ريلي يحبني للمرة الثانية

السلام عليكم ورحمه الله وبركاته

أكيــــــــــــــــــــد استغربتو من العنوان بس صدق لو اقولكم شو اللي سويته ما راح تصدقون بالنسبة لي انا ما صدق اني اتقنت الدور واني قدرت العبها صح ……

اشوفه حلو ما ادري مرتاحة جي …………………………….وفي نفس الوقت خايفة من المستقبل

تبون تعرفون شو سويت
…….

……..

……..

………
اول شي بكلمك عني وعن زوجي ………..

أنا وزوجي صار لنا خمس سنوات متزوجين…………. اتزوجنا عن حب والحمدالله مرتاحة معاه بس

في الفترة الاخيرة اتعلق في ربعة وايـــــــــــــد كل ما اقول له شي يقول ربعي ربعي ليش تبين تمنعين منهم ……….وهو الحمدالله ما عليه سوالف وبنات وخرابيط …………..

فكرت وايد شو اسوي عشان يرد لي ويكون مثل اول …….

عقب التفكير والتمحيص ………

سويت لي ايميل جديد وتميت اطرش له رسايل على اني وحده ما ادري كيف اقنعته بطريقة اني احبة واموت عليه هو استغرب معني ريلي دوم اطرشه له ايميل وعمرة ما رسلي رساله وحده يقول ما يعرف يستخدم الايميل وكان دايما يخليني اشوف الايميلات عشان اقراها ……….

الحين استوا يطرش ايميل طبعا مش لزوجته ………….لحبيبته اللي تحبه لا ويدخل الماسنجر بعد

وانا احس اني مرتاحة معني احيانا أقول في خاطري ليش يمكن جي احط ريلي في طريق الخطأ……….

واحيانا اقول لو اكتشف اني انا اللي اطرش له الايميلات ورمسه على الماسنجر

شو بيكون موقفي ……..

ما ادري ؟؟؟؟؟؟؟؟؟؟؟؟؟؟؟؟؟ ادري اني غلطانه بس مرتاحه جي لاني اعيش الحب للمرة ثانية وما

سويت شي حرام أو عيب يعني ما رحت برا رحت لريلي بس من دون ما يدري

اتمنى تفهموني وما تغلطوني …………..

عطوني رايكم شوا اسوي اكمل ولا اقطع ………

الصراحة حابه اكمل المشوار وايد عايبتني الحركة وما صدقت اني اقنعته من البداية عشان يطرش لي ويكلمني شو رايكم ؟؟؟؟؟؟؟؟؟؟؟؟؟؟؟

اللي عندها رد بايخة تحتفظ فيه لنفسها ما يحتاي تجريح

واللي عندها رد حلو مثلها تكتبه عشان الكل يستفيد ………………

صدق خبال اللحين بتعلمينه المغازل …

خخخخخ تفكيرج غريب هذا دليل ان ريلج ممكن اي وحدة تلحس مخه بكلمتين ويتعرف عليها..
حااولي تتقربين منه ف البيت مب بالخرابيط الي عالنت والمسنجر باجر بيحقرج ووقته كله بيكون عالنت والربع وانتي بتكونين اخر تفكيره..
فكري زين ولا تنسين انه هو تعرف عليج عالمسنجر عسب يعيش حب يديد مب يحبج انتي زوجته!! اطلعي من الوهم الي انتي فيه..

الله يوفقج ويا ريلج و يحفظكم لبعض

هى كارثة والله يعينج على عواقبها

غلط الله يهديييييييج

تخيلي تغير عليج انتي حرمته بسبب انشغاله وتعلقه باللي تراسله الي هيه انتي .. وهو ما يدري

حرام عليج لو اكتشف بيزعل وبيعصب وايد

لأنج استغفلتييه وبتحسسينه انه كان مغفل وينقص عليه .. والريال عمره ما يرضى انه ينحط بهالموقف ..

بتجرحين كرامته حتى لو انتي مستمتعه..

وقفي الي تسوينه ولا تفتحين درب للشيطان .. خليه متعلق بربعه ابرك من انه يتعلق في البنات والنت ..