الاسم : يارب اسعدني
العمر :23 سنه
خريجة جامعة زايد بأبوظبي
الحالة الاجتماعية : عازب
بعد كل هالمعلومات خلوني اقولكم مشكلتي واللي صارت اليوم ..
خلوكم مع الموقف ..
يارب اسعدني من كم يوم تخطط وتدرس فكرة انها تبطل تجارة صغيره .. حلويات وهالامور في رمضان
على الاهل بس … اريد يكون لي دخل لاني تخرجت وما توظفت .. وخبرت بنات خالي وجي وعيبتهم الفكره
ووشجعوني اخبر الوالده بالموضوع …
سرت لها ..
تدرون شو كان الجواب ..: افففففففف لازم تدخلون المطابخ وتظايجون على الواحد ……..
————–
المشكلة هي تحبيط الاهالي لأولادهم صح اني صغيره واايد اكبر عني ولاكن دوم اقرا كتب عن تربية والتعامل مع المراهق او الابناء .. وكنت اقرا نصايح جميلة واقرا بعد امور النجاح وشو يتخللها من تحبيطات ..
رسالتي للأهل .. كفاية تطلعون اجيال متعقده غير واثقه من نفسها بس الله يحاسبكم .. على التربية
ووطنا يحتاج لأهالي مثقفة عشان تربي هالاجيال …
منو توافقني الراي ؟؟
ومنو تجوف حل لهالمشكلة ؟؟
بانتظاركم
توني حاطة هالموضوع تقريبا يتكلم عن نفس المشكلة
البنت فاقدة ثقتها بنفسها بسبة كلمة ابوها قالها
الله يهدي الجميع ان شاء الله
ولكن اختي قبل لا أقولج اني مأيدتج في وجهة نظرج , هل في يوم جلستي مع والدتج الله يحفظها وسألتيها او علمتيها انه كلامها ساعات يسببلج احباط ؟
بالنسبة لي اذا في اي يوم تضايقت من كلمة قالتها امي او ابوي او حتى زوجي الله يحفظهم لي ,, ع طول اقول لهم انه هالشي مايجوز يقولوه لانه يحبط او يضايق ؟
ترى مافيها شي الصراحه حلوة , يمكن والدتج الله يحفظها يخونها التعبير او متضايقة من شي معين او ظرف معين , لاتلوميها لان جيل غير عن جيلنا وحياتهم كانت غير وصارت غير ,,
وربي يوفقج وييسر لج تجارتج ^^
ولا تقارنين عقليتــج المثقفــة والواعيـــة بالوالدة
فلكل إنسان علــم على حسب طموحــه وظروفـــه ^_^
بس هذا الشي ما يمنع انج تحاولين اثقفينها شرات ما ثقفتــتي نفسج
وإذا كانت رافضـــة على الأقل كلميهــا بطيب الخاطر عن الشي الي يضايقج
ولا تخلين حد في العالم مهما كان يحبط عزيمتج
دامج تسوين شي يرضي رب العالمين ^_^
ولا تاخذين رد أمج بحساسيـــة
ترى ها الي عرففتــه قالته
ولو كانت تعرف أحسن جان قالته لإنج بنتها حبيبتها
بس ها الي تعرفه اعذريها 
المشاركة الأصلية كتبت بواسطة غزالةبغداد 
ولكن اختي قبل لا أقولج اني مأيدتج في وجهة نظرج , هل في يوم جلستي مع والدتج الله يحفظها وسألتيها او علمتيها انه كلامها ساعات يسببلج احباط ؟
بالنسبة لي اذا في اي يوم تضايقت من كلمة قالتها امي او ابوي او حتى زوجي الله يحفظهم لي ,, ع طول اقول لهم انه هالشي مايجوز يقولوه لانه يحبط او يضايق ؟
ترى مافيها شي الصراحه حلوة , يمكن والدتج الله يحفظها يخونها التعبير او متضايقة من شي معين او ظرف معين , لاتلوميها لان جيل غير عن جيلنا وحياتهم كانت غير وصارت غير ,,
وربي يوفقج وييسر لج تجارتج ^^
هلا والله
انا دايمه اخبرها ..بس هي الله يهداها دايمه تعتبرني فيلسوفه بسبب قراءتي للكتب ..
والوالدات ما يحبن حد يقولهم فيج خطا تقولي انتي الصغيره جي تقولين لي ..
انا عندي اخو عمره 16 ومراهق ومرات يوم تهزبة او شي دايما اقولها لا تهزبينه جدام الناس
تقولي لا تعلميني شو اسوي ..
يارب الله يهديهم
المشاركة الأصلية كتبت بواسطة bellegirl ولا تقارنين عقليتــج المثقفــة والواعيـــة بالوالدة
فلكل إنسان علــم على حسب طموحــه وظروفـــه ^_^
بس هذا الشي ما يمنع انج تحاولين اثقفينها شرات ما ثقفتــتي نفسج
وإذا كانت رافضـــة على الأقل كلميهــا بطيب الخاطر عن الشي الي يضايقج
ولا تخلين حد في العالم مهما كان يحبط عزيمتج
دامج تسوين شي يرضي رب العالمين ^_^
ولا تاخذين رد أمج بحساسيـــة
ترى ها الي عرففتــه قالته
ولو كانت تعرف أحسن جان قالته لإنج بنتها حبيبتها
بس ها الي تعرفه اعذريها
صح والله فاهمه بس هي دارسة و تجوف مواضيع وبرامج .. انا غايتي انها تستفيد …
خاطرري يكون عندي بنيه بس عشان اطبق عليها اللي اقراه
دعواتكم