زوجته الاولى

السلام عليكم..شلونكم خواتي..انا ابي استشارتكم ..او حتى اسمع تعليقاتكم على الموضوع..انا الزوجه الثانيه..لرجل يعتبر شبه مطلق لان الموضوع لين الحين في المحاكم..اننا متزوجه من 4 شهور والحمدلله حياتي مع زوجي ممتازه وفي مشاكل بس عادي تمر بسلام مشاكل بين اي متزوجين بس بسيطه والحمد لله نحلها على طول لان احنا متفاهمين وانا الحين حامل من شهرين..المهم موضوعي هو زوجته الاولى هو متزوجها من 4 سنين وهي بنت خاله هو عنده منها طفلين بنت وولد وللاسف ما اقدر اوصفها الا انها وحده تافهه مفكره الزواج لعبه طول هالاربع سنين هو تعذب فيهم معاها كل اسبوع رايحه بيت اهلها زعلانه وتقعد بالشهور وتذل فيه ما خلت كلام سيء ما قالته له وحتى اهله ما سلمو منها دايما كلنت تقوله ان هو مب رجال وان هي جامعيه وهو ثانويه واقل منها وان هي المفروض تتزوج دكتور ودايما تبين له ان هو مقصر في حقها ووصلت لدرجه ان لما هي تسوي مشاكل ويطنش لها تحذف عليه اي شي ووصل الموضوع لدرجه ان مد يده عليها عشان يادبها بس ابد لا حياة لمن تنادي هذا غير انها من ليله العرس لين هاليوم ما تحف المناطق الحساسه وما خلا حد ما كلمه عن هالموضوع كلم امها وكلم امه وهي تقول يعني اقشع جلدي عشان يستانس..ومره كانت زعلانه وفي بيت اهلها اتصل لها وقال لها ابي ولدي قالته له واعوذ بالله روح ارقد مع امك وجيب لك ولد وهي قالت جذي لان امه هالمسكينه هي اللي مربيه هالولد..من كان صغير ينام عندها وتهتم فيه وتاكله وامه مسكينه متدينه وطيبه لابعد حد..وفي مره امه راحت بيت اهلها وهي تصير عمتها اصلا يعني ابو زوجته هو اخوها وخذت الولد..قالت له اشلون امه (العاهره) وطبعا انتوا تعرفون بالخليجي شيقولون تاخذ ولديوهذا واشياء وايد ما تنذكر انا ما اعرف اشلون اصلا صبر عليها وفوق ذي خانته مع واحد ويوم قال حق اهلها قالو له ما تبيها طلقها وهو خلاها عشان العيال تخيلو ما ياخذ حقه الشرعي الا اذا وصل حده وللاسف يوم نام معاها اخر مره حملت منه..وتحسف قد شعر راسه والصراحه ما خلت شي ما سوته جرجته محاكم ومراكز شرطه تخيلوا مره راحت مركز الشرطه تشتكي عليه عشان تبي جوازها وتبي تسافر مع اهلها وهو ما يبيها تروح أي زوجه هذي ..المهم هي صار لها برع بيته حول ال8 شهور وكانت حامل وطبعا طلعت وهي زعلانه بدون سبب كعادتها وحرمته من عياله طول هالشهور عنادا فيه لان هي تعرف انه يموت في ولده ومايقدر يتم بدون ما يشوفه ومره هو اتصل فيها وقالها ابي ولدي قالت له انت مب ريال واهلك زاقين على راسك وروح تزوج عاهره عشان افتك انت من يرضى ياخذك انت مب ريال واهلك زباله وطبعا ما استحمل الريال وطلقها ويوم طلقها قالت له ما تكفيني وحده ابي ثلاث وهذي ثاني طلقه وتقدم بعدها لخطبتي بعد ما رفع دعوى الطلاق..وخلاها تخيس في بيت اهلها ..ولان هي تعودت ان اهله دوم يخلونه يرجعها عشان الولد اللي ربوه وتعودو عليه توقعت ان هالمره مثل كل مره بيروحون لها وبيحاولون يصلحون الموضوع وانصدمت ان محد جاها ولا حد عبرها لان هم ملو منها وهو خلاص كرهها من كل قلبه والمهم هو تقدم لي وانا استخرت وتزوجته والصراحه هي اخسرت انسان ذهب هو واهله الطيبين وفي فتره الملجه بعد ما حست ان محد عبرها وانه رفع دعوى الطلاق قامت تراكض وراه تحاول يرجعهاا لان اهلها مب مستحملينه وابوها بخيل فوق ما تتصورون تخيلوا لما تطلع معاهم يخليها تدفع ثمن الشندويش اللي تاكله حتى لو ب 3 ريال وطبعا ما قدروا يستحملون الصرف عليها وعلى عيالها وهو كان يحول لها الف ريال شهريا مصروف يد لها واي شي تحتاجه يشتريه لها كان ابوها ياخذ الالف ريال عشان يدفع حق السايق لان يوصلها مرات الجامعه مع اختها تخيلوا القحط ..المهم هو قالها ان بيتزوج وانه مايبيها وهي ماصدقت وتوقعت ان يكذب عليها وتمت تتصل له وتطرش له صور بنته اللي جابتها قبل زواجنا بيوم وطبعا هو ما شافها الا مره وحده لان هي ما تبيه يشوفها وتوقعت ان بيركض وراها لما تحرمه منها بس يوم شافت ان مطنش لها قامت تطرش صورهاا وتحاول ترد المهم بعد شهر العسل يوم رجعنا هو كان برع اتصلت عالغرفه ورديت عالتلفون وسمعت صوتي واتصلت فيه ومارد وطرشت له مسج انت اشلون تتزوج علي..وهني صدقت ..المهم الحين جلسة الطلاق بعد كم اسبوع وهي قاعده تحاول ان تصلح تخيلون ان كل اعمامها وعماتها حضروا العرس وكلهم يعرفون عن مشاكلها ولعانتها وهم اللي كانوا يلحون علي زوجي عشان يتزوج ويطلقها والحين قاعده تكلم الكل عشان يرجعها ..المهم في العيد جات عمتها اللي هي اخت ام زوجي وقعدت معاي وتعرفت علي والحمدلله انا مو مقصره لا في حق زوجي ولا اهله والكل يمدح فيني المهم ام زوجي قعدت تمدح فيني قدام عمتها ..المفاجاه هي ان اخت ام زوجي اللي هي عمتها كلمت ام زوجي اول امس وتقول ان زوجته الاولي تبيت تتعرف علي وتبي تكلمني وان من كثر ما مدحوني قدامها حابه تتعرف علي..وانا اصلا متاكده ان هي تبي تتعرف علي عشان احاول اكلم زوجي عشان ما يطلقها وان هي تبي تبين انها تغيرت وتبي الستر..انا المشكله انها تكسر خاطري لان هي تسمع كلام امها وامها هي سبب المصايب كلها هي اللي كانت تحفر بين زوجي وبين بنتها لانها تكره ام زوجي..انتوا شنو تشورون علي ؟؟
انا كلمني زوجي وقال انه يفكر ان يبين لها ملحق خارجي ويحذفها فيه بس عشان عياله وانه ما يبي يشوف ويها خير شر..وانا اعرف زوجي صج صج يكرها فوق ما تتصورون..وتبون الصج انا ضامنه انه حتى مب يلمسها لان خلاص ما يدانيها ولا حتي يبي يكلمها هو بس يفكر عشان عياله..ام زوجي قالت حق زوجي خل زوجتك تكلمها يمكن تقدر تغيرها ..زوجي رافض الفكره وقال اصلا انا هي ما تهمني ولا ابيها واذا تغيرت تغيرت لنفسها مب لي انا خلاص ما ابيها ..انا ابي رايكم في الموضوع كله ..انا الصراحه كاسره خاطري والحين صار لها كم اسبوع تحذف الولد عندنا عشان تلين قلب زوجي بس زوجي خلاص كارها وتخيلو الولد لما نقوله بنوديك عن امك يصيح يقول هالبيت حلو ويقول اسمها ويقول انها مب حلوه..لان هي يوم كانت في بيت اهل زوجي كله تضربه وترفسه تخيلوا اذا تبيه ينام تضربه لين يصيح ويتعب وينام..ومرات تحذفه علي زوجي وتنام ويتم معاه زوجي للفجر..انا محتاره من الموضوع كله..مب عارفه احس اني ضعت…شورو علي..واسفه على الاطاله

و الله اختي انتي طحتي على كنز فماله داعي اتيبنها عندج عشان اتخرب بيتج و الله كل يوم بيصير عندكم فى البيت اصياه و هواش بتخلون الريال يطفش
اختي دوري على راحت ريلج ابركلج و خليها عنج ما بتحصلين من و رحها الا عوار الراس
و يامن شراله من حلله عله و اخرتها بتعج الولد لابو عشان تتفرغ لكم عشان اسود حياتكم
و السموحه

اعرف بس انا زوجي معور قلبي عشان ولده لان اذا طلقها مب يشوفه الا ساعتين يوم الخميس والجمعه هاي هو القانون..واللله مرات تدمع عينه لان خايف على عياله ويقول هذي مو كفوا تربي عيال..ما ابي اكون انا السبب في حرمانه من عياله

خلو اليهال بس ايون عندكم .. ولا هي كريهه احسبها بتسوي وايد مشاكل

هاي كلام زوجي لان اصلا اهله كارهينها وهي اصلا ما تحبهم يعني هي في ملحق خارجي محد يدري عنها بس اليهال ياخذهم من عندها ويجيبهم للبيت

لا توافقين تسكن عندج حتى في ملحق …
ياختي ما تضمنين يمكن تسحب ريلج في أي وقت … دامها قدرت تكسر خاطرج فماستبعد تخليه يردها !! بتييبه بسوالف الدين كيف ترضى تسكني وانت مطلقني وعالاقل ردني عشان الناس ومن هالكلام المعروف …
وبعدين انتي تقولين انها خاينه !! كيف ترضين ادخلينها بيتج!! انتي تتخيلين شو تروم تسوي ؟؟
يا أميه ابتعدي عن القيل والقال وخلج لريلج والله يحفظكم لبعض أما عياله المحكمة تحدد وهو يقدر يكلمهم ويفهمهم الوضع يمكن الحضانه تكون له ……….
والله ايسر أمورج الغالية ..
ونصيحة أخيرة .. ترا الطيبة ما تنفع في هالزمن ….