ساعدوها

شحالكن بنات ؟!

اليوم ربيعتي مضايجه وايد وكله تصيح تقول ان خطيبها ما يرمسها مول هاليومين واسلوبه مب شي
هي كتبتلي كل شي وانا بنقله لكم اتمنى انكم تساعدوونها او اطمنونها

…

حياتي من يومين تحولت 180 درجه ماعرف من وين ابدى انا مخطوبه صارلي 7 شهور والريال ماعليه كلام
محترم ومؤدب ويحبني وانا بعد احبه زواجها صار عن طريق الاهل فالبدايه هو كان مب متقبلني لانه كان يحب
وحده من بنات يرانهم واهله رفضو زواجه منها وصارت مشاكل وايد وعقب لما دروا اهلها بالموضوع زوجوها
ولد عمها خطيبي تم زعلان ومايكلم اهله وامه كلمة عمتي عشان تسالني اذا بوافق عليه والا لا لان انا يتيمه
وعمتي دوم معانا فالبيت لان بيتها عدالنا وهي اللي مربتنا بعد المرحومين انا صليت استخاره 3 مرات اول مرتين
ماحسيت بشي بس فالثالثه حسيت براحه بس مب وايد راحه وقلق وياها وقالولي خلاص بنكلمهم اييون
بعد اسبوع هو كان راجع من العمره مع ولد عمه ويوم وصل البيت امه خبرته وسوالهم سالفه وضرابه
وفالاخير اقتنع انه بس يروح بس شرط عليهم انه يشوفني ويتكلم معاي وامه خبرت عمتي وعمتي شاورت
اخواني وقالو مب مشكله بس اول بنقعد معاه وبنشوف شو اللي لنا واللي علينا يو المغرب وانا ماطلعت
بعدين عمتي اصرت اني اطلع مع اختي عشان ما انحرج وسلمت على امه ويلست وتمت تسولف
عقب قالولي بيدش وامه موجوده وعمتي بعد وطول الوقت ماصار شي وعقب روحو والفليل عمتي
قالت ان الريال بياكلني من عيونه ومركز علي حتى امه استحت من حركته وسكتت وعلى هالشي
بعد اسبوعين ملجنا واصر انه يطلعلي رقم وفون بس يكون رقمه الوحيد الموجود فيه عشان اكلمه
قلت اوك وخذت الفون وقمنا نسولف وكل مره يقولي انتي قمر ومافي شبيه لج ويحب وايد يناديني باسمي
وانا تعلقت فيه وايد لانه حنون ويفهمني لما اكون مضايجه او زعلانه ويطلعني من الحاله اللي اكون فيها
كان مرمس اخوي عشان يعشيني برع بس اخوي رفض وتم ع رفضه لين قبل شهر ونص وعقب وافق
دقلي وقالي زهبي عمرج الخميس بنروح دبي وبنرجع وانا بييبلج لبس طبعا استغربت واستحيت اقول
لحد انه بييبلي لبس قلت يمكن هو يايبلي هديه ويباني البسه وطوفت الموضوع وياني المغرب وياب معاه
3 دريسات راقيه وقالي اختاري واحد ولبسيه طبعا عمتي عصبت وقالت شو ها صح انهن مسترات بس
الحركه منه مب حلوه وسويت اللي يباه ولبست وتعدلت وطلعنا وفالطريج قالي انا متاكد انج بتلبسين
هالفستان لانج ولا مره لبستيه ضحكت وقلتله حتى الباقين مالبستهم وتم يضحك ومبين عليه متوتر
عقب وداني صوب بيوت واستغربت قالي لا تخافين هذا بيتنا بس ابا اراويج اياه قلت اوك وانا خايفه ومرعوبه
دشينا وسولفنا وقالي تذكرين حبيبتي يوم كنا نيي كل خميس هني استغربت من كلامه وقلتله انا متى ييت
عصب وقال ماشي ماشي وقالي يلا بنرجع ورجعنا وكلامه بعده فراسي وقلت بسكت فتره عقب بساله
السبت كنت راجعه من العياده وكنت اسولف معاه وبالمره سالته ليش قلتلي هالكلام تم ساكت وسكر فويهي
استغربت شوي ورجع دقلي قالي بقولج شي وانتي اكيد بتتفهمين الموضوع قالي انه كان ولازال يحب بنت
يرانهم وماكان موافق على زواجنا بس لما شافني استانس لاني كنت اشبهها حتى اسمي نفس اسمها
وكان يروح معاها بيتهم اللي فدبي كل خميس ويرجعون الفير قبل لا احد يحس عليهم على حد قوله كانو
مايسوون شي بس كانو يسولفون عن حياتهم وعيالهم وحبني لاني اشبها ونفس تصرفاتها مب لشي ثاني
والله انقهرت وبغيت امووت من القهر سكرت فويهه وقعدت اصيح وتضايجت من الخاطر ويومين ماكلمته
وهو تخبل حرق فوني ويكلم عمتي يقولها شبلاها تقوله بس محمومه وياني لين البيت وتاسف وقال خلاص
بنساها عشان خاطرج بس لا تسوين فروحج جي لما تعلقت فيج ماباج تروحين مني والله استانست من كلامه
بس ماطولت وناستي يوم الاربعا الظهر دقلي وهو متشقق من الفرح قال تدرين ان بنت يرانا مطلقه من 7 شهور
وانا مادري وتم يسولف عنها ولا كاني انا اللي بصير حرمته وسكرت فويهه وحسيت الدنيا صدق ادور فيني
وكل يوم انا متعوده ادقله اوقات الصلاه او لو عندي شي ضروري تخيلو ما يرد علي والله قمت اشك انه قاعد
يكلمها وامس بالليل رد علي وقالي نعم قلتله وينك قالي مشغول قد شعر راسي قلتله انزين وانا قالي مشغول
كيف بفضالج قلتله من الاربعا للخميس مافضيت قالي خلاص اوصل البيت واكلمج ولين ساعتكم ما كلف عمره
يدقلي رنه عالاقل حتى مسج ماخسر عمره يكتبه والله احس منقهره منه تخيلو امس صليت استخاره بس والله
اليوم نشيت مرتاحه وها اللي قاهرني مرتاحه وانا اسمع الكلام اللي يسم قلبي واخاف انه بعده يكلمها
ع فكره امه اليوم تقول لعمتي انه صارله 3 ايام ما ايي البيت وقالهم الويكند ما بيرجع البيت عنده شغل

بليز شو اسوي حد يقترح علي اي شي احاول اشغل عمري باشيا ثانيه بس ارجع الاقي عمري افكر فيه

ويعوضها بكل خير —-

^^"

نصيحتي لصديقتج انها تحبب خطيبها فيها بكل الطرق اللي تقدر عليها

وحتى لو رمس عن بنت جيرانهم لا تهتم بالموضوع وكأنه ما قال شي

خل تكون رومانسية معاه وتعبر عن مشاعرها له حتى لو بمسج مب لازم يرد عليها الحين

بس طبعا مب مشاعر ضيق وسوالف عن بنت الجيران ….الخ

لا مشاعر حب واهتمام

الريال ما يحتاج غير الكلام الطيب عشان ينسى اي شي ثاني

الله يهديه لج وينسى ماضيه ويكون لج بروحج

واللي يصير واضح ومفهوم الغالية!!!!!

الريال يحب بنت الجيران وبعده يحبها وزاد حبه حقها يوم تطلقت ،،، لا أتبعي روحج وقلبج معاه ،،،،، وحضري أهلج وأهله وانهوا الموضوع دامج عالبر،،، ولا تقولي بكون مطلقة وها لكلام ،،،،، لو متأكدة انه قلبه معاها خلاااااااااص ودريييييييييه،،،،،،