خواتي …..
انا بقولكم سالفه الهواتف هاي اللي كثرت ما شاء الله هالأيام واااااااااااااااااايد
( من دون ذكر جنسيات منعا للتجريح ) و لآن في نظري كل شعب فيهم ( الصالح و الطالح)
كان عمري 16 سنه لما اكتشفت هاي السالفه طبعا انا كنت متربيه بيت عمتي العوده و اللي عندها 6 صبيان و بنتين و هالصبيان اخواني و يحترموني وايد
مره كنا سهرانين كلنا مع عمتي نطالع تلفزيون
رن تلفوني واحد من اولاد عمتي قال : رقم غريب ودولي ؟؟!! استغرب الولد
جان اقوم انا الملقوفه و اقولهم اسكتوا كلكم رديت على المكالمه و لا صوت وحده
ألو ……….. ألو ,,, أنا فلانه من الدوله الفلانيه ……..
جان نضحك و نصك التليفون في وويها
و عقب طرشت ايميلها ضفناها على مسنجري و تمينا على الموضوع على اساس اني ولد
وعمري 25 تمت تسأل أسألة واااااااااايد:
اسمك :
عمرك:
كم معاشك :
وشو وظيفتك :
و وين ساكن :
و وش سيارتك:
و أنا أعطيها من الصب الزين
هههههههههههههههههههههه
المهم
و لا اليوم الثاني انا ناشة اول وحده الصبح
ولاهي بعد مواصله يالسة على المسن
قلت لها : انتي للحين ما رقدتي ؟؟؟؟؟؟؟؟؟؟؟؟؟
قالت : لا في موضوع لازم أتكلم معاك فيه
قلت لها : شو
قالت : صراحه أنا حبيتك و ارتحت لك و حابة اشوفك و اجي لعندك و اتزوجك ..
أنا :!!!!!!!!!!؟؟؟؟؟؟؟؟؟؟؟؟؟؟!!!!!!!!!!!!
شو ها
قلت لها : لا لا يله باي
وحذفتها من المسن
و تمت ادق على تليفون ولد عمتي وانا ارد و تسكت هي
لين ما ماسمعتها كلام عدل و قلت لها بخير الشرطه زاغت و بندت
************************************************** ***************
السالفه الثانيه:
أنا الحين ما شاء الله علي ^_^ و معرسه من سنه تقريبا
قبل شهرين تقريبا ياني تليفون على رقمي دو طبعا و الغريبه انه مافي رقم و لا شي
بس صورة سماعه ( أخضر -0 أصفر – أخضر – أصفر )
يعني ردي و لا سكري ) خخخخخخخخخخخخخخ
المهم رديت خفت عبالي اهلي في قطر امي فيها شي و لاشي
جان يطلع لي واحد ( من دون ذكر جنسيات )
المتصل : ألو
انا : ألو
المتصل: من معاي
انا : يه انته متصل وتقول من معاي انته من ؟
المتصل : انا( فلان ) من السنغال
انا : السنغال ؟؟؟؟؟؟؟؟؟؟؟؟؟؟؟؟؟؟؟؟؟
المتصل: ايه مب هاي رقم الدكتور عمر ؟
انا : لاغلطان هاي مب رقم الدكتور عمر .
المتصل : اااااا اوك سوري
*********
واليوم الثاني دق بعد
المتصل: ألو ؟؟
انا : ألو
المتصل: انا ( فلان ) اللي امس اتصلت عرفتيني ؟؟
انا : هيه شو تبا ؟
المتصل : انا حاليا في وسط البحر و حاب ايجي على الامارات و الدكتور عمر عطاني رقمك هذا على اساس انه رقمك ..
انا : لاهاي مب رقم الكتور عمر و لا عندنا حد اسمه عمر .
و طبعا هزبته هزبة محترمه
و سكرت
***********
عقب سرنا بيت يدوه و كنت انا و ريلي فالصاله ويالسة اقولهم عنه
و اتصل بعد / جان اقول ولا كلمه و ريلي عدالي
المتصل : الو
انا : الو خير
المتصل: معليش انا ما بطول عليكي بس ……..
انا : بس شو …..
المتصل : تتزوجيني ؟؟
انا : شووووووووو انته محد ادبك يال…………………
و عطيته من الزين
وقوم يدوه يضحكوووووووووووووووون
************************
و عقبها اتصل جان اخلي ريلي يرد
ريلي : الو ….
المتصل : ساكت مايرمس
ريلي : ألووووووووووووووووووو..المتصل : بعده ساكت
ريلي : رد ماتسمعني ؟؟
المتصل : سكر الخط و لاعاد اتصل مره ثانيه
وهاي تجاربي انا مع هالسالفه (( شاركوني و اتحفوني انتوا بتجاربكم )))
الله يحفظنا ويحفظ عيال بلادنا من هالسوالف
انا صراحة من اشوف رقم دولي اخاف ارد وخصوصا على البلدان اللي ما اعرف فتح خطها او مالي حد هناك فيها
:
:
وايد سمعت عن سوالف وخصوصا سالفة السحر عن طريق الاتصال
وايد سمعت عن سوالف وخصوصا سالفة السحر عن طريق الاتصال
مزمز سحر عاد لا وعن طريق الاتصال شو هذا بعد
ابصراحه ريلي بعد اتييه ارقام غريبة ومب معرووفة اصلا من اي صووب هي
وانا قبل فترة ياني رقم اربعاات اول شي وياني مرة ثانية بس طنشت ومارديت لاني خفت
مرة هنتين يتصلن على تلفون عمتي ام ريلي..لعوزوها الفقيرة يت عندي تزورني وجان يتصلن
وارد عليهن هزبيتهن هزاب ولااا سبني بعد تخيلوووا ؟؟؟؟
الله يحفظنا من هالاشكال ….هيه صدق ذااك اليوم واحد من جنسية عربية يسوي ميس كول لريلي
بهدل عيشته..اخر شي مل واتصل رد عليه ريلي قاعد يساله انت منووو
ريلي يحليله:ياا ريال انت الي متصل منو معاايه
ريلي عصب علييه مادري شو قاله جان يسكر فويهه
الله المستعان