هو عن
رحلتي لوادي الوريعه
التابع لأمارة الفجيرة
في دولة الامارات العربيه المتحده
الجو كان بارد درجة الحراره 24 لكن رياااح بااااارده وغيم
،
،
،
،
،
طبعا تقرير مع الصور
يلا نبدأ بسم الله
طلعنا من البيت اساعه 11 الظهر على اساس انه بنتغدى في الوادي
وأن كلي ظن بأن واحده من العوايل الي رايحين ويانا مسوين الطبخه فالبيت
ولكن المفاجأة كانت داخل القالوووصه
طلعو منها جدر الطبخ الي يقووول يلاااا نبدأ طبخ وكانت اساعه 2 ظهرا
بعد اليأس الي أصابني ناحية بطني قلت خلنا نتجول في الوادي
نسيت اخبركم طريق الوادي كله حصى كبيره يعني كان الطريق بالنسبالنا يخووف طشوونه
خذيتلكم بعض الصور
هذا الأخ ضفدووع يتجول في ربووع الوادي هو واخوه ضفدووع جبان ،،
وسمي بهذا الاسم نسبه لخوفه الشديد كل ماقتربنا يعني يثبت مكانه مايتحرك في حين باقي الضفادع يشردووون أي يفرووون بالهرب
شوف الغزال الشارد ويا كراعينه
وهذا شلال الوادي بس مب واضح
وللأسف المنظر شوهه الكتابات الي على اليبل
يتبع ،،،،،
اختفت القهوه بسرررررررررررررررعه ومثل ماتشوفون صاحب الكندوره الزرقا هي الماما وهي الي اختطفت القهوه
يبت الكرسي وخذيت هالاستكانه من الشاي المشكر من زمان ماشربت شاي مشكر آآه يا الرجيم اذا يا غصبن عليك
وخذيت بعض الصور للوادي اخليكم تشوفونه
اووووف رجعنا للكراعين الي قلتلكم عنها في بداية الموضوع ( كرراعين الغزال الشارد لو تذكرون )
طبع واضح تلوث الماي بسبب هالأنامل الذهبيه
يتبـــــــع ،،
عالفكرة أنا ساكنة قريب من هالمنطقة
أيام المطر تنزل الماي من بين اليبال ع الشكل شلالات رووووعة
ان شاء الله استمتعتوا بالرحلة
هااا مره ثاانية بتين صوبنا خبريني عسب نقوم بوااجب الضياافة
تسلمين اختي وتسلم اناملج على هالصور…
يبالنا نسير هالمنطقة..
كان مهمت الطبخ كالعاده للرياييل
وحطينا على اليمر اللحم والفندال ( والفندال هي البطاطا الحلوه وكاااانت لذييييييييييذه على الجمر )
نرجع لمحور حديثنا
سلمي ع الغزال الشارد ___^
وماشاء الله التقرير نااااااااااااااااااااااايس تسلمين فديتج ___^