سوالف الرشيقات >>>>>>>>>>>

السلام وعليكم ورحمة الله وبركاته

هلا خواتي الرشيقات
انا اليوم فتحت الموضوع نيابة عن اختنا الجودية لانها وايد مشغوله الله يسر امرها
المهم بنات
ارجو الجدية في الموضوع
يعني الموضوع اللي طاف كله كسل والاوزان ثابته والكل يقول خبصت وخبصت
يعني ليش مشتركين في الموضوع بس للتخبيص طبعا انا اولكم
ليش اللا مبالاه يعني كيف بنكون رشيقات
لازم نتعب ونتعب ونتعب
ما في شي سهل
طبعا عندي قوانين في هالموضوع واي وحدة ما تتبع القوانين
بليز لا تشارك معانا يعنى لمتى نمزح ونضحك الايام تمر بسرعة واحنا بدون انجازات تذكر
لاااااااااااااااااااااااااااااازم نوصل للهدف
لاااااااااااااااااااااااااااااااااازم نخفف هالدهون المتراكمة سنين
لاااااااااااااااااااااااااااااااااااااااااازم نكون ايد وحدة نشجع بعض ونقهر الوزن الزايد اللي عالنا كلنا
المهم يا حلوات اللحين بحط القوانين بس قبل بعلن اسم اللي فازت معانا طبعا كل الاوزان ثابته ما عدا

علايه 900 غرام نقصت
ام فيصل نص كيلو
اسومي كيلو
شوق الامارات نص كيلو
يعني الفايزة معانا اسموووووووووووووووومي
مبارك الغلا وشدوا الهمة كلكم

القوانين الجديدة

1 دخول الموضوع كل يوم
2 واللي ماشيه على دايت معين تذكر ذلك
3 اللي مخففة عدم الاكل ليلا والابتعاد كليا عن الحلويات والدهون وقليل من النشويات القليل جدا
4 اللي ما تقدر تدخل ترسلس رساله خاصة مع العذر اللي خلاها ما تدخل
5 لا اريد ان اسمع كلمة تخبيص وعزيمة وما قدرت وتعبانه
اعذار غير مقبوله
6 ممارسة الرياضة يوميا ولك حرية الاختيار باي رياضة تمارسينها
7 التوزين بعد 10 ايام واقل شي نبي نص كيلو
8 اللي تخالف كل ما ذكر بعد تكرار المخالفة تسمحلي انها ما تشارك معانا

بنات لا تزعلون بس ملينا من ثبات الوزن ملينا واحنا مثل الدببة
خلاص لازم نوصل للهدف لااااااااااااااااااااااااااااااااازم باذن الله
يلا شدوا الهمة خلينا في الصيف نكون احلى رشيقات في الامارات
سلامي لكن

السلام عليكم مبروك الموضوع الجديد

انا الحين متبعة نظام التخفيف
من نفس أكل البيت بس احدد الكميات
الفطور كيس شابورة + حليب قليل الدسم
الغداء ملة عيش صغبرة + نصف صدر دجاج + سلطة
العصر 2 فاكهة
العشاء سندوش جبن + سلطة

اسمحوا لي ما اقدر اخفف اكثر لأني ارضع ونص كيلوا بالنسبة لي زين احسن من الزيادة

هلا ام فيصل الله يعينج الغلا الرضاعة تبي تغذية
اهم شي ركزي على السوائل والفواكه
اما النشويات خفيفيها لانها ما تفيد وايد
وتمنياتي لك بالتوفيق

مرحبا

صدقتي بكل كلمه ذكرتيها يا عطر الزهر……

بما انج فتحتي موضوع يديد…………بذكركم بوزني الحالي……….74 كيلو …واوقات ينزل ويكون 73.8 كيلو …….

حاليا ما اتبع ريجيم ولا شي…لاني مريضه ……. ان شاء الله ببدأ الرياضه من يوم السبت ……..

الحمدلله متعوده اني ما آكل المقالي……..إلا نادرا …اذا باكل بيض الصبح ….

طبعا ببدأ بكل حماس وعزيمه لان ما بقى شي على عرس حميتي…….وابا اكون غير ….

المهم اتمنى هذا الموضوع ما يبرد ……..شرات الموضوع الاول

الله يوفقكن جميعا

هلا جروح
يلا شدي الهمة وخلينا نشوف جروح الجديدة
وسلامتك الغلا

هلااااا…. أنا بقدم لكم نفسي مره ثانيه..

الاســــم : علايـــــه

الوزن الحالي : 68 كيلو

النظام المتبع : النظام الغذائي لفصيلة الدم +B

وان شاءالله هالمره أكون قدها وأنقص على الأقل كيلو خلال الـ 10 أيام اللي يايه..

سلاااام