هاي البنت بفتره مراهقتها حبت ولد وشردت وياه وزوجوها اهلها له ويابت منه ولدين وطبعا اهلها خلوها هي وريلها يسكونو عندهم بحكم انه ريلها مايقدر ويوفر لها شي
المهم هاي البنت ضاقت عليها عينها وحطت عينها على واحد ويانا بالدوام متزوج وعنده 6 عيال واكبر ولد عنده بالثانويه العامه وكانت ترمسه طول الفتره اللي هي على ذمه زوجها بس يقول المثل ان لم تستح ففعل ما تشاء
المهم رفعت دعوى طلاق على زوجها بس جي وطلقها لانه ريلها عنده كرامه وطلقها بس اللي ماكان متوقعه طليقها انها هي اطلقت عشان تتزوج غيره المهم خلصت عدتها بسكوت ومحد دورى بالموضوع وفجاه عرفنا انه تزوجت فلان اللي ويانا بالدوام
وطبعا الموضوع كان صدمه للكل وتعرفون الريايل كيف رمسو عنها وعن الريال خلوهم حديث الدوام لمده اسبوع يتمصخرون عليهم لانه لا هي فيها خير ولا هو فيه خير
المهم راح حط لها فيلا ايجار ومرته لما درت اضاربت وياه المهم وهمل مرته وعياله عشان هاي اليديده اللي منغش فيها وخلى اهتمامه كله لعيال حرمته اليديده المهم عقب فتره شاف المصاريف زادت عليه وحط في باله انه يسكن مرته اليديده في بيت ذيج طبعا حرمته بدون حيا ولا مستحى وافقت المهم هي كانت ترتب امور النقل للبيت اليديد وراح زوجها الساعه 1 بليل وسحب مرته بالشارع بجالبيتها وماعلى رراسها شي وطلعها برع البيت وطبعا اخوه ساكن حذال بيته وبردت اخوه شاف الموقف بليل وتضارب مع اخوه ما عجبه اللي ساه اخوه بزوجته وشل مرت اخوه ووداها بيت اهلها بليل المهم ونقل مرته اليديده في بيت مرته ام عياله ولما رفعت حرمته قضيه طلاق تخيلو الحرمه الثاينه شو كانت تقول لنا بالدوام هيه هاي اصلا مافيها ادب اكيد عندها حد ليش تبا تطلق مره من غيضي قلت لها نفسج صح ما استحيتي لما خذتي ريلها
وعصبت البنت وزعلت وعقب ريلها قام يقول عن مرته ام عياله نفس الشي احسه يمكن يتحرى مرته نفس حرمته الثانيه رافعه قضيه طلاق عشان بتتزوج غيره واذا بتتزوج غيرك انت اشعليك خلها تشوف حياتها
المهم حرمته الاولى المحكمه طلقتتها منه وحكمت لها بالبيت هي و عيالها وطليقها الحين مب عارف وين يدق براسه هو وحرمته اليديده
وقاعدين يدورون سكن يديد واتمنى مايحصلون سكن المهم من فتره صار موقف جدامي من هالبنت كانت تتكلم تلفون وريلها يتصل لها شكلها مب منتبه وكلنا كنا حاطين في بالنا انه تكلم ريلها وفجاه دخل ريلها علينا قال لها ليش ماتردين تعرفون شو صار فيها انعفست فوق تحت وفرت التلفو من ايدها بس ريلها طمه ما لاحظ وعقب بيومين نفس الحال كانت ترمس بالفون وقلنا اكيد ترمس ريلها لانهم يضحكون مسوين عمارهم مراهقين وفجاه ريلها اتصل عالمكتب وهي لما قلت لها زوجج ويها اعتفس وتمت خايف وتسالني شو قالج وشو قلتي له يعني مبين انه قاعده تسوي شي غلط ولا ما بتخاف جي مرات اقول يالله تنفضحي وارجع اقول استغفر الله العظيم
المهم مره فكرت وحده بالدوام انها تنبه ريل البنت بنغزه عشان يصحى من اللي هو فيه وانتو شو رايكم ننغزه ولا نخليه على عماه عايش بجذبه
هالاثنين لايقين ع بعض
و هالافعى لو تطلع من دوامج احسن لانها وباء ع المجتمع
ما اعرف انتي تابعه لاي دايرة بس اللي اعرفه انه قوانين العمل تفرض الاحتشام و حسن السلوك ع الموظفين و هي كيف ماخذة راحتها و مجاهرة بالفسق ؟؟
ع العموم الظالم له يومه و تاكدي من كلامي و الزمن بيثبت لكم
اللي عليكم انكم تبعدون عنها و تتحاشونها كثر ما تقدرون
تلقين ريلها الأول قال هذي الساعة المباركة يوم تطلق منها
يبى الفكة منها من متى
و الظاهر مصير الثاني نفس الأول بيعرف في يوم حجم غلطته
استفتو اهل العلم بس انا قد سمعت سالفه قريبه من معارفي قريبه جدا من هالموضوع
وهاب البنت ما تستحي .. الريال طلق مرته عشانها وهي بعدها ع زلاعتها ..
الله بيكشفها … خلوها ع الله
ان شاءالله قريب نسمع خبرها