هم ساكنين في بيتنا هي وامها واخوها من زماااااااااااااااااااااااااااااااااااااااااااااان
(مواطنين طبعا)
يعني من كنت صف رابع ابتدائي
انا وياها مثل اخوات وربيعات واكثر اكثر
المهم
الحين هي عمرها 16 سنه
ترمس شباب وايد مع العلم ماعندها موبايل
ترمس من تلفون بيتهم
وانصدمت يوم عرفت انها تدوخ زقاره
امها دخلت عليها الغرفه تشم ريحت زقاره
قالتلها انتي تدوخين؟؟
قالت لا مادوخ (بطريقة منرفزه)
مع انها خافت
المهم امها حرمتها انها تتطلع برع البيت( إلا معانا وبسسسسس)
انا انصحها اااااااااااابس مافي فايده
وهذاك اليوم ربيع اخوها خبر اخوها كان راجع من السفر
قاله شفت اختك مع واحد في السكه
اخوها يوم سمع بالسالفه
ظربها ظرب
وهي تسب اخوها ماخلت عليه شي
شددت عليها امها زياده
تخيلو صارت تواعد الشباب وتطلع من المدرسه
تخلي الشباب يتصلون على الاخصائيه ويقولون انا اخوها
انا احترت معاها
شو اقدر اسوي؟؟
قلتلها انتي كيف بتزوجين
قلتلها بعدين ريلج بيخونج
قالت عادي خليه يخوني وانا اصلا بخونه بشباب وايدين
لاتقولون هذي مراهقه
اباكم تنصحونها بليزززززز
يمكن يكون فيها شي ،، حرام اتضيع عمرها في هالسن 
قعدي وياها افتحيلها قلبج قوليلها انتي قاصرنج شي فيج شي خبريني محتايه شي انا بساعدج ووو كلام من هالقبيل ..
يمكن البنت حاسه بنقص داخل البيت ،، عسب جي اتدور ع العاطفه برع ..
طبعا" هذا مش عذر للي تسويه بالعكس ،، هذا يمكن يكون مجرد سبب ..!
حاولي تاخذينها بالكلمه الطيبه وربي يقدرج حبوبه ،، والله يهديها ..
تقولي ماعندج سالفه انتي
ترد علي بكلام ووووووووووووووصخ
استحي اسمعه
اعصب عليها واظهر