,, سؤال للزوجه الثانيه و السموحه من الأولى ,,

هلا خواتي …

بغيت أسأل الزوجات الي تزوجوا واحد متزوج و حرمته مازالت على ذمته و عنده عيال..

كيف علاقتج مع حرمته الأولى؟؟ هل تفضلين إنكم تكونون ببيت واحد ؟؟ زيارات بينكم؟ علاقتج مع أولاده؟ هل صادف و شفتيها؟؟ كيف تكونين بالعزايم العائليه الي تخص أهل زوجج بوجودها؟؟

انا من وجهة نظير ان البعد احسن شي لان لابد من وجود الغيره بين الطرفين واذا كانو في بيت واحد اكيد بيكون في مشاكل لو باسباب تافه والكل ما بيكون مرتاح حتى الريال ما بيكون مرتاح وبالنسبة للعيال انا اشوف ان مالهم ذنب بالا يصير بين الامهات ولابد ان العيال يتعلمون الحب والاحترام والتعاون بينهم لو ان الامهات مب متصافيات ….. وبالنسبة للزيارات مب حلوووه تروح من دون عزيمة ولو انعزمت وهذا نادراً ولو عزموها واصرو ناوين فيها نيه شينه ؟؟؟؟ ولو سارت بعد بتكون مشكلة لان الانظار بتكون ع الحرمة الثانية والاهتمام بيكون للزوجة الاولي وصدق هذيج الساعة بتموت من القهر واحتمال الحريم بتعمدون يعقون عليها كلام مب زين ومحرج وجارح ….. الا اذا زيارة ام الزوج اذا كانت راضيه بعد ع زواجه …… انا اشوف البعد افضل وسيلة اكيد الزوجة الثانية الها حياتها وعلاقاتها وزيارات الخاصة فتعيش حياتها بروحها

انا اشوف البعد افضل وسيلة اكيد الزوجة الثانية الها حياتها وعلاقاتها وزيارات الخاصة فتعيش حياتها بروحها

للرفع

أنا بعيدة عنها لأن مشاكلها وايد مع زوجي …

فيما يخص العيال أنا ما عندي عيال للحين وبالنسبة لعيالها أنا اشتري لهم هدايا بين فترة وفترة وأظهرهم ويانا انا وابوهم احيانا بس ريلي ما يحب اقول اي شيء عن عياله حتى لو كان مدح فيهم احسه يزعل

مرة شفت ولده المغرب يلعب في السيكل ع الشارع العام ويووم ييت ارمس الولد شرد عني .. خبرت الابو وهو احتشر على ام العيال وعقب طلعوني انا غلطانة فتبت ارمس عن عياله او اظهرهم ويايه

بالنسبة للعزايم انا حضوري طاغي اصلا لأن اهل ريلي موب اصلاح مع ام عياله من زمااااان