ذبحني الوحام تعبااااااانة ساعدوني الله يعافيكن

السلام عليكم
الله يسلمكم قبل 3 اسابيع اكتشفت اني حامل بالثاني
انصدمت لاني كنت استخدم مااانع
وبنتي توها صغيرة عمرها سنة
انا شفت الويل فالحمل الاولاني
الكل قالي لا الحمل الثاني يكون اخف

اي اخف كله خرابيط
1- اذبحتني اللوووعة مافي شي يظل بمعدتي
2- حمى بشكل يومي
3- كارهه الروايح لدرجة اني اقرف من ريحة بنتي
4- عصبية
5- اصفرار فالويه

بنات شسوي زهقت عطوووني حل بليز
عطوني حل للوعة

بالبركة وربي يثبت حمالج ….وان شاء الله فترة وبتعدي …

وربي يشافيج…

روحي الدكتورة بتكتبلج حبوب عن اللوعة وايد اوك

الله يعينج اختي

ترا كل حمل يكون الوحام غير لوووووووول

كلي بسكوت مالح الصبح قبل الريوق يخفف اللوعه شوي

شري عصير ليمون
وسالي الدكتوره شو تقدرين تاخذين مسكنات حق الحمى

وانشالله تعدي الفتره على خير

فديتج والله
عندنا وعندح خير
الله يسر علينا الحمال ويخفف عنا الوحام