سالفتي 12024

البارحه نزل عليه ماي ووقف على الساعه 2ونص … وشكيت .. انه ماي ولا شي ثاني … لاني بكريه وما اعرف وانا 34 اسبوع
فالليل .. سرت العياده اللي عدالنا وقالت لي هذا ماي البيبي … لانه مايه ناقص … وقالت لي لازم تسيرين المستشفى ويحطونج تحت المراقبه عشان الله لا قاله ما يختنق البيبي يوم بينقص الماي .. وكتبت لي تقرير يزاها الله الف خير … وسرت لهم …

دخلت وكشفت عليه الدكتووووره (( المتدربه )) وكان فيه ويع .. وتعبانه وايد .. وقالت لي الماي اوكي وما فيج شي … بس سيري سوي التخطيط للتقلصات وسرت ورديت … قالت لي هاذي التقلصات عندج من كمن يوم (( لاني كنت سايره لهم من يومين بسبة الويع )) ولو كانت فيه ولاده .. جان فتحت النفس ؟؟!!!

فسالتني انتي تبينا نرقدج ولا لا ؟؟؟

الصراحه اول مره اشوف دكتوره … تسال هذا السؤال ؟؟؟

الماي نازل وبطني مستوي حصاه من التقلصات ؟؟!!

يعني شو نسوي في مستشفياتنا والدكاتره المتدربين اللي حاطينهم يتعلموون فينا ؟؟!!

للرفع

الله يعينج والله

الله يعينج الغلا ..
شو صحتج الحين..؟

مشكووورات حبيباتي ….

بس والله مب حاله ويا مستشفياتنا الحكوميه ….

لين متى هذا الاهمال ؟؟؟

انا يوم اروح المواعيد ما اشوف اي اهتمام والي قاهرني اكثر سوتلي فحص من جهاز من سنة يدي ..
شرات الرموت صغير بس تسمع دقات القلب نحن في اي عصر عايشيين ..؟؟!!! وما اعرف شو جنسيتها حافظه كلمتين بس ((الحمدالله بخير ))..
والله طلعت من عندها وانا متضايقه وثاني يوم رحت العياده الخاصه عند الدكتوره ألي اتابعني ..للأسف ما عندهم للولاده وله كنت بتم وياها لين الولاده.. والحمدالله طمنتني ..وارتحت لما شفت البيبي..

حبيبتي تحملي على روحج ولا تسمعين كلامهم كل ولا الضنا ..

وطمنينا عليج..

الله يطمنج الغاليه