي ومأدبة وماعليها قصوور؟؟؟؟

اتقبل جميع الأراء والانتقادات

انا بنظري ان الام اتغار من حرمة ولدها لان الام تتعلق بولدها اكثر من بنتها

عسب جي هي تلجا واتكون شريره >> ساعات افكر باجر انا جي بسوي مع عيالي مابغي اكون جي

ويا ترا كيف كانت تربية هالام من قبل واي بيئه عاشت وشو الي شافته من امها يعني يدوت الولد يمكن هالاشيا اتأثر بس الواحد ما يحس …

رديت عليج وانا مستعيله عندي امتحان باجر …دعواتج

تسلمين حبوبه والله يوفقج يادمعة غلا

الصراحه مب كل العمات مثل ما تجزلين بالعكس انا عندي عمتيه بالدنيا لكن خواتي ريلي اعوذ بالله

لا تحكمين من منظور واحد

سبحان الله وبحمدهـ
أنا ماعندي تعليق بس حبيت أرفع لج الموضوع

صدقج .. انا متلعوزه منها واااايد.. الوحده ما ترتاح الا في بيتها