ساعدوني ّ !! وربي كرهت الدنيا بسبة هالكليه ><

بغيت منكن نصايح وارشادات علا وعسى ربي يفرج هميييي ،,

بنات انا طالبة فالكليه ،, وهالسمستر انجبرت اني احول من كلية بوظبي لـ كلية العين
لان تحولنا للعين

يعني من بداية الستمستر وانا هب مرتاحه في كلاسي لان بنات يداد عليه
وكل شي غيييييييييييير

انا من النوع اذا سرت عند ناس ومب وياهم وايد اتم ساكته
وما اروم اسووووووولف استحي وايد

مب سالفة مستحى احس ماعندي الجرائه اني ارمس او افتح سالفه
وبنات كلاسي كلهم ربع ويا بعض سوالف وضحك
الا انا بروحيي اتم ساكتتتتته

واذا جفتهن متيمعات ويسولف اسير وايلس بروحي احس ما اقدر اسولف وياهن
مادري هل مستحى او ان ماعندي جرائئئئئه

وماحب بعد اني اشارك فالكلاس مع اني مرات اكون اعرف الجواب بس استحي يككون غلط والبنات يعلقون عليه >< لان بنات كلاسي وايد يعلقووووووون مادري ليش جي سخيفات

احس عمري وحيده ماعرف حد فالكلاس ابداااااااااااا

ثاني شي ،, مستواي وايد قل ماعرف ليش درجات استوت داون
كل امتحان ارسب فيه او ايب ع الحففففففففففففففه

والله تعبت نفسيا ،’

انا وايد ضعيفه فالانقلش ،, احس عمري مابنجح هالكورس بسبة هالماده
كل حد يقولي دربي عمرج ،’ بس كيف ادرب عمري ماعرف كيف اذاكر

يعني نحن نمتحن رايتنق وريدنق ولسننق

انا فالرايتنق توب اعرف اعبر واكتب والحمد الله

بس مشكلتي الريدنق واللسننق ،’ كيف ادرب عمري فيه واحسن مستواي ؟؟؟؟؟؟؟؟؟
لان اسئلة الامتحان ماتكون موجوووووووده فالكتاب يعني يعتمد على مستواج كيف
وسرعتج فاللسننق انا مشكلتي ما استوعب بسرعه فاللسننق > شو اسوي
وكيف احسن عمري في مستواي خاصه في مادة الانقلش

والله خايفه ارسب هالكورس >< بليييييييييز عطوني حل في مشاكليييي ><

ودعواتكن ،

الله يعينج حاسه فيج ><"
قبل كنت وااايد أعاني من هالمشكله ، يوم أدخل كلاس و ماعرف حد فيه
أتم طول الوقت صاخه و حتى اجابات فالدرووس ما أجاوب لو اني أعرف الجواب و جيه
بس أستحي و ما احب أشارك ف أي شي
و نفس الحالة نزلت درجاتي ..

بس ما تميت جيه ، قمت أعود عمري لازم أشل نفسي من هالحالة اللي يالسه فيها
أتعرف على وحده و أبدا أسولف وياها و حبة حبة نبدا نقرقر رباعه و نقزر وقت رباعة ^^
و جيه بديت أحس بعمري شوي أحسن عن قبل
ما أقولج ان هالشي عزيزتي صار بسرعة لأ .. شوي شوي
بس خلاف خلاص صار الموضوع طبيعي .. يعني لو أدخل كلاس و ماعرف فيه حد
ما أحس برهبة و مستحى مثل قبل =)
لا عاادي .. صح أتم صاخه و جيه .. بس عادي أشارك فالكلاس و خلافها أبدا
أسولف مع البنات لين نندمج رباعة

صدقيني يختي الموضوع ما بينحل الا اذا بديتي جيه .. رابعي اي وحده ممكن تحسين عمرج
انج بتتوالفين وياها .. أكيد الا ما تلاقين وحده تحسين عمرج أوكي وياها
أو حتى لو برا الكلاس .. الغلا مب شرط ترابعين وحده داخل الكلاس ..
يمكن تتلاقين ويا وحدة فالكانتين أو شي جيه .. ابدن سوالف و ها .. و خلاف الموضوع بيصير ايزي والله

غير جيه حبي ، انتي من نفسج لا تزيدين ععمرج .. =)
حاولي تكونين ريلاكس .. ابدي يومج بابتسامة و تفاؤل .. لا تعبسين و تتشائمين من هالموضوع
و انتي سايرة الداوم .. لا خلج العكس .. متفائلة و سايره بنفسيه حلووه .. صدقيني هالشي بعد
واااايد مفيد لحالتج =)

أما بلنسبه للمذاكر غلايه .. نصيحة للريدنق .. اقري جرايد .. بالانجليزي .. حتى لو ما فهمتي وايد مفردات
بس والله .. مع الوقت بتتعودين عالقرايه الصعبه و الكلمات بتكرر عليج و بتفهمينها و بتعرفين جيف
يبالج تستخدمينها .. و قراية الكتب و الجرايد من أفضل النشاطات عشان تقوين انجليزيتج ..

غير جيه .. تابعي برامج بالانجليزي .. عشان يصير اللسنق عندج أفضل .. حاولي انج ما تقرين الترجمه
.. لا اسمعيهم و فكري بسرعة في نفسج شو قالوا ؟؟؟ و خلافها سيده اقري الترجمه اللي ظهرت
عن اللي قولونه .. صح ولا غلط ؟؟؟

جيه بتعودين عمرج … عاللسنق و استيعاب اللي ينقال بدون ما تقرين ترجمته =)

خلج واثقه من نفسج و اتوكلي على الله الغلا ، و اذكريه و استغفري
هو ما بينساج .. بيقويج و بيساعدج في محنتج

اختي مياري ماقصرت جزاها الله خير

انت ماتقدرين تغيرين الي حوليج

الي عليج انج تتاقلمين مع الوضع

وسالفة المستحى الزايد حاولي انج تشاركين في فعاليات اكثر وااااااايد بتفيدج

عموما في دورة للمدرب خالد الصغير ب 1500 ريال سعودي او درهم شي جي

عشان يساعدج تطلعين من هالجو الحيائي احم

ممكن تفيدج مادري

لو حبيتي بطرشلج تفاصيلها مافييه يقولون دعاية خخخخخخخ

حياتي لو ما ارتحتي نفسيا ف الكلاس .. ما بيرتفع مستواج ..ولو تميتي اتقولين انا ضعيفه فالانجلش وبرسب .. صدق بترسبين .

خوزي هالافكار من بالج .. وشدي حيلج ..

واتقربي من بنت معيّنه فالكلاس . ومن خلالها لتتقربين من الكل

واكيد يسوون لكم قروبات … استغلي القروبات للتعارف

واذا علقوو .. علقي انتي بعد ..لا اتمين ساكته .. ولا بيقولون بنت بوظبي خقاقه *_^ خخخ

لو تميتي على هالحال ..