يوم السبت جاء لزوجى اتصال من احد اصحابة وتحول نقاشهم الى نقاش حاااااد لسبب ما وكنت يالسة عدالة فى السيارة طالعين نتمشى ….
المهم عقب ماسكر المكالمة كان فى حالة اعصاب وقهر من ربيعة وحط حرته فى ونسى عمره ونازعنى على شى تافة جدا جدا
شوفوا شو سويت ……
تميت ساكتة واقوله يافلان الله يسامحك الموضوع مايستاهل تكبره ولاتحط حرتك فى انا ….امتص غضبه هذى الخطوة الاولى
الخطوة الثانية طبعا الرجل مايعبر عن خطأه للمرأة بأسلوب تأسف واعتذار ….سهلت عليه المهمة وقلت خلنا ننسا الى حصل واستانس لانه الرجل عموما ما يعرف كيف يعتذر …
الخطوة الثالثة حسسته بانه قلبى صااااااااافى وخليت عمرى عاادية جدا وزدت عليه من الدلال من حيث الاكل والمعاملة وكل شى . مع انه قلبى كان زعلان بس مع الوقت نسيت …حس بالذنب بشكل ماتتصورووونة
الخطوة الرابعة وهو مروح الدوام دخنت له السيارة ودخنت له ثيابه وحطيت له سندويشات فى السيارة مع الشاي و
طرشت له قصيدة شعر ….
أبي أكتب كلام وراسي على صدرك أضمك وأشمـك
أبي أقول كلام وراسي على صدرك أعشقك وأحبـك
ضمني حيل لصدرك واحكي لي حكايات خلني على صدرك أوزن الشطور والأبيات
خلني على صدرك أرسم أروع العبارات خلني على صدرك أعيش أحلى اللحظات
وراسي على صدرك ..
و أنا على صدرك حسيت بالهنا تصدق نسيت من أنت ومن أنا
ضمني حيل لصدرك نسيني العنا ضمني حيل لصدرك نسيني الونا
وراسي على صدرك ..
أبي أسمع نبضك وأبي أحس بالأمان
أبي تسقيني وترويني أنواع الحنان
وراسي على صدرك ..
كل شي في دنيتي من حبك هان
وراسي على صدرك ..
أهمس لك وأغني لك أحلى دان
وراسي على صدرك ..
أبي بحنانك تسقيني .. أبي من عطفك ترويني
أبي لصدرك تضمني .. وغير كذا أبد مايهمني
.. أحلى لحظات الحب يوم أضمك .. وراسي على صدرك ..
تتلاقى الأحضان وينقال أحلى الكــلام
ننسـى الأحزان ونعيش لحظات الغــرام
أنام طول الليل على حضنك وأصحى آخر الليل أبي صدرك
وبلهفتي أقول لك ماكفاني حضنك ضمني حيل حيل لصدرك
.. وراسي على صدرك ..
………
يعنى ياخواتى خذو رياييلكم بقلوب حنوووووونة
واحتوى زوجك وحبيبك علشان يحس انج الحنااان كله
الرجل عليه ضغووط واااايد ولازم الوحدة تصبر على عصبيتة وتمتص غضبة
الله يخليكم لرياييلكم ويخلى رياييلكم خقكم ولا يغيركم على بعض
وصبى عليه كوكتيل من الحب والحنان والدلع والانوثة وشوفوا النتيجة
وربي يهنيج يارب وياه
ماشاء الله عليج تقدرين تتحملين وايد انشاء الله نتعلم منج
يزااج الله كل خيير..
