يا حلوات شحالكم شخباركم
اليوم حبيت ان انزل لكم صوري الي اخذتها في رحلتي لماليزيا
و كانت للعاصمه كوالا لمبور و جزيرة لانكاوي
كوالا لمبور 5 ايام و اربع ليالي
طرنا من دبي بتاريخ 19-2 الفير الساعه 3 و البنوته تعبتني شوي لانها ما نمت من الصبح تخيلو لين طرنا فديتها تعبت
و كان الطيران طيران الامارات على الدرجه السياحيه
و اقولها بكل صراحه اخس طيران ركبته مب حلو و لا مرتب و الكراسي الصراحه متعبه ما كانوا مساعدين ابدا
المهم الطياره كانت كلها تقريبا خدمات اندونوسيات لدرجه ان ريلي قال شوفي ليج خدامه جان تبين تختارين وحده لوووووووول
و البنوته صاحت في الطياره شوي بعدين رقدت لين ما وصلنا كولالمبور
و الرحله كانت سبع ساعات و انا ما كليت شي من اكل الطياره مول ما عجبني اكلهم
هذي رحلتنا في الطياره
وصلنا مطار كوالامبور و خلصنا و حملنا الشنط و عربانة البنت و طلعنا من المطار و حصلنا مكتب و حجزنا سياره و كلفتنا 150 رنجت ماليزي و كانت الرحله مدتها ساعه
و في بنايات واايد شكلها حلو بنظام شقق و الوانها روووعه متناسقه بس نسيت اصورها 
كنت مشغوله مع البنت
كنا حاجزين في فندق
الفندق كان وااايد مرتب و منظم كنا حازين سويت في الطابق 20 و لليله كانت ب 600 رنجت ماليزي شامل سرير البنوته من الفندق و الافطارطبعا الفندق في مول و كله محلات راقيه و كلها ماركات و فيه مطاعم تفتح بعد الساعه 3 الظهر واايد حلو
و الوقت الي نحن ينا في الماليزيا كان في احتفال بالعيد الصيني
بس اقولكم الريوق مالهم مب شي مول ما عجبني بس شو نسوي كنا نتريق في الفندق ما لقينا مطعم حلو انتريق في
صورة الفندق
لوبي الفندق
بعض صور الغرفه
هذا المول
خارطة الفندق
طبعا نحن كنا ساكنين بين المولات تقدرون تقولون في سنتر العاصمه
بس كتمه الجو كاان ماشي هوا لان كله بنايات طويله و كبير تسكر الهوا
بس كان كل يوم من الساعه اربع لساعه ست مطر قووووي وناسه كان بس مع هذا ماشي هوااا واااايد كتمه
كان في مول يديد و فندق ينبنا جدام الماريوت
مدري متى بيخخلص احتمال السنه اليايه في الصيف يكون جاهز
و هاي بعض الصور من دريشة الغرفه للابراج التوم
و ان شاءالله بكره اكمل الموضوع تعبت الحين
و نتريا ردودكم الحلوه
روعه الرحله وان شاء الله سافر في المستقبل خخخخخخ
خبرتج عن طيران الامارات لا تسفرين عليه مب شي لوووووووووول
المهم الحمد الله على سلمتكم ونحن في انتظار التقرير.
المشاركة الأصلية كتبت بواسطة قايدة لريوم 
مرورج الاروع غلاي
المشاركة الأصلية كتبت بواسطة غلا العيون مشكووره فديتج على الرد الحلو