سمعت مكالمة بين ريلها والثانية

..مرحبااااااااااا..كتبت من قبل مشكلة ربيعتي ..بدش بالسالفة .. قالت حق ريلها بتسير عرس ..وما سارت وما قالت له على اساس أنه يوم يرد البيت بيشوفها وبتقوله..المهم الأخ رد البيت وهي في الحمام ..(هي قاعدة في بيت أهله لهم جناح فيه )كانت داخل الحمام إلي في حجرتهم وهو داخل الحجرة ..والصوت كان واضح وضوح الشمس..الأخ كان مسوي سبيكر على باله محد..المهم ..باقول المكالمة ..مرحبااا ..مراحب..الاخت تسأله ..شو إن شاء الله تكون راظيتها..قال..حاولت بس ماقدرت ..تقول له ..إنت تستهبل لازم تراظيها هذي حرمتك وأم عيالك ..صدقني مافي وحدة بتصبر عليك مثلها..ورد عليها الأخ أدري ..المهم أقولج أنتي ليش لين الحين مانسيتي رقمي؟؟!! إنتي تحبيني صح!! قولي الصدق .. قالت له أنته تحبني ……قال لها عشان خاطرج ..لا ما أحبج… لازم نحنا خلاص نودر بعض ..أنا من صوب وأنتي من صوب ..قالت له ليش !!؟؟ بس أنا احبك ما احب حد غيرك ما اقدر أنساك..قال لها أنا ريال متزوج .. وأنتي قاعدة ترفضي الزواج عشاني ..يابنت الحلال أنا ما أنفعج ..أنا أبا ………. وقال إسم حرمته(ربيعتي) (يعني البنت تعرف كل شي عنه تعرف إسم حرمته وإسم البيبي وتعرف أنه متزوج وكل شي ) ..المهم شوي ويقول لها أنا ريال ما تكفيني وحدة ..وما أبا أتزوج على حرمتي ..وأنتي بنت وتقولي لي أحبك والله ما أقدر لا تسمعيني هذا الكلام بضيعج..قالت له بس أنا أحبك أحبك ما اقدر أنساك ..قال لها بتسوين أي شي عشاني … إعتبري أني مت إنسي ..قالت لا ما اقدر .. قال لها خلاص أبا أشوفج ..ولا تتحرين أنج بتسلمي علي وبتسيري شرات المرة الأولى ..لا بسوي فيج إلي أباه..قالت له وهي واثقة لا أنا أعرفك زين أنته تخاف من ربك ومابتسوي فيني شي ..أصلا ما أهون عليج.. وتقول جي عشان أخليج …قال لها لا تهوني علي .. والحين قولي بتيني ولى لا ..إذا لا .. خلاص لا تردي تتواصلي وياي ..ما أبا مشاكل مع أهلي ..البنت سبته وقالت له ما توقعتك جي ومن هذا الكلام …..والأخ يقول لها صبري انتي ليش جي شو سويت فيج أنا ما ابا لج إلى الخير ..أتمنى لج السعادة في حياتج ..غيرج من البنات أقدر عليهم بس أنتي لا ما اقدر عليج ..الله يوفقج ..مع السلامة ..والبنت قالت له حقير وبندت………….بس هذي المكالمة وبعدين ريلها طلع من البيت وهي طلعت من الحمام ..وما يعرف أنها سمعت ………………………………………….. …. المسكينة منهارة تبا تعرف شو ؟؟؟؟هل هو يحب الثانية !!!!!!!!! وهل في بنات يلعب عليهم !!!!!!!!!!!!!!!!

ليش ما طلعت له من الحمام وواجهته غريبه

خل تواجهه بعد مبين عليه كل شي انه راعي خرابيط

لازم ما تسكت

عفانا الله مافي ريال عدل هالزمان

الله يعينها الغلبانه ويصبرهالا يارب

موقف كتير صعب

ياربـي ..
لـو ريلـي بيطيح من عيني الصراحه
وبعدين نوايه وايد باينـه !!

الله يعينها

صح ان الموقف صعب
بس باين ان الريال يحب حرمته
بس الشيطان شاطر
اعوذ بالله منه
الله يفرج ضيجتها لو منها واجهته حزتها
الله يعيينها

الله يعينها