هلا خواتي هاذي أول مشاركة لي بالمنتدى و اتمنى منكم الدعاء و النصيحة ,,,
مشكلتي أني انخطبت و الناس ملزمين ايون يوم السبت ,, بس أنا احس عمري اني مش مستعده و اني
رافضة الفكرة بالأساس , أحس اني مب قد ها المسؤولية و شخصيتي ضعيفة و ما أقدر أرفض للعلم أني رفضت أكثر من مره و ر فيجاتي نصحوني ان هب زين لج ترفضين بدون سبب , و أنا عمري 24 سنة و متوترة أحس اني ما قادرة أرقد من التفكير, و في نفس الوقت راح استخير بس يصير اني أستخير و انا اصلا رافضة الفكرة بالاساس.و سبب رفضي أني ما اقدر اشيل ها المسؤولية يعني شخصيتي واايد ضعيفة و ما أعرف كيف أصرف بالمواقف, يعني أكثر اعتمادي على أهلي , حتى بأبسط الاشياء , يعني مافي انسان راح يتحمل ها الشي و الزواج مسؤولية وااايد كبيرة. خواتي اتمنى منكم النصيحة و الدعاء ان الله يسر أموري .للعلم اني قدمت في أكثر من مكان للوظيفة لكن ما ردو علي خبر.
غاليتي 
لا يغير الله ما بقوم حتى يغيروا ما بأنفسهـم ^_^
دامج انتي عارفـة مكان الخلل والضعف فيج
ليش ما تحلينـه
لين متى أختي بتمين ترفضين العرسان !
ترى الزواج سنة الحياة
واذا جاءكم من ترضون دينه وخلقـه فزوجوه
وبعد ما ترفضين عدد معين من العرسان بيقلون أختي
لإن أي حد يبغى يتقدم لج بيقول انها ما بتوافق ويغير رايه ..
أختي في وايد دورات تقوي من شخصية الإنسان
ووايـــــــــد كتب لتطوير الذات
التغيير مب مستحيل
ومع الإرادة كل شي ممكــن
ابدئي أختي التغيير في نفسج لنفسج قبل اي شي ^_^
لإن الناس الي حولـج الحين أختي مب ملكـج
الناس ملك رب العالمين
ويقدر في أي لحظـة ياخذهم واتمين بروحـج شو بتسوين ؟
لا سمح الله ما أتفايل على حد لكن الموت حق ,,
ومب بس الموت يمكن ينشغلون عنج وتييهم اشياء تلهيهم
فلازم انتي كإنسانـة أختي ومكلفـة تعمرين في الأرض
وعندج رسالـة سامية اسمها الاسلام
ترقي من شخصيتج وتنمي نفسج لما يسمو لأمانـة الاسلام الي فأعناقنا ^_*
خليج نعمة القدوة لأخواتج بالدين
بشخصيتـج المحبوبـة المثقـفة وأهم شي النامية
وحتى لو عندج تردد الغالية
أنصحج تستخيرين وتتوكلين على الله
وما خاب من استخار ^_^
وما خاب من استخار
يمكن بعد الاستخاره رايج يتغير
الله يوفقج اختيه
وعقب تتندمين
خليهم ايون
وشوفي نصيبج
والخوف وااارد .. لانهاا نقله بحيااتج وحيااه يديدة
لكن الرفض بدون استخاارة بيكون ظلم للرياال ولج انتي حبوبه
اللله يسعدج ويجدم لج الي فيه الخير عنووني