روضة الدانات الخاصة التابعة لمؤسسة التنمية الأسرية في العين

السلام عليكم ورحمة الله وبركاته

حبايبي الأمهات منو تعرف ها الروضة وشو نظام التدريس
المهم ولدي عمره 3 سنين وثلاث شهور سجلته عندهم ومحتارة اخليه يروح والا أغير احطه في حضانة الكيدز أر اص أخاف يكبر ويمل من الدراسة او ما يتأقلم مع الاطفال اللي عنده

اتمنى حد يفيدني

معقولة ما عندكم عيال بها لعمر ولا تعرفون شي عن الروضة

هذه الروضة أكثر من رااااائعه

للرفع

انا بعد اول سنه احط ولدي فيها
وكلهم ربيعاتي مدحولي الروضة
واليوم داوم وراجع مستانس

ما انصحج بحضانه كيدز ارص مب مثل قبل وايد تغيرت للاسواء حطيت ولدي شهرين وطلعته ابد ما اترتحت قدامج بيحطون ولدج على راسهم ومن وراج اهمال في اهمال وكل يوم مريض تخيلي اكون اليوم مخلصه مضاد باجر يروح الحضانه مرض غير كل اسبوع ياخذ مضاد يوم اقولهم عزلو الاطفال المرضى يقولون لاا هالامراض منتشره مب معقوله ولديه ما يطلع منه المرض كل ما ادخل على غفله يكونن مجتمعات يسولفن والعيال رواحهم والللي راقد في الشمس اول ما يشوفني اونهن يهتمن في العيال اقولهن ليش ما تسكرن الستارة حرام شمس قالت اء اء الستارة خربانه تجذب

بالتوفيق