ربيعتي محتايتنكن خواتي الشيمه

الغاليات
بخبركن عن ربيعتي
انا الصراحه ما قدرت انصحهه لأني عصبيه
و لو طحت بمشكلتها
بتصرف تصرف غبي و جاد
هي كانت طالعه ويا خطيبها المطعم
وكان يبي يوريها التلفون لأنه طاح و انخدش
و هي تشوف التلفون شافته حاط صورة صغيرونه ع التلفون قالتله مني هاي قالها اخت ربيعي
و بعدين ظلمت الشاشه و ردت بطلتها عشان تشوف الصوره عدل و هو خطيبها اصلا موووول ما يخليها تهبش تلفونه
و حتى يوم يروح عندهم البيت ما ينزل تلفوناته
المهم شافت مسج طلع
كان هو كاتبنه و هي بالغلط هوست
و قرت انه كاتب مسج لوحده و كاتبلهه غناتي
اتخبلت
سحب التلفون
و قالتله بروح
ما رضى
المهم
يودت عمرها و اتعشت بالغصب و هو من الفشله ما رام ياكل
و ف السياره تم ينكر و عقب قالها انهه وحده تداوم وياه
و هو انتقل ها الدوام اليديد من شهرين
قالتله ف ها الشهرين صارت غناتك
قالها لا سوالف عادي
بس مسجات
و قالتله البنت الي صورتهه ف التلفون منو
قالها هاي بنتها
لا بعد متزوجه
هاي ما تستحي
و الله لو انا بدالها بروح الدوام و بسويلهه فضيحه
المهم ما قالهه مني هاي و لا اسمها ولاشي
و قالتله عطني اشوي تلفونك
ما رضى
و ردت البيت
و قالها اعرف اني غلطان
وحليلهه تحبه
تمت تصيح
قالتله انا قصرت بشي
قال لا
قالت عيل ليش
هي كانت تحبه من قبل
و حتى قبل يوم كان يرمسهه
كانت دوم تكتشف انه يرمس حد
و دوم يقول انا ما اعرف ليش اسوي جي(انا دوم اقولها مريض)
المهم قالتله عادي
رمس و سو الي تبيه
بس لا تجرحني
و لا تغلط الغلطه العوده
لأنهه ما تبي تكتشف ان انعدى بأمراض
قالها تعرفين اني اخاف ع عمري
هو صح يرمس بس ما يسوي شي
بس بعد الشيطان شاطر
المهم
هو استغرب لأنهه سامحته
بس يدري انهه زعلانه
و هي تقول انه شكله كان حاس انه غلطان
بس قالتله كيف بعرف انك و درتها حلفته و حلف انه بيودرهه
بس بعد
هي ما تقدر تهبش تلفونه
و نو وي انهه تلمسه
بس هي عميه بحبه و تصدقه
وحليلهه من الصياح مرضت
و اليوم تصيح و تتشكالي
انا مابي اجرحهه او ادمر علاقتهم
قولولي شو الحل
و اعرف ان وايد يمرون بها الشي
شو تقوله
كيف تعامله شو الي يخليه ينسى ها السوالف
و على فكره هي ما ترمسه وايد لأنه يدرس و يداوم و يوم يطلع ويا ربعه ما يرد عليها
شو الحل؟

صاحبة المشكله
حياتي سعيد

كيف البنت تظهر ويا الريال وهي للحين مب مالجه

اهو محرم عليها ؟؟؟؟

مالجين
بس نحن نسمي الملجه خطوبه

السلام عليكم..

الله لا يبلا حد بهذي الشاكلة.. و عسى الله يهدي شبابنا.. آمين

أختي.. هل هي أستخارت فيه.. بغض النظر عن عاطفتها؟؟

خليها تكون شوي جاده و قاسيه معاه.. علشان ما تتعب بعدين!

لازم تخبر حد من أخوانها.. و لا أبوها (حد قريب) علشان يكلم ريلها يودر هالحركات لأنهم مجبليين على حياة جديده.. ماله داعي هالخرابيط تكون عراقيل و مشاكل لا سمح الله مستقبلا…

خل شوي يستحي على ويه…. و تبتعد عنه.. و أن شاءالله يودر هالسوالف

BonaFide

اشكرج عزيزتي لردج
لكن مشكلتها تخاف تدخل حد و تستوي مشاكل
و هي ما تبي تطلق
هي وايد متعلقه فيه

كلهم غلط ولاتزعلين من رمستياا كلهم غلطاانين اهياا سايره وياه وبعدهاا ماعرست حتى لو ملجت عادتنا وتقاليدناا غير لايخلوو اثنين الا والشيطاان ثالثهم المهم هااموضوع وايد حساس بالنسبه للعادات وتقاليد الي ربينا عليهاا ممكن اتشوفه ويكون احد ويااهم او في حدود بيتها ولا تظهر وياه الا بوجود محرم للضروره اعرف رمستياا ماتعجب نااس وايد بس هاالوااقع البنت ماتعرف شو ظروف لاسمح الله تطلقت ماات شو بتقول حق العرب او حملت وهو ماخر العرس او اي ظرف مابغي اخوفكم بس هاا الوااقع الي نحن انعيشه .اختي من خلال انها كاتشفت انه يرمس وحده غيرهاا مفروض انها تزعل حتى لو تحبه اهم شي كرامتها باجر لو عرست بيقول هااي عادي ترضي انه يرمس بنات او يعرس عليهاا لانها ماظهرت له اي زعل حتى لو خاطرها مكسور منه اهم شي كرامتها لاتذل نفسهاا الهااي الاشكاال طااعي المبرر ماله وياي بالوام بنتها حاطها في تليفونها مايرضي انها تلمس تليفونه لازم توقف مع نفسهاا مووقف حازم وجاد ولاتخليه يتلاعب بعواطفها لانها تحبهاا او بتشوف شي عمرهاا ماشفته اختي لازم الجديه في هاي المواضيع وتحااول تكسبه والريال مايحب الحرمه الضعيفه ومايحترمهاا نصيحه لاترد عليه وتغلق موبايلهاا واذا ردت بعد مايطرش رسائل وهو الي يتعذب مب هي ترد وفي حدود مااطول وياه يعني بعد 2اسبوع تخليه يحس ع دمه وانه مقبل ع عرس ومسؤؤليه وان شاء الله اني افدتج وان شاء الله البنات يفيدونج

الله يعينهاا تبين الصدق ماظنتي يودر هالسوالف وانا اقولج عن تجربه لان هالنوع من الرياييل انا دارستنهم بس عادي يودر عادته ويرد مره ثانيه وصح كلامج نفس ماقلتي هذااا مرض