الي قالولنا ليش ماتعرضون مب واثقين في ذوقكم اعتقد البعض ما فهمني بشرحلكن خواتي هل الوالد الله يسلمك عندهم وايد مهم الكميه والحجم اكثر من النوعيه يعني نبتدي بعقود العرس يشترون من 4 الى 5 كبار كل واحد تتراوح قيمته من 000 الى 000الف في حد يشتري 3 في حد 4 اقصى شي 5 يكون الابيض الرئيسي والثاني لولو والثالث احمر او اخضر او ازرق وجيه مرات يشترون 3 وكل واحد على 00او 00من عند سالم الشعيبي او محلات في دبي الي عقودهم اتي كبيره جدا بس قيمتهن بسيطه نحن خذنا عقد راقي صغيييييييير وحلو الماسه كبير وواضح من داماس الي بساكس في برجمان ب000الف يعني اهتمينا في جودة الالماس والشكل الراقي وحجمه جدا صغير هذا الطعقم وخذتلها اشيء بسيطه ماركات من اساور دبله خواتم وساعتين مالت الفستان الماس والثانيه عمليه الالماس على المينا بس شوبارد ورولكس هم لا يشترون الف ساعه شي من المعرض وشي من محلات ويكون الماركات اقل يعني مب معروفه وايد والكولتي نص نص الفستان يحبون يكون كله من فوق لتحت كرستال نحنا خذنا من فالنتينو فستان عيبها ووديناه الخياط يحطلنا شويه شوارافسكي على الصدر والطرحه اني لمكان المكسار بنات لازم نحجز قاعه مايسونه في البيت عشان جذيه نحن نقول كانا بنسوي عرس ثاني بفلوسنا !! مره ثانيه ويكون عرض الزهبه في القاعه نسويله مثل شغل الكوشه مب اقل من 00الف ونشتري ملابس اضعاف ما هيه تبا يعني بدال ماتاخذلها فستانين حلوين تاخذ اربعه بقيمة هالفستانين بدال ماتاخذ جاهز من روبورتو كافالي بتاخذ من مركات عاديه 6 ولا سبعه عشان نملي المكان بنكون ناخذ اشيء عشان ما يقولون شويه ملابسها ليييييش غير الغداء او العشا ترتيب الطاولات الزهور يعني روحه المكسار ممكن يكلفنا 000الف اعرف الارقام كبيره بس حسبوها حجز قاعه بغدا بكوشه وبطاولات واشيء يديده بتشتريها عشان تخلي شكل الاغراض اكثر هيه الفلوس خذت فيهن اشيء بسيطه بس ماركات وغااااااااااااااااليه عشان تدوم نحن ماعندنا سوالف نشتري وايد انا يوم عرسي عشان المكسار يابنات اشترية اشيء ما تتخيلونها عشان ما حد يقول شي وبعد العرس حملت ماقدرت البسهم عقب ما ولدت بديت البس الي اي على قياسي مغربي وجذيه كانن من اقعد يقولن هذا لبس العرس من سنه !!! وينغزن انزين يعني انا فصلته عشان البسه ولا عشان اعرضه بس وتراني كنت حامل وماي علي يعني مايقدرون واضطريت اخلي كل شي وافصل من اول ويديد يعني هذا يرضي منوه !!! عشان جذيه اختي تعقدت من المكسار وقالت ما ابا حد يرمس وايد ولا شويه يوم هم مايعرفون في سوالف الماركات وايد وللعلم تراالعرس نحن نزيد من عندنا يعني هل المعرس يحطون الي يقدرون عليه ويحجزون القاعه والباقي نشتريه بفلوسنا عشان يكون عرسنا كله نفس المستوا الاخوات وهذي اخروحده وكل اخواني حطولها في البنك فلوس ونحن خواتها غير فلوس المعاريس وصار عندها مبلغ تشتري فيه الي تباه براحتها اختي الحين خلصت بس لو كانت بسوي مكسار بتبتدي من اول ويديد تشتري عشان العرض ومابتكفي الفلوس الي بقت لمكسار راقي فقلتلها الي بيبقا من الفلوس بعد شهر العسل بتحتاجينه مافي داعي نحط على مكسار وقبل العرس بيوم 000الف وقررنا مانسوي مكسار لان اغراضها جدا جدا جدا غاليه والناس مابتقدر اغراضها وبتقول شويه ومايعرفون المبالغ الي انصرفة عليه شورايكم قرارنا سليم ولالا
لغينا ارقام الاسعار في الموضوع العين حق بسم الله ماشاءالله الله يوفقنا احس هالاخت عرسها ابدا مب متوفق من انخطبة وكله ضرابه وعقب مرضة وسافرة وتعالجة وسوة العمليه وربي انقذها من الموت للحين صحتها متاثره وعقب كانو بيفسخون الملجه مرتين وكم مرهتاجل العرس ومشاكل وضرابه والله يعينا بس لو ما ملجنا جان من زمان فاسخين الخطوبه مسكينه ادعولها بالتيسير
داعي للمخاسير والاسرااف الزايد,والله يباارك لها ويتمم عرسها على خير ياارب..
ما يعجبهم العجب ولا الصيام برجب
بس االاحسن انهم يقولون ما روونا ولا انهم يعلقون ع الاغراض..
الحيااة الزوجيه محتاايه انساانه قويه تتخذ قراراتهااا وتتحمل مسؤليه القراراات حبوبة
الله يتمم لهاا ع خير ويبعد عنهاا العين ويسعدهاا يااارب 0
والله يتمم عرسها على خير يا رب وتطلع أحلى عروس
الواحد ياخذ شي راقي أو ماركة ولا ياخذ كذا شي أي كلام بس عشان يزيد العدد