اسعد الله جميع اوقاتكم خواتي بالايمان وطاعة الرحمن وبعد::..
خواتي العزيزات هنا مساحه حبيت اسألكم فيها عن عدة محاور واشيا من واقعنا..
بالنسبه لزواج الاماراتي من غير الاماراتيه مثلا من سعوديه"كويتيه"قطريه"…. الخ
وجميع الجنسيات الخليجيه وش رايكم فيه؟؟ هل يواجه صعوبه مثلا؟؟؟
وهل تتوقعون انه ينتهي بالفشل مثلا او يكون هناك اختلاف بالعادات والتقاليد..!!
مع اني اشوف الخليج وتراثه يتشابه ولايوجد ادنى اختلاف الا شي بسيط جدا….
ياريت هنا اي وحده تدخل تكتب رايها بكل طلاقه وحريه لاني محتاااجه ردوردكم بارك الله فيكم
محبتكم :::
سوسو
بالنسبة لي احس انه بالعكس شي زين زواج الاماراتي بوحدة من دول مجلس التعاون مع انه بنت الامارات اولى ومافي اي شي يعيبها ..
بس احسن بوايد من انه يتزوج روسية ولا هندية ولا وافدة لان هالنوع من الزواج ينتج عنه وايد مشاااكل ,, بعكس لو انه تزوج سعودية او قطرية اوعمانية او الخ ,,
هذا رايي والسمووووووووووحة
الاماراتي او الخليجي يتزوج خليجيه تربي عياله نفس العادات والتقاليد احسن من يتزوجون اجنبيات تربي عياله على عاداتها وتقاليدها ولهجتها هي
ولا صارت مشاكل بينهم بكره وخذت عيالها او خذ عياله يعرفون وين هم وعلى ارض الجزيره العربيه
مو مثل الاجنبيه تاخذهم وتوديهم لبلدها بعيد وتغير عنوانها ولا تهاجر بلد اخر ولا يدري وينهم !!
ومشكوره على الموضوع
سوسو
في البدايه
انا ما اشوف اي اختلاف في العادات
و التقاليد بين دول الخليج .. الا الشيء البسيط
و ما اتوقع ان هذا الجزء البسيط ممكن يؤثر
على العلاقة الزوجية
لكن .. من وجهة نظري ان ممكن هالاختلاف
يأأثر .. يعني مثلا عدنا في الامارات الحنا
و شيء في دول الخليج .. بس ما اتشوفينهم
متمسكين بها كثرنا
و عدنا الشاب الاماراتي رابي على انه امه
اتي متنحنيه ولا خواته
و ممكن عقب تستوي خلافات بسيطه بينهم
لهاي المسئله ، خاصه ان البنت يمكن ما اتكون متعوده
فما اتحب الحنا ..
.. و ع العموم من وجهة نظري انا بنت البلاد
ابخص بولد البلاد من الغريبه ، و انا ما اييد الا الزواج
من نفس الدولة !..
لان بالفعل بناتنا مالهن ذنب يتمن عوانس ..
و غير جي لو خذت خليجي يدخل هذا في قضيه
ابناء المواطنات المحرومين من حقوقهم
و بس ، فأنا اتمنى من شبابنا انهم ما يضيعون على
عمارهم بنت بلادهم .. الاولى من الغريبه
بس طبعا الخليييجية اهوووووووووووووووون
بلمياااااااااااااااااااااااااااااااااااااااااااااا ااااار
مره من غيرها من الجنسيات!!..
و انا احط 1000000 علامة صح عليها
مقابل اي جنسية ثانيه
لكن تبقى بنت البلاد اولى
و الله يوفقج الجميع
ماشي فرق يعني ..!! بالعكس شي طيــــــــــــب….
بس يحبذ انه ياخذ من بنات البلاد افضل ^^
الكثير لاحظ اللي زوجاتهم اجنبيات اغلب عيالهم ولائهم وانتمائهم لبلد أمهاتهم
ونفس عادات والدتهم الاجنبية …