و زوجها ولد عمها وابوها يوم توفى الله يرحمة قالة يتزوج بنته فلانة الي هي ربيعتي
وتزوجها والحين عندهم 4 ما شاء الله
وابوها يوم اختارة لسببين اولهم مدين والثاني ولد عمها
المهم تقول من سنة وهو يقولها ان ربيعة توفت امة وابوه متوفي من يوم ماكانو صغار
وان عندة اخت عمرها مابين 18-20 سنة ومن توفت امها سارة بيت اخوها ولاكن حرمة اخوها
كل يوم اتسويلها مشاكل والبيت وايد متلعوز .
وطلب من ربيعتي انها تروح تزورها وتخفف عليها وان تتحمل علشان اخوها
ربيعتي ماقصر راحة وشلتني معاها وزرناها وشفنا استقبال حرمة اخوها والله انها كانت مضايقة
من زيارتنا واحنا خففنا الزيارة يعني كلها نص ساعة .
المهم عقب مارجعة ربيعتي البيت حصلت ريلها يترياها !! ومب من عوايدة هل وقت في البيت !
سلمت علية وقالتله خير اليوم اشوفك من وقت مب من عوايدك !
قالها لاربيعي شوي مشغول وانا متوله عليج قلت اتريلج في البيت اسولف ومعاج !
هي استانست المسكينة
ومن ضمن الكلام قالها شو اخبار الزيارة ؟؟
قالت الحمد الله ولاكن اختصرناها لان حرمة اخوها مافارقتنا وكانت وايد مضايقة منا!!
وانا مابسير لهم مرة ثانية .
وقالها والبنت قالت شوبلاها البنت !؟
قال لا يعني هي شونفسيتها !!!!!!!!؟
قالت بخير والحمد الله ماحسيت ان فيها شي تسولف وتضخك
رد قال يعني البنت حليوه ولا حلوة ؟
قالت ليش هذا السوأل !؟ عمرك ماسألت عن شكل اي وحدة ان كانت حلوة او غيرة من هل كلام ؟!!
قال لان اذا حلوه بخبر امي تخطبها لخوي.
قالت هي حلوه وزينة وماعليها قصور
قال اخوي يحب وحدة شعرها طويل وتكون طولج تقريبا وبيضة ومن هل كلام
قالت ما شاء الله عليها اخوك بيتخبل اذا شافها من نعومتها
المهم .. بعدها بفترة تم يلمح لربيعتي ان يبا يعرس وهي تقولة ليش انا مقصرة بشي ؟!
يقول لا بس الشرع حلل ومن حقي وانا مقتدر ومن هل كلام هي طبعا تزعل وترضا
وفجئه من غير سابق انذار ! هي يالسة ودرس ولدها صف اول .
ودخل ريلها وقالها تعالي الميلس وسلمي على حرمة تبا اتسلم عليج !!
قالت اي حرمة مافي وحدة من ربيعاتي خبرتني انها بتيي
قال لا هاذي ربيعة العمر واليوم بعرفج عليه !!
قالت اوكي وراحت وهي قلبها يدق بسرعة وحاسة في شي مب طبيعي !
واول مادخلت شافت البيت للي راحت لها !!
قالت ليكون !؟ قال زوجها ايوى هي والحين زوجتي على سنة الله ورسولة !!
ربيعتي مسكينة ماعرفة لاتتكلم ولاتتحرك من مكانها البنت تكلمها وريلها يكلمها
ولاترد الا دموعها وبس
الحين احس انها في صدمة لان والله ماتتكلم الا قليل ولادرس عيالها مثل اول
ولاتضحك اوقولها هذا مقدر ومكتوب اتهز راسها اقولها لج الاجر تهزلي راسها
الله يخليكم شو الحل ؟؟؟
كيف ارجعها طبيعية مثل اول ؟؟ اعيالها مساكين مضايجين علشان امهم .
وريلها ماقصر من عقب السالفه كل يوم يقرى عليها وماشي فايدة .
وسكن الحرمة اليديدة عند امة .
من يوم ماعرس صارلة شهرين تقريبا
خواتي والله ربيعتي مقطعة قلبي ماعرف شو اسوي ؟؟
ولا اعرف ارقد من اتفكير
.gif "12 (29)")
بعدهاذي الردود لربيعتي
حابة اوضح
ريلها يقول ان هو يحبها
وهي بنت عمي
ويتيمة وماارضى عليها
بس افتكرت ان اذا بلغتها
بهاذي الطريقة بتكون اخف
طبعا اخوي قالة انت ذبحتها ماخففت عليه
خواتي ربيعتي ماشاء الله عليها
ملتزمة بل استغفار وسورة البقرة
المشكلة انها بعيدة عني
يعني في امارة ثانية
وانا ماسير غير كل اخر اسبوع بس
ولاكن كل ماادخل عليها
الاقيها طايحة في الصالة
وحاطة التكية تحت راسها
وتستغفر اقولها شو انتي الحين
تهز راسها بانها احسن
ولا كن تقمض عيونها بل قو
ودموع مالها حد
ونا امسك نفسي علشان مازيد عليها
قبل ماتستوي السالفة
وزنها 85 ك
ومن شهرين
صار 67ك
تتخيلون كيف ظعفت
احاول اضحكها
اقولها كنتي تبين تضعفين
وماخليتي نظام دايت ماسويتية
والحين صرتي وايد رشيقه
لاتجاوب ولاتبتسم
الخدامة تقول ماتاكل
الا يوم صديقة امها حرمة كبيرة اتيها البيت
وتجبرها على الاكل
للعلم بنات اغمى عليه 4 مرات
ويقولون هبوط
المهم ريلها دوم عندها
بس هي ماترد علة ولا تتقبل منة اي شي
امها متوفية من 10 سنوات مع اخوها في حادث
كانو ياين من العمرة الله يرحمهم
عندها اخت وحدة بس وهي معرسة
ريل اختها يدرس خارج الدولة
واختها مع ريلها وماتروم اتيي لانها حامل
في السابع الحين وبتربي في امريكا
ماتبا حريم اخوانها علشان تقول يتشمتون
وهي مب طايقة رمساتهم
المهم وعد مني للبنات للي
طلبو اني اعرض هاذي الصفحة
علشان اتشوف ردودهم
اقولهم اكيد ووعد
اني بخليها تشوف ردودكم لها
وان شاء الله نتعاون ونكون سبب
انها ترجع لحياتها الطبيعية
والله مب مدح فيها
ولاكن
طبيعتها حبوبة وضحكة ماشاء الله
ماكانت تفارقها مول
وحنونه وطيبة وايد
ومن انوع المزوح
والي يعرفها ويشوفها
الحين فرق مب طبيعي
اسكوت وعدم رقبتها بلكلام
عيالها يكلمونا ماترد
ولاتاكل الخدمات يقولون
يوم نشوفها في اصالة نتذكر
انها موجودة تتخيلون ؟
الله يفرج همج يارب
1000شكرا للبنات للي ماقصرتو
يعني انساان مرتااح مع حرمته وماشااء الله عليهاا مب مقصرة
يصدمهاا هالصدمه !
حبيبتي كل مشكله تنخلق كبيرة وتصغر مع الوقت 00صدقيني فترة وبتعدي
وااسيهاا وخففي عنهااا وذكريهااا بالشرع وانهااا لا اول وحده ولا الاخيرة الي
يتزوج عليهاا ريلهااا
الله يهون عليهاا ويأجرهاا ان شااء الله
لازم بتدخل في ازمه مسكينه الله يكون بعونها