سؤاااااااال للمالجات؟؟؟؟؟؟!!!! ,,,, جاوبي و بكل صرااااحه >>> الملقوفات شاركونا بعد

السلام عليكم حبوبات^^
حبيت أعرف رايكم في شي و أبا تفاعلكم

أنا مالجه و حابه أخذ من خبراتكم فلا تبخلو عليي..<<< أدري انكم حبوبات و شطورات و بتجاوبو خخخ

شو رايكم باللي تصارح خطيبها عن مشاعرها اتجاهه و بعد اتصارحه بالأشياء اللي تظايجها منه
يعني مثلا : قلة اهتمامه فيها أو أي تصرف آخر … هل تعتقدو ان ها الشي يظايجه ؟

لأني أعرف ان الشباب بطبعهم يحبو الحريه و ما يحبو حد يقيد حريتهم و لهم اهتماماتهم الخاصه و بالنفس الوقت أعرف انهم شرات اليهال يحبو حد يهتم بهم و يسأل عنهم واذا اهملناهم و تغلينا عليهم شوي يزعلون و يتظايجون ….. بصراحه أنا احترت كيف أوفق بين هالمعلومتين

هل مرة انتي خضتي هالتجربه و صارحتي خطيبج بلي فقلبج ؟ و شو كانت النتيجه ؟ و هل ندمتي ولا لا؟

و السموحه عالإطاله ,,,,, بس بلييييييييييز أبا تفاعل

يللللا

مممممم..ما دري شقولج..

عادي صارحيه بس بطريقه غير مباشره..يعني مثلا..!!

((يا فلان حبيبتك تقول أن حبيبها يحبها و يموت فيها بس هي زعلانه منه شوي..ما يحسسها بأهتمامه الزايد…الخ جي يعني..))

ممممم انا اقول مب كل شي يعني عشان مرات ينحرج بس انتي عوديه على شي وترى مرات الريال يقلد حرمته فالتعامل^_^ عامليه شرات نا تحبين هو يعاملج

حبيبتي الرياييل مب كلهم واحد يعني انا ريلي وايد يقووولي خبريني شوو اللي يضايقج مني ولا تسكتين ولا تخلين شي في خاطرج بس انا احترت معاه انا من طبعي ما اتكلم دايما وايد اشيا اخليها في خاطري وانسى

ومرات يوم اقوله شو في خاطري يضااااااايق ويقلب السالفه علي ويتم هو الزعلان وفي الآخر انا اللي اراضييه

بس انصحج انج ما تعودينه ان تخلين شي في خاطرج لانهم هم ما يخلون شي في خاطرهم بس طبعا بطريقتج واسلوبج الحلووو

اممم انا يقولي شو لي يضايقج مني بس انا بطبعي ما اقول هالشي مضايقني ولا امزعلني في نفس الوقت لا اقوله في وقت ثاني يوم تهدا النفوس ع قولتهم و وقت يكون رايق و يتقبل الكلام لي بقوله بصدر رحب ^^

واذا عن الاهتمام في مليون طريقه و طريقه اتبينن له طبعا بشكل غير مباشر

حتى لو من خلال مسج ,, هديه ,, او كلام في التيلفون > خاصه لو اخر الليل هع هالوقت يتقبلون اي شي صدقيني بس بأسلووب يسحـر

و السموحه

حبيبتي كوني طبييييييييييعيه اعطيه من الحب ما تتمنين ان يعطيج اياه وحبيه بحدود وثقل ولا تجعلي زوجج همج الاول وتنتظري انه يغرقج بالعواطف والحب كوني مستقله عاطفيا حبي نفسج ودلعيها ولا تنتظرينه يدلعج ، انا فبداية الملجه كنت مندفعه بعواطفي وااااااايد تجاهه وحسيت مع مرور الوقت بديت امل من اندفاعي فندمت لازم تعطيه من الحب على جرعات وتتثاقلين شوي وتعطيه الفرصه انه هو يدلعج فقمت اخفف اتصالاتي وانشغل بنفسي وادلعها ما انتظر الدلال منه وبتلاحظين ان هو اللي بيدلعج فستنتجت شيئين
– الريال يحب زوجته تعطيه الحب وتكون ثقيله يعني مب متلهفه عليه جنها ما صدقت اتزوجت
– يحبج تكونين انثى بمعنى الكلمه من الصوت الناعم والدلع والتغنج يعني تكونين نبع من الانوثه جدامه
واهم نقطه انج لا تجعلين زوجج كل حياتج بل اضافه جديده حلوه فلا تدفنين نفسج لارضاءه ولكن حبي نفسج فالبدايه ودلعيها لان نفسج هي اهم شي فحياتج وبعدها بتلاحظين اللي حواليج يهتمون فيج

قاعده مهمه " اذا ما حبيتي نفسج ودلعتيلها لا تنتظرين من الغير انهم يحبونج ويدلعونج فنفسج لها اكبر حق فحياتج بعد حق ربج ثم حقوق اللي لهم حق عليج

مادري ان شاء الله تستفيدين من هالكلام مع اني احسه مب مرتب …..مع تمنياتي لج بحياااااااااه زوجيه سعيده

ربي يوفقج ان شاء الله