سؤال للمتزوجات شو نلبس جدام ازواجنا واليهال والخدامة موجودين ؟؟

السلام عليكم ورحمة الله وبركاته .

خواتي الفاضلات ..

اسأل الله ان تكونون بخير جميعاً.

عندي سؤال : للمتزوجات فقط : جزاكم الله خير ..

اي وحدة متزوجة وعندها خادمة سواء كانت مسلمة او غيره مسلمة …

شو تلبسين في البيت جدام زوجج والخدامه عندج واليهال ..

يعني تاخذون راحتكم والا كيف ؟

يعني كشختكم لأن حدود تكون ؟؟ عشان ما ندخل بالحرام او المكروه ؟.؟

لان مثلما انتو عارفين جدام الخدامة واليهال لازم نلبس ولكن بحدود ..

ومهما كان اكيد شي عورة المرأة للمرأة ..

لأن اليهال حتى من عمر سنتين يعرفون ماشاء الله عليهم ..

عندي بنت وحدة من معارفنا تقول لأمها وهي لابسة قصير .. تقول لها : .. تقول لي : عيب :

وحتى ولد وحده اعرفها نفس الشي يقول لها : عيب .. وهو عمره ماشاء الله سنة ونص ..

ويتمون يطالعون ..

يعني بصراحة وبإختصار ومن الآخر :/

شو الوحدة تلبس جدام زوجها والخدامه واليهال موجودين ..

يعني اكيد مب دوم جلابيات وطويل .. !!!

اكيد لازم تغيير .

ممكن خبراتكم .. بشكل عام .. وجزاكم الله خير .

يااااااااااااااربي هالسؤال من يومين في بالي قلت بسال البنات
انا كله جلابيااااااات من يوم يبت الخدامه ومطبخي داخلي وعندي طباخ بعد يعني لازم شيله ومحجبه 24 ساعه لاااااااااااااعت جبدي

الحينه بطلع المطبخ بس شسوي قدام اليهال والخدامه ؟؟حتى بنطلون مااروم البس عيالي يعلقووووون وايد

انا شيلتي الشمد 24 ساعة لبستنها
مااعقها الاوقت الصلاة والرقاد

لاني عايشة مع اهل ريلي وحمياني في البيت

انا شيلتي الشمد 24 ساعة لبستنها
مااعقها الاوقت الصلاة والرقاد

لاني عايشة مع اهل ريلي وحمياني في البيت

يا مرحبا بج اختي سوارة نورتي بمواضيعي كلها يوم ترفعينها ماشاء الله عليج ويجزيج ربي خير .. سباقة بالخير ونحن مقصرين

بصراحة بيني وبينج … حاسة فيج لعوزة وايد .. طباخ في البيت !!

ما زلت أتريا راي باقي الاخوات ..

ليش هذا كله أنا كل شي بجامات جلابيات عاديه وفخمه ودنتيلات مرات مخاوير المهم محترم وماداني الشمد موول جان شيل ملونه وقمبوعه في البيت بس طبع وشغغيل مالي مالهم خص يوم اكون فوق مب بعد المغرب خلاص خلص شغلهم يتمون تحت وسك باب الصاله والبس الي على كيفي

هلا الغالية . ماشاء الله عليج .. نعم صدقتي .. اخوان الزوج .. مشكلة . لازم نلبس بحدود ترضي الله بارك الله فيج

بس بعد في اوقات لازم الوحدة تكشخ لزوجها … نبا طرق نتريا راي الاخوات