رحلة ^الدماني^ إلى زيورخ

المكتب

يلسة طاله على الشارع

الميز

بينه وبين التلفزيون فاصل مضيء (اذا تحبون تلعبون كووووك )

الشباري

وبتلاحظون الديكور اللي فوقهم …

مكمّل نفس الثيم اللي في كل الفندق

اللي هو عبارة عن TEXTURE واضح وملموس في كل التفاصيل

نيي للحمام

فخم جدا …

رغم انه ضيّج شوية

لكن حسن استغلال الزوايا واستخدام السلايدنغ دورز …

يخليج تحسين بمساحة اضافية عند الشاور …

والبانيو …

على طاري البانيو

تراه اذا تحبين تتفرجين على التلفزيون وانتي منسدحة فيه يستوي

أو حبيتي تستوين فرجة للي موجودين في الغرفة بعد يستوي

أكثر شي عيبني فيه : الرخام الأسود – الذهبي للأرضية

يوم نزلنا نتريق في مطعم الفندق للأسف ما رمت أصوّر لأنه كان زحمة ..
لكن عن خاطري صورت الكرسي لأني كنت أبغي أنفــّــذ ديزاينه

الحين يالا قوموا نطلع من الفندق و نسير الـ OLD TOWN

هذا مدخل الفندق
(لا تتحرون هذا بعلولي
اسم الله على بعلولي أنيق وأطول واحد في الحارة )

واذا ما فيكم حيل تمشون تراه "زيورخ للمواصلات" زاهبه

ينافسون "دبي للمواصلات" في الرقم المميز

اتخيلوا هالمنظر الحالم موجود في نص السوق

المدينة القديمة تتميز بطرقها الحجرية المتعرجة وغير المستوية

مرينا على معرض الفنانة العراقية العالمية زها حديد

وهذا جانب من تصاميمها اللي توصل لمئات الآلاف من الدولارات (يعني تقريبا مثل تصاميمي )

منوه يبغي ماكرون ؟

يالا ندخل بوتيك المصمم توم فورد ..

عشان نشتري من عطوره المعروفة

بعلولي اختار WHITE MUSK
بس أنا ما حبيته وايد مثل TUSCAN LEATHER

وبالمرة نتفرج على آخر تصاميمه ..

تشان ريتو ! أوَنْ هالأرواب حق الرياييل !!!!!!

الصراحة هاذيل شكلهم حق "اللي مش رجاله"

"الكرسي" الغامض بسلامته متخفي بنظارة
(مع الاعتذار لسعاد حسني)

جهزوا عماركم حق الطلعات …

…والنزلات

تحيدون بابار ؟
يسلم عليكم ويقول لكم تراه عنده تنزيلات

محل تشوكليت ….عيبتني الفترينه

هذا الفستان من بوتيك آليكسندر ماكوين اللي صمم فستان الأميرة كيت ..

أحد الفنادق العديدة اللي منتشرة …هذا في نص السوق

يا ريت الورد عندنا يطلع بهالصورة

وهذا JELMOLI أشهر DEPARTMENT STORE في زيورخ

محل يبيع سجاد عجمي وتحف ايرانية

اتخيلوا مفتوح من سنة 1926 !!!!!!!

محل للحوامل … !!

في نص هالصعدات والطلعات ؟!!!!!

صدق المثل الزيورخي اللي يقول :

" يا بخت من مشـــّـــى حامل !"

في الليل واحنا طالعين من الفندق …

نصحنا الكونسيرج نتعشى في مطعم ايطالي اسمه BINDELLA

وكان اختيارا موفقا للغاية

حيث طلب بعلولي اسباغيتي بالمأكولات البحرية

وطلبت أنا طبقي المفضل رافيولي بالسبانخ والجبن (عشان أستوي قوية مثل باباي ذا سيلر مان )

ويوم تكونين في مطعم ايطالي لا تفوتين حلوى التيراماسو لليديزرت
سامحوني عاده ما بأطعـّـمكم ولا طشه
لأن الديزيرت دايما يكون حقي مقي

واحنا هناك شفت الجرسون شايل مله زجاج .. فيها مكعبات حمرا

قال لي بعلولي : هذا ايسكريم !
قلت له : لأ ! هذا يـــِـحْ !

وكل منا أصرّ على رايه …

فقمت أنا …
وقطعت الشك باليقين …
وحسمت الموقف وطلبته (وأنا مالي رغبه فيه ) …

وطلع فعلا يــِِــحْ !

بس عشان أثبت لبعلولي ان ^الدماني^ دايما على حق

واحنا طالعين …
مرّينا على قلب المركز المالي العالمي …
عشان أطمّن على أرصدتي السرية

هذا المبنى الجميل تابع لبنك CREDIT SWISS

… ومبنى اتحاد المصارف السويسرية الـ UBS اللي شعاره ثلاث مفاتيح …
والمصنف الأول عالميا في مجال إدارة الثروات الخاصة مثل ثروتي ……لا تنسونه !

لأن كل الأرصدة السرية …
الطائلة …
المتلتلة …
المتدكـــّــنة …
المتحوّشة …

حتلاقوها هنا على قلبهم أد كده هو

أما أحلى اعلان عيبني فهو …..

^
^
^
^
^
^
^
^
^
^
^
^
^
^
^
^
^
^
^
^
تشجيع اليهال على شرب الحليب

شفتوا شقايل احنا استوينا قدوة ؟

هاذم السويسريين هاه !
ينادون بالعودة الى التراث مثلنا …

وتعليم اليهال حلب البقـر
وخض السقا …
وكنس زرب الهوش بالعسو

واللي تبالها كاس حليب …

تحســـّــر عن ذرعانها …
وتقبض الدور …
وتستعد للحلاب

كان هذا هو "الموجز" ….

وأوعدكم اذا انكتبت لي زيارة ثانية لزيورخ اني أوافيكم بالــ ……….."الأنباء بالتفصيل"