سؤال بخصوص خلع ضرس العقل ضرووووووووري تدشون

السلام عليكم

بنات انا بختصر الموضوع والكلام … انا ضروس العقل رايحات فيها بصراحه مسوسات من الخاااااااطر واسناني الباقيه سليمه الحمدلله ولا مره جلعت ضروسي والا حشيتهم .. مب مجربه ها السواااالف … وانا خواااااااااااااااااااااااافه … من اطيح على الكرسي اغير راييي واقوللهم بييكم مره ثانيه واشرد خخخخخخخخخخ ما اتخيل يحطون السكروب مالهم …. وبنفس الوقت اثنينه يبالهم جلاع مسببلي الم فضيع … طبعا الفوقيات مش التحتيات … بس ابغيكن تطمنوني كم ياخذ لين ما ينجلع وتحسون بألام وقت الجلع والا لا ……كله اخاف ما يبنجوني عدل ويعورني ومنو احسن بالجلاع الحرمه والا الريال لاني بروح لحرمه استحي من الريال …

اتريا ردودكم بتفيدوني ويمكن باجر افيدكم ما تعلمون …

الغالية أنا تخصصي طب أسنان ..وبطمنج انه في نوعية من أضراس العقل سهلين في الجلع…من الأشعة يقدر يقرر الدكتور هذا الشي…خذي أشعة للأضراس وخلي الدكتور أو الدكتورة يشرحولج إذا سهل خلعو ولا لا ؟؟ ويطمنونج وأنا أنصحج بخلعهم لانهن ممكن يسببولج صداع والم في الأذن …وممكن بعد يسببولج التهاب اللثة …ومثل ما قلتلج أغلب أضراس العقل سهل خلعهم الا في الحالات النادرة …طنيني عليج

تسلمييييييييييييين الشيخه وما قصرتي …
هم سهلين بس انا با النسبه لي مب سهلين .. وسواس عافانا الله

اختي نصيحتي لج طبعا انج تخلعينهم وتفتكين ..

صح يعور بس شوي بيخلعه وبترتاحين عقب ..

لان لو خليتيهم احتمال يتسوسون اللي حذالهم ..

السموحة

لا فديتج لا تحاتين
عيل انا جلعوا لي الضروس بجراحه!! هههههه لانه الفج عندي صغير والضرس طلع تحت!!
وسببوا لي ويع قوي فالأذن ومن شليتهم ارتحت،، لا تحاتين تراج مبنجه وما بتحسين بشي
وعقبها صح خدي ورم وصار شكلي غلط هههه والناس عبالها فيني خازباز
بس الحمدلله بعد 5 ايام كل شي رد طبيعي…

في خوف شويه بس تبين لصدق انا جلعت ضرسين اول واحد ماحسيت بولا شي والثاني تميت اسبوع مب رايمه آآكل شي يعني على حسب الضرس بس فالجلع مافي ألم ولا تحسين بشي واتوكلي على الله لانهم بيلعوزوونج عقب

لوول انا جلعت ضرس العقل
اول شئ ضربوني ابرة [ بنج ] عاللثة وصوب الضرس
وعقب يابوو البكر مالتهم وجلعوو الضرس لووول
ماحسيت بألم اول اسبوع بتحسين بالم وعقب بيخوز .