ماعرف كيف اقول مشكلتي بحاول اختصر قدر المستطاع
كنت ادرس بالجامعة وكنت ادش الماسنجر وفي يوم تعرفت على واحد هالواحد كان يوقف جنبي دايما خاصة يوم اييب درجة مب زينه ييلس يهديني وجي المهم اطورت العلاقة للتلفون(ماعرف كيف ضعفت ..استغفر الله) المهم علاقتنا ماكانت تتعدى الاخوة وبسسسسسسسس ويا اليوم اللي نتفارق فيه وكل واحد يروح بطريجه وفعلا انا عرست وهو مادري شو صار عليه .. المهم اكيد تبون تعرفون المشكلة … المشكلة انه قام يطرش لي مسجات بين فترة وفترة .. مسجات عن الجمعة يعني مباركةة ..الخ .. واخر مسج طرشه فيه اغنية .. ماعرف شو اسوي .!! اطرشله اقوله اني معرسة واحب ريلي والله مادري شو اسوي ..انصحوني وجزاكم الله خير
ملاحظة: رجاء لكل وحده بترد من غير تجريح لانكم تعرفون ان كل انسان عنده نقطة ضعف ويمر بلحظة ضعف ..
وبعدين عرف ولا ما اعرف يكون احسن لو ماعرف
غيري رقمج ولو ما تبين تغيرين رقمج قولي له انج عرستي وانتهى الموضوع
اولا يسعدني اني اكون اول وحده ترد على موضوعج …………..
ثانيا مبروووووووووك عالعرس
ثالثا ….غيري رقم تلفونج وانسي الماضي من غير تفكير او توتر ,,,,,,,,,,,,,مايحتاي اتيهين او تتوترين ……….الموضوع خالص ومايباله اي نوع من الحلول الثانيه ……………ومايحتاي اشرح لج انه في هالسوالف خراب بيوت ودمار لاساس العلاقه …………..انسيه وانسي انج في يوم من الايام كنتي على علاقه دام الله ستر عليج ووفقج مع ريال صالح يحبج وتحبينه
واسمحيلي اذا في كلامي نوع من التجريح او الاساءه واتمنا عزيزتي اني فدتج
وماعليك سوى تخلص من هذا الرقم
وشراء شريحه جديده, ولا إنصحك
بالرد عليه تعتبر خيانه بحق زوجك
ونفسك ولست مظطره لشرح ظروفك له
فكرت بتغيير الرقم
بس في ظرف يخليني ما غيره
وعلى فكرة هو يعرف اني معرسة
ابا حل ثاني !!!!!!!!!!!!!
والله لووو في ظرووف الدنيا كلهااا …المهم ما أييب لعمري المشاكل …
ما في حل ثاني غير هالحل ؟؟؟؟
لانه بهالحل بتكون نهايه المشكله …
والسمووحه
بيتك اغلى من كل الظروف الرجل يعلم انك متزوجه وهو مصر
على ملاحقتك لن تجدي حل افضل من تغيير رقمك وإن ردت
تجاهليه ولا تردي على المسجات إمسحيها حالما تصلك