ارجوكم ساعدوني
اول شي انتي تعرفين انه الجو متغير ارف استغفر الله وو منتشره الامراض مثل البلاعم وايد الحينه سويلها زعتر هاااا الشي اللي بس يفيد عيالي يوم اتييهم الكحه والبلاعيم ا سقيهم جاي زعتر واااااايد يفيد خليه بالدله وكل شوي عطيها
مممم عن الادوييه جوفي لاتاخذين راي اي احد يمكن مثلا ولدي يفيده دوا لبنتج بيكون ما يناسبها حسب ترااا ومعظم الادكاتره يعتمدون ع المضداات الحيويه انا ولدي عنده كحه من كم يوم غامضني اعطيه المضاد بسهم حرام جيه فكل يوم اعطيه زعتر او مشروب حار الحمد لله بعد لو بنتج عندها اللوز نازله ييعني تلاحظين انتفاخها عندي لج حل الحمد لله واااااايد مفيد خخخخخخخ حسيتني طبيبه اعشااب هه اللي هوه تذوبين مره بماي حار قليييييييل وايد خليه يذوب ومن عقب اخلطي وياه الفكس وادهنيه فيه رقبتها يوم ترقد عسب ما تضايج منه الحمد لله وايد يفيد
خخخخخ انا احاول ابتعد قدر الامكان عن الادويه عنبو كل يوم ظهر لنا شي يضر عيالنا ويضرنا خليها عل الاعشاب ع الاقل تضمنين انه لو ما فاده ما بيضره
الغاليه ودني لها كمن كسره لبان عربي في غرشه مسافي صغيره
+شوية كركم نثى بتلقينه عند الايرانيه شكله مدور بس لازم تطحنينه
وشي دوى اسمه صدوري عن الايرانيه وايد زين
سالفة الزعتر و اللبان و الكركم طبعا سبقوني فيها الاخوات..
بس نصيحتي أهم شي كل شوي تعطينها ماي لأن الكحه تسبب جفاف و تلاحظينها ذابله و مصفره..
ثاني شي قومي الحين بسرعه افرمي حبة بصل كبيرة في ملة شوربة و غطيها كامل بالعسل.. خليها 3 ساعات و اصفيها بالشاش أو المشخله.. عطيها من العسل 3 مرات يوميا.. و الله عن تجربه واااااايد مفيد و يطرد البلغم..
ثاني شي قبل ما ترقد.. سخني قشرة البصل و حطيها على صدرها من فوق الفانيله و لفيه بالشاش على بطنها و ظهرها عشان ما يطيح و هي راقدة.. يريح الصدر.. و ما فيه ريحه..
و إذا ما حبيتي البصل.. عطيها خاشوقة عسل و ذوبي فيها شوية كركم..
و اقري لها المعوذات و ادعية المريض في ماي زمزم..
ثالث شي افركي قاعة ريلها بفكس و لبسيها زلاق و خليها ترقد فيه..
والله عن تجربة و كان ولدي فيه حساسية و ما فادته غير هالطرق..
و الله يعافيها..
المشاركة الأصلية كتبت بواسطة أم خالد 75 
سالفة الزعتر و اللبان و الكركم طبعا سبقوني فيها الاخوات..
بس نصيحتي أهم شي كل شوي تعطينها ماي لأن الكحه تسبب جفاف و تلاحظينها ذابله و مصفره..
ثاني شي قومي الحين بسرعه افرمي حبة بصل كبيرة في ملة شوربة و غطيها كامل بالعسل.. خليها 3 ساعات و اصفيها بالشاش أو المشخله.. عطيها من العسل 3 مرات يوميا.. و الله عن تجربه واااااايد مفيد و يطرد البلغم..
ثاني شي قبل ما ترقد.. سخني قشرة البصل و حطيها على صدرها من فوق الفانيله و لفيه بالشاش على بطنها و ظهرها عشان ما يطيح و هي راقدة.. يريح الصدر.. و ما فيه ريحه..
و إذا ما حبيتي البصل.. عطيها خاشوقة عسل و ذوبي فيها شوية كركم..
و اقري لها المعوذات و ادعية المريض في ماي زمزم..
ثالث شي افركي قاعة ريلها بفكس و لبسيها زلاق و خليها ترقد فيه..
والله عن تجربة و كان ولدي فيه حساسية و ما فادته غير هالطرق..
و الله يعافيها..
ماقرتي كفيتي ووفيتي
أحب اضيف
جلسيها فمكان دافي وشربيها ماي دافي على شوي شوي
الزعتر ممتاز مع طريقة العسل اللي فوق
وماتشوف شر