زوجة مع وقف التنفيذ@

بنات ابي استشيركم في موضوع انا متزوجه من 11 سنه وعمري 30 زوجي سلمكن الله له تقريبا سته ما ينام في غرفته واذا دخل يدخل نص ساعه عقب ينزل منها بس يأدي الواجب (؟؟؟) بس ما اعرف هو زعلان او راضي عاديه تصرفاته لا تقولون كلميه تفاهي معه سويت كل شي بالطيب وبالغصب ما في فايده ما يعطيني فرصه دايم يالس في الميلس اكله وشربه ونومه حتى ملابسه تيي لعنده في الميلس انا اذا حصلت فرصة رحت عنده لان الميلس ما يفضى من الرياييل اقل شي من اخوانه وابوه معظم وقته نووووووووووووووووووم ولا اقدر ارفض له طلب
اتصدقون لو اقولكم لو انا ما اييه للميلس يمكن بالايام ما نشوف بعض ما يدش عندنا في الصاله ولا حتى يطل علينا الا اذا بغى شي عندي منه 4عيال واذا ضغطت على عمري وناديته للغرفه يقولي تعبان بعدين صحته زينه مافيه شي بس عند التلفزيون او النت يلعب ورقه ما يمل منها ابد
شو رايكن بنات انا صابره معه لانه طيب ولا يقصر في شي بس حياة معه مالها معنى اليوم مثل امس مثل بكره ما فيه كلمه حلوة او حوار رومانسي حياه جافة بمعنى الكلمه بس الكلام الي بينا ييبي فطور غداء عشاء ملابس طلبات عاديه طلبات اي ريال لحرمته
بس ما اقول غير الحمد لله على كل حال
شو تنصحوني وشو رايكن اسفه طولت عليكن السموحة

الله يصلحه
اكتبله رساله في ورقه حطي كل اللي في خاطرك
لاتخبين شي
امدحيه على اخلاقه وتعامله بعدين اشرحيله معاناتك
واش قد انتي محتاجته وياك
بخط حلو ومرتب وروحي للمجلس وعطيه الورقه بكل ابتسامه
واطلعي خليه لحاله
اكيد هوبيجي وبيناقشك عاد انتي صارحيه وقولي طلباتك
وقولي له رد مثل قبل وخليه يعلمك يمكن انتي مقصرة معاه
وانتي غير منتبهه
بعدين غيري من شكلك اصبغي شعرك والبسي حركات جديدة وشوفي يمكن يصطلح حاله
وانا بدعيلك

مشكوره حبيبتي على الرد
بس الحياه عنده انه يوفر كل شي من ملابس واكل وشرب ويودينا المشاوير المهمه فقط عند اهله او اهلي او المستشفى اذا حد مرض زيارات ثانيه بالغصب والسوق مره في كل شهرين

الله يهديه … غيري الروتين اللي عايش فيه بس موب عشانه لا عشانج
كل مره خلي سوالفج معاه عن شيء يديد … غيري من نفسج ..من ناحية
الشكل الخارجي سوي نيو لوك .. وتفرغي لعمرج ولصلاتج خلي فيه وقت للقرآن
و لقراية الكتب أو أدرسي وخذي دورات .. و سويله حركات تجذبه لغرفتج من
عطر يحبه أو دخون أو ترتيب معين يرتاحله .. و إذا تمت حالته مثل ما هيه
صارحيه لأن لج حق فيه قوليله أبغيك تهتم فيه تدلعني شوي شوي بيطلع
من الجحر اللي منخش فيه .. على فكره كل ما كثر من الطلعه معاج بتقل السهرات
و اليلسات في الميلس بتقل يلسة الشباب معاه و مهما كان اللي شاغلنه لازم
بييه يوم و بيمل بس لا تخلينه يطول … ولا تخلينه يبات بروحه قوليله يتراوالي شي
في الغرفة ياتنام معايه او أنام معاك في الميلس شوف لك حل هذا اذا يرقد في الميلس.
على فكرة فيه رياييل يحبون الوحدة و السكون … و فيه من الرياييل تمر عليهم
أوقات يبغون ييلسون في هدوء بعيد عن جو العايلة و الطلبات ….
و منهم اللي يعاني من أمرااض و مايبغي يصارح الطرف الثاني فيفضل الابتعاد
و منهم اللي لهم حركات بايخه على النت و الفون و اليلسة بروحه تساعده في الانحراف

ادعي له بالهدايه لج ولعيالج اختي اصبري علشان عيالج مالج غير الصبر والدعاء

عندي سؤال كيف يوفر كل شيء وهو ما يطلعكم غير مرة كل شهرين ؟؟