ربيت الحمدللة بالطلق الصناعي وهاي كانت تجربتي

السلام عليكم رحمة اللة وبركاتة
كيف حالكم يا كروشات الله يتمم لكم على خير ويرزق كل محروم
واخيراااااا ربيت بعد تسع شهور تعب وانتظار لحظة الولادة رزقني ربي ببنت الله يحفظها
لي حبيت افيدكم لاني طوفت موعد ولادتي وقبل لا اخلص موعدي كنت اروح للدكتورة و
وطلبت منها انها تسويلي تحفيز لاني ما احس باعراض الولادة وانا مستعجلة ابغي اربي بسرعة بس ما فادني مع اني سويتة 3_4 مرات وكنت احس بنقبضات بسيطة وتروح وعقبها حطيت موضوعي الجديم هني استشير خواتي اني اسوي طلق ومافي حد نصحني به غير اني اتريا لكن يوم عرفت ان بيعطوني اسبوع زيادة انتظر فيها قلت ما بتريا اكثر لان حملي متعبني وايد وما اقدر امشي او اوقف وتوكلت على اللة ورحت اتفقت مع الدكتورة في المرة الاولى ركبت لي الطلق وعطتني نسبة صغيرة وما حسيت بشي ويوم قررت الدكتورة اني برتاح وعقب اليوم الثاني اكمل لقيت الطلق بدا يشتغل بس كان خفيف وحسيت جسمي بدا يحمر ما اعرف ليش خفت وطلبت منهم يوقفون وكان تخطيط يبين ان الطلق ماشي اوكية والنيرس خبرت الدكتورة عقبها خيروني اني اوقف او اكمل فقلت لهم بوقف وباحر بكمل وبعد فترة وقف الالم ولا كانة شي صار
اليوم الثاني الساعة 1 الظهر رجعت وكملت وكانت الدكتورة تزيد لي الجرعة بين فترة والثانية الساعة 6 المسا شقوا الماي وكان الويع قوي الساعة 10 بالليل ربيت ولله الحمد

بالنسبة للالم الدكتورة كانت تقولي ان الم الطلق الصناعي نفس الطبيعي لكن من خلال تحربتي احس اناويع الطلق الصناعي اقوى شوي
والحمدللة مشت الامور على خير
وعقبالكن ان شاء الله

الحمدلله على سلامتج ومبروك ماياج
واهم شي انج بخير وقمتي بالسلامه الحمدلله

الحمدلله ع سلامتج حبيبتي تتربى البنوته فعزكم.
انا لو مكانج بتريا اسبوع مابستعيل اصلا بكون خايفه من الولادة خخخخ

في اي مستشفى ربيتي؟؟

الله يسلمج شو اسوي ملقوفة ومستعيلة وفعلا كنت خايفة من الولادة لكن مصيرنا لها وربيت في مستشفى راك وعقبالكم

الحمدالله على سلامتج تتربي في عزكم البنوته

حمدلله ع السلامة فديتج

الحمدلله على سلامتج انا بعد بطلق صناعي ربيت حمدلله