ساعدوني في الافكار بليييز

:
اخواتي العزيزات ابى مساعدتكم ويايه في الافكار كل وحده تكتب كيف اتحبب ولدها للمدرسه واتخليه من نفسه ايقول ابى اروح المدرسه انا مشكلتي مع ولدي مايحب ايسير المدرسه وهو في اول ابتدائي تعبت وانا اشتري له هدايا وبعده مايحب المدرسه
كل وحده اتحط تجربتها ويا اعيالها . وارفعولي الموضوع لانه مهم
واشكركم واتريا التفاعل

وين الزوار ماشي جذب للعنوان

مرحبا اختي..
حاولي اتقولينه انك بتحصل اصدقاء تلعب معاهم..
مثلا اذا المدرسه في نشاطات مثل السباحه شجعيه فيه..
اذكريله الاشياء اللي في المدرسه(على حسب المدرسه)..
وحطيله استكر الشخصيات اللي يحبها في الكتب ..
حاولي وقت الدراسه ان تتبعين اسلوب محبب له مثل لعبة الالغاز طبعا على حسب الدرس واتيبيله صور..
لاتضغطين واايد عليه في الدراسه لانه بيكرها..
ولازم تعرفين مع منو يلعب ويدرس احتمال حد يضربه هذا اذا كان ولدج مايقولج بشي شو سوي في المدرسه(حاولي انه يقولج بكل الامور اللي يسويه).
وقولي له شو اللي مايعجبك فيه وحاولي تعرفين الشو المحبب له..
وانشالله افتدج..

للرررررررررفع

رمسي مدرسته شوفي هو كيف في الصف وفي البريك؟؟ يمكن بس الصبح يكون مزاجه مب رايق بعدين هو توه صف اول يعني توه طالع من ال كي جي احس طبيعي ما يحب المدرسه لنه ما يبا يبتعد عنج اصبري عليه شوي لين يتعرف على الاولاد وروحه بينطلق خخخخ…انا من راي لا تعودينه يحصل هدايا لنه سار المدرسه خليه يحصل هديه لنه سمع الكلام او المدرسة قالت انه شاطر جي يعني

والله هاي مشكله عوووووووودة ما عرفنا لها حل

اعتقد هو يعتمد على الياهل نفسة اذا كان اجتماعي او لا

اما انج تعطينه كل يوم يسير المدرسة هدية فهذا غلط لانه بيمل من الهديا وما راح تكون دافع له

اللله يعيييييييييينك
انا ولدي اذا غاب اخليييييه يمل ويزهق اشيل عنه التلفزيون اقصد السلك والبلاي ستيشن والالعاب واروح انام الصبح واخليه يطفش ويتووووب يغيييب كم يووم