زوجي والمنتديات

بنات بغيت أسئلكم إذا زوجك مشترك بمنتدى ..

منتدى محترم يعني ما عليه كلام لكن يوم تقوليله تبغين تشتركين معاه بنفس المنتدى

يعارض بدون سبب

مع أنه يكلم حريم بهذاك المنتدى ..

شو رايكم ممكن يكون السبب والمشكله انه يقضي وقت طويل معاهم

وخصوصا يوم هو بالشغل وعنده دوامات يبات فيها

وحد منكم تعاني من نفس المشلكه مثلي مع اني ادري بالنك نيم ماله

وهو يعرف اني مشتركه بهذا المنتدى أنا ما أشك فيه ولكن تدرون حريم غيورات..

لأن الأمر ما يخلى من مسابقات وسوالف حاله حال المنتديات يعني….

لا تحطين في بالج هالشي لأنج بتتعبين من التفكير فأحسن شي تجاهلي.. وخليه على راحته دام المنتدي اللي يدشه محترم مثل ما تقولين..
وإشغلي نفسج بالأستغفار وبمنتدانا الغالي

الصرااحة نصيحة من وحدة مجربة….لا تدخلين..وحاولي وياه إنه يبعد عن المنتديات المختلطة..
صدق…الصرااحة ما أعمم …هناكي مكسور الحجاز والأحترام بين الريال والحرمة…
وكلام..وتعارف..وضياع وقت..وما تضمنين بعضهن..يتراسلن وياه والايميل..وتراها النفس ضعيفة..
وأنا طرشت لج رسالة ع الخاص…إذا هو المنتدى اللي أطريه..تراه علوم وعلوم..
والله ما بتحصلين أفضل منتدى غير منتدانا..أحترام…وذوق..ومراقبة..وتذكير ونصايح..وخوات طيبات..
والله ييسر لليميع..

الرياييل فيهم وااايد تناقضات.. نفس ما قالت الأخت حب اللؤلؤ طنشي واستغفري وخلج في هالمنتدى الحلو

لا تحطين الموضوع في بالج
عاااادي

كل الموضوع انا الواحد ينحرج يوم حد يقرا سوالفه

خليه ع راحته حتى لو ريلج ترا بعد له خصوصياااته ><

خليه ع راااحته وخل عنج هالسوالف

انا ريلي امشارك في منتدى ودوم اقول له هالمنتدى مستويلي شرات العديله خليجية

اتعوذي من الشيطان ولاتخلين الشيطان يدخل مابينكم ..

احس عادي دام انه معلمج عن نك نيمه يعني كل شي مكشوف وهو مايباج تشتركين فالمنتدي يمكن لانه فيه ريايل ويمكن يعرف اعضاء من منتداه ربعه ولا شي فـــ عشان هالشي رافض انج تشتركين

انا اشوف هالموضوع عادي يعني دام انه معلمج بكل شي ليش تحاتين دخلي وشوفي شو كتاباته وخلاص

اترك تعليقاً

اترك تعليقاً إلغاء الرد